Еремей 15:5 - Коми Библия 2023

⁵ – Коді жалитас тэнӧ, Ерусалим? Коді бурсьӧлӧмтчас тэ дінӧ? Коді локтас юавны тэнад олӧм-вылӧм йылысь?

Еремей 15:5 Referans Kwoze

Исай 51:19

Кыкпӧвста шог суис тэнӧ: куштӧм да бырӧдӧм, тшыгъялӧм да шыпурт. Коді жалитас тэнӧ? Коді бурӧдас тэнӧ?

Наум 3:7

Тэнӧ аддзысьяс пышъясны тэ дінысь да шуасны: «Ниневия карӧс бырӧдӧма!» Некод оз кут бӧрдны сы вӧсна, некод оз бурӧд сійӧс.

Еремей 21:7

Та бӧрти, – висьталӧ Господь, – иудаса Седекей ӧксыӧс, сылысь кесъялысьяссӧ да став войтырсӧ, кодъяс тайӧ карас оз кувны пӧрӧс висьӧмысь, шыпуртысь да тшыгъялӧмысь, Ме сета вавилонса Навукодоносор ӧксылӧн киӧ да вӧрӧглӧн киӧ, коді кӧсйӧ босьтны налысь олӧмсӧ. Вавилонса ӧксы виас найӧс шыпуртӧн, оз жалит найӧс, оз бурсьӧлӧмтчы на дінӧ».

Еремей 16:5

Господь тадзи висьталӧ: эн мун сійӧ керкаас, кӧні кулӧм морт вӧсна бӧрдӧны. Эн бӧрд, эн бурӧд шогсьысьясӧс, ӧд Ме ылысті тайӧ войтырыс дінысь Ассьым лӧньлунӧс, буралӧмӧс да бурӧдӧмӧс, – висьталӧ Господь.

Еремей 13:14

Ме зурӧда найӧс ӧта-мӧдас, зурӧда батьяссӧ пияныскӧд ӧтвыв, – висьталӧ Господь. – Ме некодӧс ог жалит, некод дінӧ ог бурсьӧлӧмтчы, жалиттӧг бырӧда найӧс».

Иов 19:21

Ёртъясӧй, жалитыштӧй менӧ, ӧд Енлӧн киыс инмӧдчис ме дінӧ.

Ӧксыяслӧн 1 небӧг 25:5

Давид мӧдӧдіс сэтчӧ дас зонмӧс да шуис налы: «Мунӧй Кармилӧ Навал дінӧ. Чолӧмасьӧй сыкӧд менам нимсянь.

Ӧксыяслӧн 1 небӧг 17:22

Давид колис нопсӧ эмбур видзысьлы, сэсся котӧрӧн муніс тышкайӧз пӧвстӧ. Сэні чолӧмасис вокъясыскӧд.

Ӧксыяслӧн 1 небӧг 10:4

Найӧ чолӧмасясны тэкӧд да сетасны тэныд кык нянь, и тэ босьтан няньсӧ.

Ёрдысьяс 18:15

Дан чужанкотырысь тышкайӧз локтісны Микей керкаӧ том левит ордӧ да чолӧмасисны сыкӧд.

Петӧм 18:7

Мӧисей воча петіс аслас тесьтыслы, копыртчыліс сылы да окыштіс сійӧс, сэсся ӧта-мӧдыскӧд чолӧмасьӧм бӧрын найӧ пырисны чомйӧ.

Бӧрданкыв 1:17

Сион нюжӧдӧма кисӧ, но бурӧдысьыс абу. Орччӧн олысь войтырлы Господь тшӧктіс дзескӧдны Яковӧс. Ерусалим лои пежӧн налӧн син водзын.