Еремей 2:20 - Коми Библия 2023

²⁰ Ме важӧн нин жугӧді тэнсьыд сийӧстӧ, орйӧдлі тэнсьыд кӧртӧдъястӧ. Тэ шулін, мый он кут юрбитны идолъяслы, но став джуджыд керӧс вылын, быд пашкыр пу улын тэ куйлін кырсалысь ань моз.

Еремей 2:20 Referans Kwoze

Индӧд 12:2

Бырӧдӧй став юрбитанінъяссӧ, кӧні войтыръяс, кодъяслысь мусӧ ті босьтанныд, кесъялісны асланыс енъяслы джуджыд керӧс-мылькъяс вылын да пашкыра быдмысь пуяс улын.

Левит 26:13

Ме – Господь, тіян Енныд. Ме петкӧді тіянӧс Египет муысь, медым ті энӧ олӧй кесйӧг туйын. Ме мезді тіянӧс сийӧс улысь, медым ті веськӧдчӧмӧн ветлӧдлінныд».

Еремей 17:2

Пияннысӧ моз найӧ казьтывлӧны висьпуктанінъяс да юрбитан пуяс йылысь, кодъяс сулалӧны пашкыр пуяс улын, джуджыд керӧсъяс вылын

Осий 3:3

Ме шуи сылы: «Ов ме ордын дыр кад чӧж. Эн кырсав, мукӧдъяс дінӧ эн ветлы – и ме лоа тэнад».

Еремей 30:8

Сійӧ лунӧ, – висьталӧ Господь Саваоф, – Ме жугӧда налӧн сьылі вылысь сийӧссӧ, орӧда налысь кӧртӧдъяссӧ. Найӧ оз нин кутны кесъявны мукӧд войтырлы,

Исай 1:21

Тэ вӧлін эскана войтырлӧн карӧн, а ӧні тэ – кырсалысьяслӧн кар. Водзын тэнад олысьясыд мыждісны да олісны веськыда, а ӧнія олысьясыд – морт виысьяс.

Наум 1:13

Ӧні Ме босьта тэнад сьылі вылысь налысь сийӧссӧ да жугӧда сійӧс, орӧда тэнсьыд чепъястӧ.

Осий 2:5

Налӧн мамныс кырсаліс, найӧс чужтысьыс асьсӧ янӧдіс. Сійӧ шуліс: «Муна аслам мусукъяс бӧрся. Найӧ сетӧны меным сёян-юан, вурун да шабді, вый да вина».

Езекиль 23:5

Огола вӧлі Менам, но кырсаліс. Сылӧн лёкколӧмыс ӧзъяліс мусукъяс дінас, орччӧн олысь ассурсаяс дінӧ.

Езекиль 20:28

Ме вайӧді найӧс муӧ, мый киӧс лэптӧмӧн кӧсйыси сетны налы. Но быдлаын, кӧні аддзисны джуджыд мыльк либӧ пашкыр пу, найӧ кутісны вайны висьяснысӧ да вайӧмторъяснысӧ. Тайӧн найӧ скӧрмӧдісны Менӧ. Найӧ тшынӧдлісны сэні чӧскыд ӧвтанторъяснысӧ да кисьтавлісны вина висьнысӧ.

Езекиль 16:41

Найӧ сотасны керкаястӧ, мыждасны тэнӧ мукӧд аньяслӧн син водзын. Тадзи Ме пукта пом тэнад кырсалӧмлы, и тэ дугдан мынтысьны мусукъясыдлы.

Езекиль 16:31

Быд туйвежӧ да быд изэрд вылӧ тэ кыпӧдін юрбитан мыльк. Тэ кырсалін, но эн босьт сьӧм, кыдзи босьтӧ асьсӧ вузавлысь ань.

Езекиль 16:28

Тэ пӧтлытӧг кырсалін ассурсаяскӧд, но тайӧ тэныд вӧлі этша на.

Исай 14:25

Аслам му вылын Ме пасьварта Ассур тышкайӧзӧс, Аслам керӧсъяс вылын Ме таляла найӧс. Менам войтырӧй мынас Ассурлӧн сийӧс улысь, налӧн пельпом вылысь усяс сьӧкыд нопйыс.

