Еремей 19:7 - Коми Библия 2023

⁷ Тані Ме бырӧда Иуда войтырлысь да Ерусалимын олысьяслысь кӧсйӧмсӧ. Ме сета найӧс вӧрӧглӧн шыпурт улӧ, и найӧ куласны налысь олӧмсӧ босьтны кӧсйысьяслӧн ки помысь. Налысь шойяссӧ Ме шыбита кырныш-варышлы да зверъяслы.

Еремей 19:7 Referans Kwoze

Левит 26:17

Ме тіянлы паныд сувта. Вӧрӧгныд вермас тіянӧс, мустӧмтысьныд кутас ыджыдавны тіян вылын. Ті котӧрӧн пышъянныд, кӧть вӧтӧдысьыс оз ло.

Еремей 16:4

Тайӧ муас олысьяс куласны сьӧкыд висьӧмъясысь, на вӧсна некод оз кут бӧрдны, найӧс некод оз гуав, куйӧд моз найӧ кутасны куйлыны му вылас. Найӧ куласны тшӧтш шыпурт да тшыгъялӧм помысь, налӧн шойясӧн пондасны пӧткӧдчыны кырныш-варыш да зверъяс.

Еремей 34:20

вӧрӧг киӧ, сійӧ йӧзыслы, кодъяс корсьӧны босьтны налысь олӧмсӧ. Налӧн шойясӧн кутасны пӧткӧдчыны кырныш-варыш да зверъяс.

Еремей 15:9

Сизимӧс чужтысь вынтӧмӧн куйлӧ, сійӧ апалӧ сынӧдсӧ. Луншӧрнас на лэччас сылӧн шондіыс, и сійӧ яналас. Ловйӧн кольӧмаясӧс Ме сета вӧрӧглы, найӧс виасны шыпуртӧн, – висьталӧ Господь».

Еремей 15:2

Но найӧ кӧ юаласны тэнсьыд, кытчӧ пӧ миянлы муннысӧ, висьтав налы, мый Господь тадзи висьталӧ: – Кодлы шуӧма кувны, сійӧ мед кулас, кодлы шуӧма шыпуртысь кувны, сійӧ мед шыпуртысь кулас, кодлы шуӧма тшыгла кувны, сійӧ мед тшыгла кулас, кодлы шуӧма пленӧ мунны, сійӧ мед пленӧ мунас.

Еремей 7:33

Тайӧ войтырыслӧн шойясӧн кутасны пӧткӧдчыны кырныш-варыш да зверъяс, и некод оз повзьӧд найӧс.

Римӧ 4:14

Кӧсйысьӧмасӧ кӧ позис босьтны сӧмын Индӧд отсӧгӧн, сэки эскӧмыс ковтӧм да кӧсйысьӧмыс вынтӧм.

Римӧ 3:31

Сідзкӧ, мый артмӧ? Эскӧмнаным ми бырӧдам Индӧдсӧ? Огӧ. Мӧдарӧ, вынсьӧдам.

Бӧрданкыв 3:37

Кодлӧн шуӧмыс инӧ? Оз-ӧ Господьлӧн, коді тшӧктӧ иннысӧ?

Еремей 46:26

Найӧс Ме сета налысь олӧмсӧ босьтны кӧсйысьяслӧн киӧ, сета вавилонса Навукодоносор ӧксы киӧ да сылы кесъялысьяслӧн киӧ. Но та бӧрти Египетын воддза мозыс бара кутасны овны, – висьталӧ Господь.

Еремей 22:25

Ме сета тэнӧ сійӧ йӧзлӧн киӧ, кодъяс кӧсйӧны босьтны тэнсьыд олӧмтӧ, сета налӧн киӧ, кодъясысь тэ полан. Ме сета тэнӧ вавилонса Навукодоносор ӧксы киӧ да калдеяса тышкайӧзлӧн киӧ.

Еремей 22:19

Сійӧс гуаласны осёлӧс моз. Сылысь шойсӧ кыскасны да шыбитасны ерусалимса дзиръя сайӧ.

