Еремей 14:19 - Коми Библия 2023

¹⁹ – Господьӧй, Тэ ӧмӧй дзикӧдз ӧтдортін Иудаӧс? Тэ ӧмӧй мустӧмтан Сионӧс? Мыйла Тэ сэтшӧма дойдалін миянӧс, мый огӧ вермӧй бурднысӧ? Ми виччысим лӧнь олӧм, но нинӧм бурыс эз ло миянлы. Ми виччысим бурдӧм, но воис повзьӧдан кад.

Еремей 14:19 Referans Kwoze

Бӧрданкыв 5:22

Тэ ӧмӧй дзикӧдз эновтін миянӧс? Тэ ӧмӧй сэтшӧм ёна лӧгалан миян вылӧ?

Еремей 8:15

Ми виччысим лӧнь олӧм, но бурыс эз во, ми виччысим бурдӧм, но миянӧс полӧм босьтӧ.

1 Фессалоникаӧ 5:3

Кор йӧзыс кутасны шуавны, гӧгӧр пӧ лӧнь, повнысӧ пӧ нинӧмысь, сэки тӧдлытӧг суас найӧс кулӧм, кыдзи тӧдлытӧг суӧ кага чужтысьӧс дой. Сэки некод оз вермы пышйынысӧ.

Еремей 6:30

Найӧс шуасны ковтӧм эзысьӧн, ӧд Господь ӧтдортіс найӧс.

Еремей 30:13

Некод оз тӧждысь тэ вӧсна, медым бурдӧдны тэнӧ, тэнад дойыд оз бурд.

Еремей 15:18

Мыйла менам сьӧлӧмӧй пыр висьӧ, мыйла оз бурд менам дойӧй? Тэ лоин меным косьмӧм ва петанінӧн, мый ылӧдлӧ юны кӧсйысьӧс.

Еремей 12:8

Менам бӧрйӧм войтырӧй лев моз равзӧ Ме вылӧ, сійӧ кыпӧдӧ Ме вылӧ ассьыс гӧлӧссӧ, та вӧсна Ме мустӧмта сійӧс.

Иов 30:26

Ме виччыси бурсӧ, но менӧ лёкыс суис, виччыси югыдсӧ, но локтіс пемыдыс.

Бӧрданкыв 4:17

Весьшӧрӧ отсӧгсӧ виччысигӧн миян синным мудзис. Башня вывсянь ми дзӧргим, виччысим войтырӧс, но сійӧ эз лок миянӧс мездыны.

Бӧрданкыв 2:13

Мый меным шуны тэныд, Ерусалим нылӧй, мыйӧн ӧткодявны тэнӧ? Кодкӧд ӧткодявны тэнӧ, Сион нылӧй, медым бурӧдны тэнӧ? Тэнад дойыд саридз кодь ыджыд – коді вермас бурдӧдны тэнӧ?

Еремей 15:1

Господь шуис меным: «Весиг кӧ Мӧисей да Самуил сувтасны Ме водзӧ да кутасны кевмысьны, Ме ог бурсьӧлӧмтчы тайӧ войтырыс дінӧ. Вӧтлы найӧс Менам син водзысь!

Еремей 8:22

Галаадын ӧмӧй абу бурдӧдчан выйыс, сэні ӧмӧй абу бурдӧдысьыс? Мыйла менам войтырлӧн оз бурдны дойясыс?

Еремей 7:29

Сион, шыр ассьыд юрситӧ да шыбит, сыркъялӧмӧн бӧрд изъя керӧсъяс вылын, ӧд Господь ӧтдортіс да эновтіс тайӧ войтырсӧ, коді скӧрмӧдіс Сійӧс.

2 Каднебӧг 36:16

Но найӧ лёкӧдісны Енсянь юӧртысьясӧс да нинӧмӧ пуктісны Сылысь кывъяссӧ. Найӧ омӧльтісны Енлысь пророкъяссӧ сэтчӧдз, кытчӧдз Господь эз скӧрмы Аслас войтыр вылӧ, и налы эз вӧв мездмӧмыс.

Еремей 12:7

– Ме эновті Ассьым керкаӧс, эновті Ассьым бӧрйӧм войтырӧс, Ассьым муса войтырӧс Ме сеті вӧрӧг киӧ.

Микей 1:12

Маротын олысьяс оз нин виччысьны бурсӧ, ӧд Господь мӧдӧдіс шог Ерусалим дзиръя дорӧ.

Шусьӧгъяс 29:1

Ӧлӧдӧм бӧрын коді асныралӧ, сійӧс тӧдлытӧг лоӧ жугӧдӧма, и сійӧ оз нин бурд.

Еремей 30:12

Господь тадзи висьталӧ: – Тэнад дойыд оз бурд, тэ чорыда доймалӧмыд.

Еремей 51:5

Калдея войтыр мыжа Израильлӧн вежа Ен водзын, налӧн муыс тырӧма мыжӧн, но Израиль да Иуда войтыръясӧс Господь Саваоф, налӧн Енмыс, эз эновт.

Бӧрданкыв 2:22

Гаж вылӧ моз быдласянь Тэ вайӧдін бырӧдысьӧс. Господьлӧн скӧралан лунӧ некод эз мездмы, некод ловйӧн эз коль. Найӧс, кодъясӧс ме чужті-быдті, бырӧдіс менӧ мустӧмтысь.