Исай 10:27

Сійӧ лунӧ тіян пельпом вылысь усяс Ассурлӧн сьӧкыд нопйыс, тіян сьылі вылысь жугалас сылӧн сийӧсыс.

Исай 9:4

Найӧс личкысь сийӧссӧ Тэ жуглан, найӧс нӧйтысь бедьсӧ чегъялан, найӧс дзескӧдысьлысь орссӧ орйӧдлан, кыдзи вӧчин мадиан войтырӧс пасьвартан лунӧ.

Ӧксыяслӧн 3 небӧг 12:32

Сійӧ индіс, мый кӧкъямысӧд тӧлысьлӧн дас витӧд лунӧ лоӧ гаж, Иуда муын кодь пасъян гаж. Вефильӧ сувтӧдӧм висьпуктанін вылын Еровам вайис висьяс вӧчӧм ӧшъяслы да индіс попъясӧс, медым найӧ кесъялісны вись ваян мылькъяс вылын.

Ӧксыяслӧн 1 небӧг 12:10

Но батьясныд бӧрдӧмӧн шыасисны Господь дінӧ да шуисны: ”Ми мыж вӧчим – эновтім Господьӧс да кесъялім-юрбитім Ваал да Астарта идолъяслы. Мезды миянӧс вӧрӧг киысь, ми кутам кесъявны Тэныд”.

Нав Исус 24:26

Исус гижис тайӧ тшӧктӧмъяссӧ Енлӧн Индӧд небӧгӧ. Сэсся босьтіс ыджыд из да пуктіс сійӧс Господьлӧн вежаинӧ тупу улӧ.

Нав Исус 24:24

Войтырыс шуис Исуслы: «Кутам кесъявны Господьлы, асланым Енлы, да кывзысьны Сылысь».

Нав Исус 1:16

Найӧ вочавидзисны Исуслы: «Ми вӧчам ставсӧ, мый тшӧктан. Кытчӧ миянӧс мӧдӧдан, сэтчӧ ми и мунам.

Индӧд 26:17

Талун ті висьталінныд, мый Господь лоӧ тіян Енмӧн, мый ті кутанныд ветлыны Сылӧн туйясӧд, овны Сылӧн индӧд-тшӧктӧмъяс серти да кывзысьны Сылысь.

Индӧд 15:15

Тӧд, мый тэ [тшӧтш] вӧлін кесйӧг туйын Египет муын, и Господь, тэнад Енмыд, мездіс тэнӧ нартитӧм улысь. Та вӧсна талун ме тшӧкта тэныд тадзисӧ вӧчны.

Индӧд 5:27

Тэ мун да кывзы, мый шуас тэныд Господь, миян Енным, сэсся висьтав миянлы, мый йылысь Сійӧ висьталас тэныд. Ми кутам кывзыны да Сылӧн тшӧктӧм-шуӧм серти овны”.

Индӧд 4:34

Некутшӧм ен эз торйӧд аслыс войтыр мукӧд войтыр пӧвстысь чорыд мыждӧмъясӧн, шензьӧданаторъяс да индысьпасъяс вӧчӧмӧн, тыш отсӧгӧн, вына кисӧ да ён сойсӧ лэптӧмӧн, ыджыдсьыс-ыджыд повзьӧданаторъяс вӧчӧмӧн. Но Египетын ті аддзылінныд, мый тадзи вӧчис Господь, тіян Енныд.

Индӧд 4:20

А тіянӧс Господь [Ен] петкӧдіс Египетысь, биа пачысь, медым ті вӧлінныд Сылӧн войтырӧн, и тайӧ ӧніӧдз тадзи.

Петӧм 24:3

Мӧисей локтіс войтырыс дінӧ да висьталіс налы Господьлысь кывъяссӧ да тшӧктӧмъяссӧ. Войтырыс ӧти вомӧн шуис: «Ми вӧчам ставсӧ, мый тшӧктіс Господь. [Кутам кывзысьны.]»

Петӧм 19:8

Став войтырыс ӧти вомӧн шуис: «Ставсӧ, мый тшӧктіс Господь, ми кутам вӧчны [да кутам кывзысьны]». Мӧисей муніс висьтавны тайӧс Господьлы.

