Еремей 18:21 - Коми Библия 2023

²¹ Господьӧй, меным паныд сувтысьяслӧн пияныс мед тшыгъяласны, найӧ мед куласны шыпуртысь. Налӧн гӧтыръясныс мед лоӧны дӧваясӧн, найӧ мед воштасны челядьнысӧ. Меным паныд сувтысьясӧс мед суас кулӧм, налӧн зонъясыс тышын мед куласны шыпуртысь.

Еремей 18:21 Referans Kwoze

Амос 4:10

Ме ысті тіян вылӧ пӧрӧс висьӧм, кыдзи коркӧ ысті Египет вылӧ. Ме виалі шыпуртӧн зонъяснытӧ, вӧрӧгныдлы сеті вӧвъяснытӧ. Тышкайӧзныдлӧн чукӧртчанінын шойяссянь дукыс пуркйис тіян ныр-вомӧдз. Но ті энӧ бергӧдчӧй Ме дінӧ, – висьталӧ Господь. –

Бӧрданкыв 5:3

Ми колим батьястӧг, мамъясным лоины дӧваясӧн.

Еремей 15:8

Дӧваяслӧн лыдыс лоӧ саридздор лыа дорысь на унджык. Луншӧр кадӧ Ме мӧдӧда мамъяс дінӧ эмбур мырддялысьясӧс, виччысьтӧг мамъясӧс суас полӧм-тіралӧм.

Еремей 9:21

Ӧд кулӧмыс пырӧ ӧшиньӧд, пырӧ миян керкаясӧ. Уличьяс вылын сійӧ бырӧдӧ челядьӧс, изэрдъяс вылын – том зонъясӧс.

Индӧд 32:25

Коді лоӧ ывлаын, кулас шыпурт помысь, коді лоӧ гортас, весьӧпӧрас. Виӧма лоӧ ныв-зонмӧс, пузчужӧм кагаӧс и дзор юраӧс.

Петӧм 22:24

Сэки ӧзъяс Менам скӧрлунӧй, и Ме виа тіянӧс шыпуртӧн. Тіян гӧтыръясныд лоасны дӧваясӧн, челядьныд колясны бать-мамтӧг.

2 Тимофейлы 4:14

Кузнеч Ӧльӧксан вӧчис меным уна лёксӧ. Господь Ачыс мед перъяс сылысь водзӧссӧ ставсьыс.

Еремей 12:3

Господьӧй, Тэ тӧдан да аддзан менӧ, Тэ видзӧдан менам сьӧлӧмӧ да тӧдан, радейта-ӧ ме Тэнӧ. Торйӧд лёк вӧчысьясӧс начкысян лун кежлӧ, ыжъясӧс моз нуӧд найӧс начкӧм вылӧ.

2 Каднебӧг 36:17

Господь мӧдӧдіс калдеяса ӧксыӧс, медым сійӧ уськӧдчис Иуда войтыр вылӧ да виис шыпуртӧн вежа крамын налысь зонъяссӧ. Господь эз жалит [Седекейӧс,] зонъясӧс, нывъясӧс, пӧрысь да олӧма йӧзӧс, Сійӧ ставнысӧ сетіс калдеяса ӧксы киӧ.

Ӧксыяслӧн 1 небӧг 15:33

Но Самуил шуис: «Кыдзи тэ аслад шыпуртӧн виалін мамъяслысь челядьсӧ, тадзи тэнад мамыд воштас ассьыс писӧ». Сэсся кераліс Агагӧс Господь водзын Галгалын.

Псалтыр 63:10

Став йӧзыс повзясны, кутасны висьтавлыны Енлӧн уджъяс йылысь, гӧгӧрвоасны, мый Енмыс вӧчис.

Исай 9:17

Господь оз нимкодясь налӧн том йӧз вӧсна, налӧн батьтӧм-мамтӧм челядь дінӧ да дӧваяс дінӧ Сійӧ оз бурав, ӧд найӧ ставныс ылӧдчысьяс да лёк вӧчысьяс, налӧн вомысь петӧ сӧмын пеж сёрни. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Исай 13:18

Том зонъясӧс найӧ лыйласны ньӧввужйысь, кагаясӧс найӧ оз жалитны, челядь дінӧ оз бурсьӧлӧмтчыны.

Еремей 14:16

Сійӧ войтырыс, кодъяслы найӧ пророкалӧны, тшӧтш куласны тшыгъялӧм да шыпурт помысь. Найӧс шыбитасны ерусалимса уличьяс вылӧ, и некод оз дзеб найӧс ни налысь гӧтыръяснысӧ да налысь ныв-пинысӧ. Налысь лёк вӧчӧмнысӧ Ме бергӧда ас выланыс».

Еремей 15:7

Тӧлӧдчан зырйӧн Ме шердъя Ассьым войтырӧс, шыблала найӧс каръяссьыныс. Ме виала налысь ныв-пинысӧ, бырӧда Ассьым войтырӧс, ӧд найӧ эз бергӧдчыны асланыс туй вылысь.

Еремей 50:30

Сылӧн изэрдъяс вылын усясны зонъяс, сійӧ лунӧ сылысь тышкайӧзсӧ лоӧ виӧма, – висьталӧ Господь.

Бӧрданкыв 1:15

Господь ӧтдортіс менсьым ён йӧзӧс, индіс-юӧртіс кад, медым бырӧдны менсьым зонъясӧс. Пычкан гуын виноградӧс моз Господь таляліс Иудалысь нывсӧ!

Езекиль 16:38

Ме мыжда тэнӧ верӧс вывті ветлысь гӧтырӧс да морт виысьӧс моз. Скӧралӧмӧн да вежӧгтӧмӧн кисьта тэнсьыд виртӧ.

Езекиль 22:25

Ерусалимса пророкъяслӧн эм гуся сёрнитчӧм. Левъяс моз найӧ равзӧны, чашйӧны да ньылыштӧны кыйдӧссӧ. Найӧ мырддялӧны йӧзлысь озырлунсӧ да донаторъяссӧ. На вӧсна содӧ дӧваяслӧн лыдыс.

Псалтыр 63:11

Веськыда олысь мед нимкодясяс Господьӧн да Сы вылӧ лача кутас. Веськыд сьӧлӧмаяс мед гажӧдчасны! Ошкӧм.

Исай 9:16

Юрнуӧдысьяс кежӧдісны Израиль войтырӧс ылӧг туй вылӧ, и на бӧрся мунысьяс вошисны.