29 Мыйла ті мыжаланныд Менӧ? Ті [шогмытӧма олінныд,] ставныд кыпӧдчинныд Меным паныд, – висьталӧ Господь. –
Ми, Израиль войтыр, торким Тэнсьыд Индӧдтӧ, бергӧдчим Тэысь да эгӧ кывзӧй Тэнӧ. Миянӧс суис ёрӧм да мыждӧм, мый йылысь гижӧма Ен кесйӧг Мӧисейлӧн Индӧдын, ӧд ми мыж вӧчим Тэныд паныд.
Ичӧтсянь гырысьӧдз – ставныс ылӧдлӧмӧн озырмӧдчӧны, пророкъяс и попъяс – ставныс пӧръясьӧны.
– Ветлӧдлӧй ерусалимса уличьясті, видзӧдалӧй да тӧдмалӧй, корсьӧй изэрдъяс вылысь мортӧс, коді олӧ веськыда да кутчысьӧ збыляс. Аддзанныд кӧ, сэки Ме прӧстита Ерусалимын олысьясӧс.
Ми тӧдам, мый Индӧдыс висьталӧ Индӧд улын олысьяслы. Та вӧсна некод оз вермы мыйкӧ паныд шуны, ӧд став муюгыдыс Ен мыждӧм улын.
Лэпты синтӧ изъя керӧсъяслань да видзӧдлы, эм-ӧ сэтшӧм керӧсыс, кӧні эськӧ тэ эн сетчы мукӧд енъяслы. Овтӧминын кыйӧдчысь араб моз тэ пукалін туй бокын да виччысин ветлысь-мунысьясӧс. Мукӧд енъяслы сетчӧмнад да лёк вӧчӧмнад тэ пежалін мусӧ.
тэ шуалан: «Ме мыжтӧм, оз су менӧ Енлӧн скӧрлуныс». Но Ме мыжала тэнӧ сыысь, мый шуан, ме пӧ мыжсӧ эг вӧчлы.
Тэ ӧмӧй верман шуны: «Ме сӧстӧм, ме эг юрбит Ваал идолъяслы». Видзӧдлы аслад уджъяс вылӧ, мӧвпыштлы, мый тэ вӧчин ковтысын! Тэ вӧлін том энь верблюд кодь, коді рӧдйӧн котралӧ ӧтарӧ-мӧдарӧ.