Еремей 17:25 - Коми Библия 2023

²⁵ сэки тайӧ карас локтасны асланыс йӧзкӧд ӧксыяс, кодъяс пукалӧны Давидлӧн юралан пуклӧсын. Найӧ пырасны карса дзиръяӧд тарантасъясӧн да вӧвъясӧн. Накӧд тшӧтш локтасны Иудаын да Ерусалимын олысьяс, и тайӧ карас пыр лоӧны олысьяс.

Еремей 17:25 Referans Kwoze

Еремей 22:4

Ті кӧ кутанныд овны тайӧ кывъясыс серти, сэки тайӧ керка дзиръяӧд пырасны ӧксыяс, кодъяс пукалӧны Давидлӧн юралан пуклӧсын. Найӧ локтасны тайӧ карас тарантасъясӧн да вӧвъясӧн. Накӧд тшӧтш локтасны налӧн кесъялысьясыс да налӧн войтырыс.

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Еврейяслы 12:22

Мӧдарӧ, ті матыстчинныд Сион керӧс дінӧ да ловъя Енлӧн кар дінӧ, енэжвыв Ерусалим дінӧ. Ті локтінныд лыдтӧм-тшӧттӧм анделъяс дінӧ

Еремей 33:21

Тадзи жӧ абу вермана торкны Менсьым йитӧдӧс, мый Ме кӧрталі Аслам Давид кесйӧгкӧд. Ӧд Ме кӧсйыси, мый Давидлӧн юралан пуклӧсын пыр кутас пукавны сылӧн пиыс. Тадзи жӧ абу вермана торкны Менсьым йитӧдӧс, мый Ме кӧрталі поп-левитъяскӧд, Аслам кесъялысьяскӧд.

Еремей 33:17

Господь тадзи висьталӧ: Давид рӧдысь ӧксы кутас пыр пукавны Израильлӧн юралан пуклӧсын.

Еремей 33:15

Сійӧ кадас Менам кӧсйӧм серти Давид рӧдысь петас веськыда Олысь, Сійӧ кутас веськыда вӧчны да веськыда мыждыны.

Ӧксыяслӧн 2 небӧг 7:16

Тэнад рӧдыд да ӧксыалӧмыд пыр кежлӧ лоӧ Ме водзын зумыд. Тэнад юралан пуклӧсыд кутас сулавны нэмъяс чӧж».

Еремей 22:30

Господь тадзи висьталӧ: Еконей йылысь гижӧй, мый сылӧн ныв-пиыс эз вӧв, став олӧм чӧжыс сылӧн нинӧм эз артмы, ӧд сысянь чужысь оз пуксьы Давидлӧн юралан пуклӧсӧ, оз кут юравны Иуда муын.

Еремей 13:13

Сэки тэ шу налы, мый Господь тадзи висьталӧ: тайӧ муас став олысьсӧ, Давидлӧн юралан пуклӧсын пукалысь ӧксыясӧс, тшӧтш попъясӧс, пророкъясӧс да Ерусалимын став олысьсӧ Ме юктӧда коддзытӧдзныс.

Ӧксыяслӧн 2 небӧг 8:4

Давид босьтіс сылысь сюрс сизимсё верзьӧмаӧс да кызь сюрс подаӧс. Давид кольӧдіс аслыс тарантаса сё вӧлӧс, а мукӧд вӧлыслысь сӧнсӧ сійӧ вундаліс.

Ӧксыяслӧн 1 небӧг 8:11

Сійӧ висьталіс налы: «Со, мый вӧчас ӧксы, коді кутас ыджыдавны тіян вылын: сійӧ босьтас тіянлысь пияннытӧ аслас тышкайӧз лыдӧ. Ӧтиясӧс сійӧ индас веськӧдлыны тарантасъясӧн, мӧдъясӧс пуктас верзьӧмаясӧ, а коймӧдъяслы тшӧктас котӧртны аслас тарантас водзын.

Индӧд 17:16

Ӧксыныд мед оз лӧсьӧд уна вӧв да оз мӧдӧд ассьыс йӧзсӧ Египетӧ, медым ньӧбны сэтысь вӧвъясӧс. Ӧд Господь шуис тіянлы, сэтчӧ пӧ бӧрсӧ энӧ бергӧдчӧй.

Петӧм 12:14

Тайӧ луныс Господьлы сиӧм гаж. Казьтылӧмӧн пасйӧй сійӧс. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз.

Еремей 22:2

тэ, иудаса ӧксы, Давидлӧн юралан пуклӧсын пукалысь, тэнад кесъялысьясыд да тэнад войтырыд, коді пырӧ-петӧ тайӧ дзиръяӧдыс, кывзӧй Господьлысь кывсӧ!

Еремей 25:5

Найӧ шулісны тіянлы: ”Бергӧдчӧй асланыд лёк туй вылысь, эновтчӧй лёк уджъяссьыныд да олӧй тайӧ муас, мый Господь сетіс тіянлы да тіян батьяслы нэмъяс кежлӧ.

Еремей 7:3

Господь Саваоф, Израильлӧн Ен, тадзи висьталӧ: веськӧдӧй ассьыныд туйяснытӧ да вӧчӧй бурсӧ, сэки Ме сета тіянлы овны тайӧ муас.

Еремей 7:7

сэки Ме лэдза тіянлы овны тайӧ муас, мый Ме сеті тіян батьяслы нэмъяс кежлӧ.