Еремей 15:11 - Коми Библия 2023

¹¹ Господь шуис: – Тэнад ставыс лоӧ бур. Ме вӧча сідзи, мый шог дырйи да сьӧкыд кадӧ мустӧмтысьясыд корасны тэнсьыд отсӧг.

Еремей 15:11 Referans Kwoze

Шусьӧгъяс 16:7

Весиг мустӧмтысьяс бурасьӧны сыкӧд, кодлӧн туйыс Господьлы шогмана.

Еремей 37:3

Седекей ӧксы мӧдӧдіс Еремей пророк дінӧ Шелемейлысь Ехукал писӧ да Софоний попӧс, Маасейлысь писӧ, медым найӧ шуисны пророклы: «Кевмысь миян вӧсна Господьлы, миян Енлы!»

Еклесиаст 8:12

Мыжа морт вӧчӧ лёксӧ сё пӧвстӧн да сирасьӧ сэтчӧ. Но ме тӧда, мый Енсьыс полысьлы аслас вежавидзӧм вӧсна бур лоӧ.

Еремей 42:2

да шуисны Еремей пророклы: «Корам тэнӧ, кывзы миянӧс да кевмысь Господьлы, аслад Енлы, миян вӧсна, тайӧ коляс йӧзыс вӧсна. Ми вӧлім унаӧн, а колим этшаӧн, тэ ӧд ачыд аддзан тайӧс.

Еремей 21:2

«Еремей, кевмысь Господьлы миян вӧсна, ӧд вавилонса Навукодоносор ӧксы тышӧ петіс миянлы паныд. Гашкӧ, Господь вӧчас шензьӧданатор, и Навукодоносор вешъяс миян дінысь».

Шусьӧгъяс 21:1

Ӧксылӧн сьӧлӧмыс Господь киын визувтысь ва кодь, Господь веськӧдӧ сійӧс, кытчӧ кӧсйӧ.

Псалтыр 138:3

Муна-ӧ ме, шойчча-ӧ, Тэ аддзан тайӧс, Тэ тӧдан менсьым туйясӧс.

Исай 41:10

Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.

Еремей 37:17

Седекей ӧксы тшӧктіс вайӧдны Еремейӧс. Сійӧс вайӧдісны ӧксы керкаӧ, и ӧксы гусьӧн юаліс сылысь: «Вӧлі-ӧ Господьсянь кыв?» «Вӧлі, – вочавидзис Еремей. – Тэнӧ лоӧ сетӧма вавилонса ӧксы киӧ».

Еремей 38:14

Седекей ӧксы мӧдӧдіс мортӧс, коді вайӧдіс Еремей пророкӧс ӧксы дінӧ Господьлӧн крамӧ коймӧд пыранін дорӧ. Сэні ӧксы шуис Еремейлы: «Ме мыйсюрӧ юала тэнсьыд, а тэ меысь нинӧм эн дзеб».