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Восьтӧм 17:1

Ме дінӧ матыстчис андел. Сійӧ вӧлі на пӧвстысь, кодъяслӧн вӧлі сизим чашаыс. Сійӧ шуис меным: «Лок татчӧ, ме петкӧдла тэныд, кутшӧм мыждӧм виччысьӧ ваяс дорын пукалысь аньӧс, коді ёна кырсаліс.

Ӧксыяслӧн 3 небӧг 14:23

Джуджыд мылькъяс вылын да пашкыр пуяс улын найӧ вӧчисны аслыныс юрбитанінъяс, сувтӧдісны юрбитан изъяс да юрбитан пуяс.

Псалтыр 107:14

Енмыскӧд ми вӧчам ыджыд уджъяс, миянӧс дзескӧдысьясӧс Сійӧ талялас.

Еремей 2:31

Ӧнія олысьяс, гӧгӧрвоӧй Господьлысь кывсӧ: Вӧлі-ӧ Ме Израиль войтырлы овтӧминӧн? Вӧлі-ӧ Ме сылы пемыд муӧн? Мыйла Менам войтырӧй шуӧ, ми пӧ мунам, кытчӧ кӧсъям, огӧ пӧ бергӧдчӧй Тэ дінӧ?

Еремей 3:13

Сӧмын гӧгӧрво ассьыд мыжтӧ, мый тэ Господьлы, аслад Енлы, паныд кыпӧдчин, котралін мукӧд енъяс дінӧ быд пашкыр пу улӧ, но Менсьым тэ эн кывзысь, – висьталӧ Господь».

Еремей 5:5

Ме шуи, мый муна нималана йӧз дінӧ, понда сёрнитны накӧд, ӧд найӧ тӧдӧны Господьлысь туйсӧ, тӧдӧны асланыс Енлысь Индӧдсӧ. Но найӧ тшӧтш жугӧдісны сийӧснысӧ, орӧдісны кӧртӧднысӧ.

Еремей 13:27

Ме аддзылі тэнсьыд кырсалӧмтӧ да лёкколӧмтӧ, керӧсъяс да видзьяс вылын зывӧк идолъяслы юрбитӧмтӧ. Курыд шог тэныд, Ерусалим! Тэ абу сӧстӧм. Дыр-ӧ на тадзи лоӧ?

Осий 4:13

Керӧсъяс вылын найӧ вайӧны висьяс, мылькъяс вылын тшынӧдчӧны, вӧчӧны тайӧс тупу да оржы вуджӧр улын, тшӧтш мукӧд ыджыд пуяслӧн вуджӧр улын. На моз тіян нывъясныд сетчӧны кырсалӧмӧ, моньясныд – гозъякост олӧм пежалӧмӧ.

Ёрдысьяс 2:11

Израиль пиян кутісны вӧчны Господь водзын шогмытӧмсӧ. Найӧ пондісны юрбитны Ваал идолъяслы.

Ёрдысьяс 2:13

Найӧ эновтісны Господьӧс да кутісны кесъявны Ваал да Астарта идолъяслы.

Ёрдысьяс 10:6

Израиль пиян бара вӧчисны Господь водзын шогмытӧмсӧ. Найӧ юрбитісны Ваал да Астарта идолъяслы, тшӧтш арамей, сидон, моав, аммон да филистим войтыръяслӧн енъяслы. Найӧ эновтісны Господьӧс, дугдісны Сылы кесъявны.

Псалтыр 2:3

«Разям ас вылысь налысь кӧртӧдъяссӧ, шыбитам ас вылысь налысь чепъяссӧ!»

Осий 1:2

Кор Господь кутіс сёрнитны Осий пыр, Сійӧ шуис Осийлы: «Мун да босьт аслыд гӧтырӧ кырсалысь аньӧс. Босьт ас дінад тшӧтш сылысь чурка ныв-писӧ. Израиль му кырсалысь ань кодь, ӧд израильсаяс эновтісны Господьӧс, юрбитӧны мукӧд енъяслы».

Осий 9:1

– Эн нимкодясь, Израиль, эн гажӧдчы мукӧд войтыръяс моз. Кырсалысь ань моз тэ эновтін ассьыд Ентӧ, быд гумла вылын вузалан асьтӧ, таысь босьтӧм удждонтӧ тэ радейтан.