Еремей 21:14 - Коми Библия 2023

¹⁴ Ме мыжда тіянӧс уджъясныдлӧн вотӧсыс серти, – висьталӧ Господь. – Тіян вӧрын Ме песта би, и сійӧ ставсӧ гӧгӧр ньылыштас.

Еремей 21:14 Referans Kwoze

Еремей 32:19

Тэнад шуӧмъясыд мывкыдӧсь, Тэнад уджъясыд вынаӧсь, Тэ аддзан мортлысь туйяссӧ, быдӧнлы мынтысян сылӧн туйясыс серти, сылӧн уджъяслӧн вотӧсыс серти.

Шусьӧгъяс 1:31

Та вӧсна понданныд сёйны, мый быдтінныд, кутанныд пӧткӧдчыны асланыд лёк мӧвпъясӧн.

Еремей 52:13

Сійӧ сотіс Ерусалимысь Господьлысь крамсӧ, ӧксылысь керкасӧ да став ыджыд керкасӧ.

Еремей 17:10

Ме, Господь, видзӧда мортлӧн сьӧлӧмӧ, туяла мортлысь пытшкӧссӧ, Ме мынтыся быдӧнлы сылӧн туйясыс серти, сылӧн уджъяслӧн вотӧсыс серти.

2 Каднебӧг 36:19

Найӧ сотісны Енлысь крамсӧ, жугӧдісны Ерусалим карлысь стенсӧ, сотісны ӧксылысь керкаяссӧ да бырӧдісны сылысь став озырлунсӧ.

Еремей 9:25

Матыстчӧны лунъяс, – висьталӧ Господь, – кор Ме кута мыждыны вундыштчӧмаясӧс и вундыштчытӧмъясӧс.

Закар 11:1

Восьт ассьыд дзиръяястӧ, Ливан, мед биыс ньылыштас тэнсьыд сус пуястӧ.

Еремей 22:7

Ме мӧдӧда тэ дінӧ шыпурта бырӧдысьясӧс, найӧ кераласны тэнсьыд медбур сус пуястӧ да шыбитасны биӧ.

Еремей 11:22

Но Ме, Господь Саваоф, на йылысь тадзи висьтала: Ме мыжда найӧс. Налӧн зонъясыс куласны шыпуртысь, ныв-пиныс куласны тшыгъялӧмысь.

Еремей 6:29

Эзысь сывдысь пӧльтӧ пушканӧн, биын сывдӧ эзысь да свинеч, но весьшӧрӧ уджалӧ, ӧд сорасыс оз торъяв.

Исай 37:24

Аслад кесъялысьяс пыр тэ омӧльтін Господьӧс. Тэ шуин: ”Аслам уна лыда тарантасъясӧн ме кайи джуджыд керӧсъяс вылӧ, ливанса керӧсъяс йылӧдз. Ме кералі сылысь гырысь сус пуяссӧ, пӧрӧді медбур кипарисъяссӧ. Ме кайи сылӧн медджуджыд керӧсӧдз, пыралі сылӧн медпыді раскӧдз.

Исай 24:21

Сійӧ лунӧ Господь мыждас енэжвывса тышкакотыръясӧс енэжас, мувывса ӧксыясӧс – му вылас.

Исай 10:12

Кор Господь помӧдз вайӧдас Ассьыс уджсӧ Сион керӧс вылын да Ерусалимын, Сійӧ мынтысяс ассурса ӧксылы сылӧн вылӧ кыпӧдчӧмысь да ышнясьӧмысь.

Исай 10:16

Та вӧсна Ыджыдыс, Господь Саваоф, жебмӧдас ӧксылысь вынйӧра йӧзсӧ да бипурын моз сотас сылысь нималӧмсӧ.

Еремей 11:16

Господь нимтіс Ассьыс войтырсӧ дзоридзалысь олив пуӧн, чӧскыд вотӧса пуӧн. Но ёна чардалӧм дырйи Господь ыстас сы вылӧ би, и сылӧн увъясыс сотчасны.

Еремей 17:27

Но ті кӧ онӧ кывзӧй Менӧ, и шойччан луныс тіянлы оз ло вежа, а кутанныд шойччан лунӧ ветлыны нопйӧн ерусалимса дзиръяӧд, сэки тайӧ дзиръяяссӧ Ме биӧн сота. Биыс ньылыштас Ерусалимлысь керкаяссӧ, и некод оз кусӧд сійӧс».

Еремей 22:1

Господь тадзи висьталіс: «Мун иудаса ӧксылӧн керкаӧ да висьтав сэні тайӧ кывъяссӧ:

Еремей 46:23

Вӧрӧг пӧрӧдас Египетлысь сук вӧрсӧ, – висьталӧ Господь. – Вӧрӧглӧн лыдыс саранча дорысь на унджык, сылысь тышкайӧзсӧ он вермы лыддьынысӧ.

Еремей 50:32

Ышнясьысь крукасяс да усяс, некод оз лэпты сійӧс. Сылысь каръяссӧ Ме сота, на гӧгӧрысь ставсӧ би ньылыштас.

Бӧрданкыв 2:3

Скӧрйывсьыс Сійӧ жугӧдіс Израильлысь вынсӧ, вештіс сы вылысь Ассьыс веськыд кисӧ, эз видз сійӧс вӧрӧгысь. Сійӧ сотіс Яковӧс ыпъялысь биӧн, мый ньылыштӧ ставсӧ.

Шусьӧгъяс 12:14

Аслас бур кывъясысь мортыд бурнас пӧтӧ, мортыдлы тырдоныс уджъясыс серти вичмӧ.

Еремей 6:19

Кывзы, муыс! Ме ыста тайӧ войтырыслы шог. Тайӧ шогыс – налӧн лёк мӧвпъяслӧн вотӧсыс, ӧд Менсьым кывъясӧс найӧ эз кывзыны, Менсьым Индӧдӧс найӧ ӧтдортісны.

Езекиль 21:3

Израиль мулы шу, мый Господь тадзи висьталӧ: Ме сувта тэныд паныд, перъя Ассьым шыпуртӧс, виа веськыда олысьясӧс да мыжаясӧс.

Микей 7:13

А сэтчӧс муыс лоӧ овтӧминӧн сэні олысьяслӧн лёк уджъясныс вӧсна.