Еремей 16:4 - Коми Библия 2023

⁴ Тайӧ муас олысьяс куласны сьӧкыд висьӧмъясысь, на вӧсна некод оз кут бӧрдны, найӧс некод оз гуав, куйӧд моз найӧ кутасны куйлыны му вылас. Найӧ куласны тшӧтш шыпурт да тшыгъялӧм помысь, налӧн шойясӧн пондасны пӧткӧдчыны кырныш-варыш да зверъяс.

Еремей 16:4 Referans Kwoze

Еремей 25:33

Сійӧ лунӧ Господьӧн пасьвартӧмаяс кутасны туплясьны му вылын, му помсянь помӧдзыс. На вӧсна некод оз кут бӧрдны, налысь шойяссӧ оз чукӧртны, оз гуавны, куйӧд моз найӧ кутасны куйлыны му вылын.

Псалтыр 83:10

Енмӧй, миянӧс Дорйысьӧй, видзӧдлы Аслад Мавтыштӧмаыд вылӧ.

Еремей 9:22

Юӧрт тадзи: видз-му вылӧ шыблалӧм куйӧд моз шойясыс кутасны туплясьны му вылын. Вундӧм бӧрти чукӧрттӧм кольтаяс моз шойясыс пондасны сярвидзны му вылын, и некод найӧс оз чукӧрт, – висьталӧ Господь.

Софоний 1:17

Ме дзескӧда йӧзсӧ, найӧ кутасны шӧйтны-ветлыны синтӧм моз, ӧд найӧ мыж вӧчисны Господьлы паныд. Налысь вирсӧ кояласны пӧимӧс моз, налысь вир-яйсӧ разӧдасны куйӧдӧс моз.

Еремей 34:20

вӧрӧг киӧ, сійӧ йӧзыслы, кодъяс корсьӧны босьтны налысь олӧмсӧ. Налӧн шойясӧн кутасны пӧткӧдчыны кырныш-варыш да зверъяс.

Еремей 7:33

Тайӧ войтырыслӧн шойясӧн кутасны пӧткӧдчыны кырныш-варыш да зверъяс, и некод оз повзьӧд найӧс.

Исай 18:6

Найӧс шыбитасны керӧсвывса кырныш-варышлы да мувывса пемӧсъяслы. Гожӧмнас наӧн кутасны пӧткӧдчыны кырныш-варыш, а тӧвнас – мувывса пемӧсъяс.

Езекиль 5:12

Тэнад олысьяс пӧвстысь ӧти пайыс кулас пӧрӧс висьӧмысь да тшыгъялӧмысь. Мӧд пайыс шыпурт помысь кулас тэнад стен сайын. А коймӧд пайсӧ Ме тӧвйыв разӧда. Ме перъя шыпуртӧс да вӧтӧда найӧс.

Еремей 44:27

Ме кута сюся видзӧдны тіян бӧрся, но тайӧ лоӧ тіянлы лёк вылӧ, а оз бур вылӧ. Египетын олысь Иуда войтыр кулас шыпуртысь да тшыглунысь, кытчӧдз ставнысӧ оз ло бырӧдӧма.

Еремей 36:30

Та вӧсна иудаса Ехояким ӧксы йылысь Господь тадзи висьталӧ: сысянь чужысь оз кут пукавны Давидлӧн юралан пуклӧсын. Сылысь шойсӧ лоӧ шыбитӧма. Луннас гожйыс пондас сотны сійӧс, а войнас кӧдзыдыс – кынтыны.

Еремей 34:17

Та вӧсна Господь тадзи висьталӧ: сыысь, мый ті энӧ кывзӧй Менӧ, энӧ лэдзӧй вӧля вылӧ вокъяснытӧ да матыссаяснытӧ, Ме лэдза тіянӧс вӧля вылӧ, – висьталӧ Господь, – ті куланныд шыпуртысь, пӧрӧс висьӧмысь да тшыглунысь. Став мувывса войтыръяслы Ме вӧча тіянӧс повзьӧдчанторйӧн.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Ӧксыяслӧн 4 небӧг 9:10

А Езавельлысь шойсӧ сёясны понъяс Изреель кар сайын, и некод сійӧс оз гуав”». Сэсся пророк-велӧдчысь восьтіс ӧдзӧссӧ да пышйис.

Еремей 44:12

Ме бырӧда Иудалысь коляс войтырсӧ, кодъяс шуисны мунны Египет муӧ да овмӧдчисны сэтчӧ. Найӧ ставныс ичӧтсянь гырысьӧдз куласны сэні шыпуртысь да тшыглунысь. Найӧс пондасны ёрны да лёкӧдны-омӧльтны, найӧ лоӧны повзьӧдчанторйӧн.

Индӧд 28:26

Шойяснытӧ кутасны сёйны кутшъяс да зверъяс, и некод найӧс оз вӧтлав.

Еремей 19:7

Тані Ме бырӧда Иуда войтырлысь да Ерусалимын олысьяслысь кӧсйӧмсӧ. Ме сета найӧс вӧрӧглӧн шыпурт улӧ, и найӧ куласны налысь олӧмсӧ босьтны кӧсйысьяслӧн ки помысь. Налысь шойяссӧ Ме шыбита кырныш-варышлы да зверъяслы.

Бӧрданкыв 4:9

Шыпурт помысь кулысьяс тшыглы кулысьяс дорысь шудаджыкӧсь, ӧд тшыгъялысь лунысь-лун омӧльтчӧ, нянь абутӧмысла кулӧ.

Езекиль 24:21

Господь Ыджыдыс тшӧктіс меным висьтавны Израиль войтырлы, мый Сійӧ тадзи висьталӧ: Ме сета пежавны Ассьым вежаинӧс – тіянлысь син гажӧданторнытӧ да сьӧлӧм бурӧданторнытӧ, тіянлысь зумыд пыкӧднытӧ, мыйӧн ті ошйысянныд. Ныв-пиныд, кодъясӧс ті колинныд карас, куласны шыпурт помысь.

Индӧд 28:22

Господь мӧдӧдас тіян вылӧ вир-яй косьмӧм, биа висьӧм да кынтан висьӧм. Сійӧ мӧдӧдас кос жар, сотысь тӧвруӧн да висьӧмӧн бырӧдас тіян видз-му вылысь няньнытӧ. Став тайӧ шогыс суас тіянӧс, кытчӧдз онӧ кулӧй-бырӧй.

Еремей 21:6

Ме бырӧда тайӧ карас став олысьсӧ, йӧзӧс и ыж-мӧскӧс, найӧ куласны пӧрӧс висьӧмысь.