Еремей 18:21

Господьӧй, меным паныд сувтысьяслӧн пияныс мед тшыгъяласны, найӧ мед куласны шыпуртысь. Налӧн гӧтыръясныс мед лоӧны дӧваясӧн, найӧ мед воштасны челядьнысӧ. Меным паныд сувтысьясӧс мед суас кулӧм, налӧн зонъясыс тышын мед куласны шыпуртысь.

Еремей 8:2

Лыяссӧ разӧдасны шонді, тӧлысь да енэжвыв кодзувъяс улӧ, кодъясӧс найӧ радейтісны, кодъяслы кесъялісны да юрбитісны-копрасисны и кодъяссянь корсьысисны туйдӧдӧм. Налысь лыяссӧ оз чукӧртны, оз гуавны, найӧ кутасны куйлыны му вылас да пӧрасны куйӧдӧ.

Исай 8:10

Мӧвпалӧй да дасьтысьӧй, но тіян мӧвпыштӧманыд оз збыльмы. Сёрнитчӧй ӧта-мӧдныдкӧд, но тіян нинӧм оз артмы. Ӧд миянкӧд Ен!

Шусьӧгъяс 21:30

Господьтӧгыд мывкыдлуныс абу, вежӧрыс абу, и туйдӧдӧмыс абу.

Еремей 8:8

Ті шуаннныд, ми пӧ мывкыда йӧз, миян пӧ эм Господьлӧн Индӧдыс. Но, збыльвылас, Индӧдӧ велӧдысьяс Индӧдсӧ гижигӧн бергӧдісны сійӧс ылӧгас.

Еремей 8:9

Мывкыдаяс яналасны, повзясны да веськаласны тывйӧ. Налӧн мывкыдлуныс абу, ӧд найӧ ӧтдортісны Господьлысь кывсӧ.

Еремей 32:28

Та вӧсна Господь тадзи висьталӧ: тайӧ карсӧ Ме сета калдеяса тышкайӧзлӧн киӧ да вавилонса Навукодоносор ӧксы киӧ. Сійӧ босьтас тайӧ карсӧ.

Левит 26:25

Йитӧд торкӧмысь Ме вайӧда тіян вылӧ вӧрӧгӧс. Татшӧм ногӧн тіянлысь водзӧс перъя. Дзебсянныд кӧ асланыд каръясӧ, Ме мӧдӧда тіян вылӧ пӧрӧс висьӧм, сета тіянӧс вӧрӧг киӧ.

Ӧксыяслӧн 1 небӧг 17:46

Талун Господь сетас тэнӧ менам киӧ. Ме виа тэнӧ, юртӧ керышта, и [тэнсьыд шойтӧ да] став филистимса тышкайӧзлысь шойсӧ сета лэбачьяслы да зверъяслы. Сэки став муыс тӧдмалас, мый Израильлӧн эм Ен.

Ӧксыяслӧн 4 небӧг 21:14

Ме эновта Ассьым коляс войтырӧс да сета найӧс вӧрӧг киӧ. Вӧрӧг куштас налысь мусӧ да мырддяс налысь став эмбурсӧ.

Исай 29:14

Та вӧсна тайӧ войтырыслы Ме бара кута петкӧдлыны Ассьым чуймӧдана да шензьӧдана уджъясӧс. Сэки на пӧвстысь мывкыда йӧзлӧн мывкыдлуныс бырас, сюсь вежӧра йӧзлӧн вежӧрлуныс вошас.

Еремей 21:7

Та бӧрти, – висьталӧ Господь, – иудаса Седекей ӧксыӧс, сылысь кесъялысьяссӧ да став войтырсӧ, кодъяс тайӧ карас оз кувны пӧрӧс висьӧмысь, шыпуртысь да тшыгъялӧмысь, Ме сета вавилонса Навукодоносор ӧксылӧн киӧ да вӧрӧглӧн киӧ, коді кӧсйӧ босьтны налысь олӧмсӧ. Вавилонса ӧксы виас найӧс шыпуртӧн, оз жалит найӧс, оз бурсьӧлӧмтчы на дінӧ».