Еремей 2:6 - Коми Библия 2023

⁶ Найӧ эз корсьны Господьӧс, коді петкӧдіс миянӧс Египетысь, нуӧдіс миянӧс овтӧминӧд, куш да гурана муӧд, кос да сап пемыд муӧд, муӧд, кыті некод эз ветлы, кӧні морт эз овлы.

Еремей 2:6 Referans Kwoze

Индӧд 32:10

Сійӧ аддзис тайӧ войтырсӧ овтӧминысь, куш да шуштӧм пельӧсысь, тӧждысис на вӧсна, дорйис найӧс, синмӧс моз видзис.

Осий 13:4

Но Ме, Господь, Египетысь петігад нин вӧлі тэнад Ен. Меысь ӧтдор мӧд енмыс тэнад абу, Меысь кындзи мӧд мездысьыс абу.

Матвей 4:16

Пемыдын олысь войтыр яр биа югыд аддзис, кулӧмыслӧн вуджӧр улын олысьяслы югыд кыа петіс.

Осий 12:13

Господь петкӧдіс Израиль войтырӧс Египетысь, пророк нуӧдіс найӧс, пророк пыр Господь видзис найӧс.

Еремей 5:2

– Найӧ кыв сетӧны ловъя Господь водзын, но налӧн кыв сетӧмныс – пӧръясьӧм.

Еремей 2:8

Попъяс эз корсьны Господьӧс, Индӧдӧ велӧдысьяс эз тӧдны Менӧ, Менсьым войтырӧс видзысьяс кыпӧдчисны Меным паныд, пророкъяс пророкалісны Ваал нимсянь. Найӧ ставныс юрбитісны идолъяслы, кодъяс отсавны оз вермыны.

Еремей 2:2

Господь тшӧктіс меным мунны Ерусалимӧ да юӧртны сэні, мый Господь тадзи висьталӧ: – Ме эг вунӧд, кыдзи том дырйиыд тэ сьӧлӧмсянь кесъялін Меным, тэ радейтін Менӧ, кор тэ вӧлін Меным гӧтырпуӧн на, тэ мунін Ме бӧрся овтӧминӧд, кӧні нинӧм он кӧдз ни он быдты.

Исай 64:7

Некод оз шыась Тэнад нимӧ, некод оз кутчысь Тэ дінӧ. Та вӧсна Тэ бергӧдін миянысь Ассьыд чужӧмтӧ, эновтін миянӧс кувны асланым мыжъясын.

Исай 63:9

сьӧкыд кадӧ Сійӧ вӧлі накӧд, Сылӧн анделыс отсаліс налы. Аслас муслуныс да бурлуныс вӧсна Сійӧ мездывліс найӧс, новлӧдліс найӧс ки вылас став важся лунъясӧ.

Псалтыр 77:5

Господь сетіс тшӧктӧмъяс Яков рӧдлы, Индӧдсӧ сетіс Израиль войтырлы, тшӧктіс миян батьяслы велӧдны Индӧдӧ ассьыныс челядьсӧ,

Псалтыр 23:4

Сӧмын сійӧ, кодлӧн киыс мыжтӧм да сьӧлӧмыс сӧстӧм, коді кывсӧ оз сет весьшӧрӧ, оз ылӧдлы [ассьыс матыссасӧ] Господь нимӧн.

Иов 35:10

Но некод оз шу: «Кӧні Енмыс, менӧ Вӧчысьыс? Кӧні Сійӧ, коді войся кадӧ сетӧ сьывны,

Иов 3:5

Мед шымыртас сійӧс пемыдыс, лэччас сы вылӧ сап пемыдыс, мед вевттяс сійӧс сьӧд кымӧрыс, мед повзьӧдас сійӧс шонділӧн кусӧмыс.

Ӧксыяслӧн 4 небӧг 2:14

Сэні Елисей кучкис Иллялӧн кышаннас ваӧ да шуис: «Кӧні ӧні Господь, Иллялӧн Енмыс?» Кор Елисей кучкис ваас, юыс шӧри потіс, и Елисей вуджис юсӧ.

Ёрдысьяс 6:13

Гедеон вочавидзис: «Ыджыдӧй, миянкӧд кӧ Господь, сідзкӧ, мыйла миянӧс шогъясыс суисны? Кӧні Сылӧн шензьӧданаторъясыс, мый йылысь висьтавлісны батьясным? Найӧ висьтавлісны миянлы, кыдзи Господь петкӧдӧма миянӧс Египетысь. Но ӧні Господь эновтӧма миянӧс, сетӧма мадианса киӧ».

Петӧм 20:2

«Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Индӧд 1:19

Хорив керӧссянь ми мӧдӧдчим водзӧ, мунім паськыд да повзьӧдана овтӧминӧд. Сійӧс ті аддзылінныд, кор ми мунім аморейяслӧн керӧсвыв мулань асланым Господь Енлӧн тшӧктӧм серти. Сэсся ми воим Кадеш-Варниӧ.

Еремей 13:16

Ошкӧй Господьӧс, ассьыныд Еннытӧ, кытчӧдз Сійӧ оз мӧдӧд пемыдсӧ. Сэки ті понданныд крукасьлыны пемыд керӧсъяс вылын, кутанныд виччысьны югыдсӧ, но югыдсӧ Сійӧ вӧчас сап пемыдӧн, сьӧд пемыд войӧн.

Еремей 51:43

Вавилонса каръяс кушмисны, Вавилон лои кос муӧн да овтӧминӧн, сэні некод оз ов, сэті некод оз ветлы.

Индӧд 8:2

Энӧ вунӧдӧй, кыдзи нелямын во чӧж Господь, тіян Енныд, нуӧдіс тіянӧс овтӧминӧд, медым раммӧдны тіянлысь сьӧлӧмнытӧ да тӧдмавны тіянӧс, тіянлысь сьӧлӧмпытшса мӧвпнытӧ, кутанныд-ӧ овны Сылӧн тшӧктӧмъяс серти.

Еремей 5:12

Найӧ ылӧгсӧ висьталісны Господь йылысь: «Сійӧ нинӧм миянлы оз вӧч. Шогыс оз су миянӧс, шыпуртыс да тшыглуныс оз инмӧдчы миян дінӧ.

Амос 2:10

Ме петкӧді тіянӧс Египет муысь, нелямын во чӧж нуӧді овтӧминті, медым сетны тіянлы аморейяслысь мусӧ.