Еремей 17:11 - Коми Библия 2023

¹¹ Байдӧг пӧжӧ колькъяс, кодъясӧс сійӧ эз вайлы, татшӧм жӧ сійӧ мортыс, коді ылӧдлӧмӧн озырмӧдчӧ. Олӧм шӧрас сійӧ воштас ставсӧ, кулігас сійӧ лоӧ мывкыдтӧм морт кодь.

Еремей 17:11 Referans Kwoze

Шусьӧгъяс 28:20

Кодлы позьӧ эскыны, сійӧс лоӧ ёна бурсиӧма, но коді тэрмасьӧ озырмыны, мыждытӧг оз коль.

Шусьӧгъяс 21:6

Ылӧдчӧмӧн озырмӧдчӧмыд тӧвру пӧльыштӧм кодь да кулӧмсӧ корсьӧм кодь.

Еремей 22:17

Но тэнад синмыд да сьӧлӧмыд видзӧдӧны горшасьны, кӧсйӧны мыжтӧм мортлысь вир кисьтны, дзескӧдны да нартитны.

Еремей 22:13

– Курыд шог сылы, коді лэптӧ ассьыс керкасӧ ылӧг отсӧгӧн, оз лэпты ассьыс жыръяссӧ веськыдлун отсӧгӧн, коді уджӧдӧ матыссасӧ, а удждон оз мынты.

Шусьӧгъяс 28:8

Уджйӧзалысь содтӧдӧн босьтысь чукӧртӧ сылы, коді отсалӧ гӧльяслы.

Шусьӧгъяс 15:27

Горшасьысь аслас керкаӧ шог вайӧ, а коді козинъяс вылӧ абу горш, сійӧ дыр олӧ.

2 Петыр 2:14

Налӧн синныс пыр ӧзъялӧ нывбабаяс вылӧ, найӧ оз пӧтлыны мыжсӧ вӧчӧмсьыс, ылӧдлӧны жеб эскысьясӧс. Сьӧлӧмныс налӧн тырӧма горшлунӧн, найӧ ёрӧмыслӧн пиян.

Титлы 1:11

Татшӧмъясыслысь колӧ тупкыны вомсӧ. Яндысьтӧм горшлунныс вӧсна найӧ асланыс велӧдӧмӧн шӧйӧвоштӧны дзонь керкаяс, мыйӧ оз ков велӧдӧны.

Софоний 1:9

Ме мыжда сійӧ лунӧ быдӧнӧс, коді воськовтігас полӧ тувччыны тагӧс вылӧ, коді ыджыдыслысь керкасӧ тыртӧ виалӧм-дзескӧдӧмӧн да ылӧгӧн.

Шусьӧгъяс 28:22

Колысь морт тэрмасьӧ озырмыны, но оз тӧд, мый гӧльлун суас сійӧс.

Шусьӧгъяс 13:11

Кокньыда шедӧм озырлуныд чунь костӧдыд визувтӧ, а удж помысь чукӧртӧмаыд содӧ.

Лука 12:20

А Ен шуас сылы: ”Вежӧртӧмӧй, тавой босьтасны тэнсьыд ловтӧ. Кодлы коляс тэнад чӧжӧмаыд?”

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.

1 Тимофейлы 6:9

Коді кӧсйӧ озырмыны, сійӧ сетчӧ ыштӧмас да шедӧ налькйӧ. Сійӧ сетчӧ быдпӧлӧс мывкыдтӧмлунас да лёк кӧсйӧмас, мый бырӧдӧ йӧзсӧ да вайӧдӧ найӧс кулӧмӧ.

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Закар 5:4

Тайӧ ёрӧмсӧ мӧдӧді Ме, – висьталӧ Господь Саваоф. – Ёрӧмыс пырас гусясьысьлӧн керкаӧ да сы ордӧ, коді пӧръясьӧмӧн кӧсйысьӧ Менам нимӧн. Ёрӧмыс овмӧдчас сылӧн керкаӧ, ставнас пазӧдас сійӧс, весиг пусӧ и изсӧ жуглас.

Микей 7:3

Налӧн киныс кыптӧ лёк вӧчны, найӧ кужӧмӧн лёксӧ вӧчӧны. Веськӧдлысь козин корӧ, ёрдысь сьӧм босьтӧ, юралысь аслас лёк кӧсйӧмъяс йылысь сёрнитӧ. Найӧ ставныс збыльсӧ гугӧдӧны.

Микей 2:9

Менам войтырлысь аньяссӧ ті вӧтланныд гортсьыныс, налысь ныв-писӧ Меысь пыр кежлӧ торйӧданныд.

Амос 3:10

Дзескӧдӧмӧн да мырддялӧмӧн найӧ чукӧртӧны озырлун асланыс ыджыд керкаясӧ, веськыда вӧчны найӧ оз кужны, – висьталӧ Господь. –

Шусьӧгъяс 28:16

Вежӧртӧм юралысь дзескӧдӧ войтырсӧ, а коді оз горшась, сылӧн нэмыс кузь.

Шусьӧгъяс 23:5

Чӧвтан синтӧ озырлун вылад, а сійӧ абу нин, сійӧ вӧчӧма аслыс бордъяс да кутш моз лэбзьӧма енэжлань.

Псалтыр 49:13

Ме ӧмӧй сёя ӧш яй, Ме ӧмӧй юа кӧза вир?

Еремей 6:13

Ичӧтсянь гырысьӧдз – ставныс ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Еремей 8:10

Та вӧсна налысь гӧтырнысӧ Ме сета мукӧдлы, налысь видз-мунысӧ – выль кӧзяинъяслы, ӧд ичӧтсянь гырысьӧдз ставныс найӧ ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Иов 20:21

Сылӧн пӧтлытӧмлуныс ньылыштіс ставсӧ, та вӧсна сылӧн шудыс киссяс.