Еремей 22:18 - Коми Библия 2023

¹⁸ Та вӧсна иудаса Ехояким ӧксы йылысь, Иосейлӧн пиыс йылысь, Господь тадзи висьталӧ: – Сы йылысь оз кутны бӧрдны: ”Курыд шог, вокӧй!” ”Курыд шог, чойӧй!” Сы йылысь оз кутны бӧрдны: ”Курыд шог, ыджыдӧй!” ”Курыд шог сылӧн юралӧмлы!”

Еремей 22:18 Referans Kwoze

Еремей 16:6

Тайӧ муас куласны ичӧтъяс и гырысьяс, но найӧс некод оз гуав, некод оз кут бӧрдны на вӧсна, некод оз вундав ассьыс вир-яйсӧ да оз шыр юрсисӧ на вӧсна.

Ӧксыяслӧн 3 небӧг 13:30

Шойсӧ пуктіс аслас дзебанінӧ. А бӧрдысьяс шуалісны: «Курыд шог, вокӧй!»

Еремей 22:10

– Энӧ бӧрдӧй кулӧма вӧсна, энӧ жалитӧй сійӧс, но курыда бӧрдӧй пленӧ нуӧдӧма вӧсна, сійӧ ӧд бӧрсӧ оз нин бергӧдчы, ассьыс чужан мусӧ оз нин аддзыв.

Еремей 16:4

Тайӧ муас олысьяс куласны сьӧкыд висьӧмъясысь, на вӧсна некод оз кут бӧрдны, найӧс некод оз гуав, куйӧд моз найӧ кутасны куйлыны му вылас. Найӧ куласны тшӧтш шыпурт да тшыгъялӧм помысь, налӧн шойясӧн пондасны пӧткӧдчыны кырныш-варыш да зверъяс.

Еремей 34:5

тэ кулан лӧня. Батьясыдлы моз, кодъяс тэӧдз ӧксыалісны, тэныд тшӧтш сотасны чӧскыд ӧвтанторъяс тэнӧ гуалігӧн да кутасны бӧрдны тэ йылысь: ”Курыд шог, ыджыдӧй!” Тайӧс Ме кӧсйыся, – висьталӧ Господь».

2 Каднебӧг 35:25

Еремей сьыліс Иосей йылысь бӧрдан сьыланкыв. Сьылысьяс талунъя лунӧдз сьылӧны Иосей йылысь бӧрдан сьыланкыв. Тайӧ сьыланкывсӧ пыртӧма бӧрдан сьыланкывъяс лыдӧ, Израильын ӧнӧдз сійӧс сьылӧны.

Ӧксыяслӧн 2 небӧг 1:26

Ёна шогся тэ вӧсна, Ионафан вокӧй. Тэ вӧлін меным вывті муса, тэнад муслуныд вӧлі меным аньлӧн муслун дорысь на донаджык.

Ӧксыяслӧн 4 небӧг 23:6

Сійӧ петкӧдіс Астарта бӧлбанӧс Господьлӧн крамысь Ерусалим кар сайӧ Кедрон ковтысӧ да сотіс сэні. Сэсся пызьӧдз нырис, а пызьсӧ койыштіс шойна вылӧ.

Ӧксыяслӧн 4 небӧг 23:36

Ӧксыӧ пуксигас Ехоякимлы вӧлі кызь вит арӧс. Дас ӧти во чӧж сійӧ юраліс Ерусалимын. Сылӧн мамыс вӧлі Зевудда, Румаысь Педайлӧн нылыс.

Ӧксыяслӧн 4 небӧг 24:6

Ехояким куліс да вуджис батьясыс дінӧ. Ехояким бӧрти ӧксыӧ пуксис сылӧн Еконей пиыс.

2 Каднебӧг 36:5

Ӧксыӧ пуксигас Ехоякимлы вӧлі кызь вит арӧс. Дас ӧти во чӧж сійӧ юраліс Ерусалимын. [Сылӧн мамыс вӧлі Зевудда, Румаысь Педайлӧн нылыс. Батьясыс моз] Ехояким вӧчис аслас Господь Ен водзын шогмытӧмсӧ. [Ехоякимлӧн юралан кадӧ вавилонса Навукодоносор ӧксы уськӧдчис Иуда му вылӧ. Куим во чӧж Ехояким вӧлі Навукодоносорлӧн кипод улын, но сэсся кыпӧдчис сылы паныд. Калдеяысь, Самарияысь да аммон войтырлӧн муысь Господь мӧдӧдіс йӧзӧс, медым найӧ уськӧдчисны Иуда войтыр вылӧ. Мӧдӧдіс тшӧтш Арамысь да Моавысь куштысь-мырддялысьясӧс. Но сэсся найӧ вешйисны Иуда войтыр дінысь. Господь водзвыв висьталіс та йылысь пророкъяс пыр, кодъяс кесъялісны Сылы. Господь ёна скӧраліс Иуда вылӧ, кӧсйис эновтны сійӧс Манассейлӧн став мыжыс вӧсна да сы вӧсна, мый Ехояким кисьтіс мыжтӧм йӧзлысь вирсӧ да тыртіс сыӧн Ерусалим кар. Но Господь эз кӧсйы дзикӧдз бырӧдны Иуда войтырӧс.]

Еремей 22:12

Сійӧ кулас сэні, кытчӧ нуӧдісны, и тайӧ мусӧ сійӧ оз нин аддзыв».

1 Каднебӧг 3:15

Иосейлӧн медводдза пиыс вӧлі Иоханан, мӧдыс – Ехояким, коймӧдыс – Седекей, нёльӧдыс – Шаллум.

Еремей 21:11

– Иудаса ӧксы керкаын олысьяслы висьтав: кывзӧй Господьлысь кывсӧ,

Еремей 36:30

Та вӧсна иудаса Ехояким ӧксы йылысь Господь тадзи висьталӧ: сысянь чужысь оз кут пукавны Давидлӧн юралан пуклӧсын. Сылысь шойсӧ лоӧ шыбитӧма. Луннас гожйыс пондас сотны сійӧс, а войнас кӧдзыдыс – кынтыны.