Еремей 14:14 - Коми Библия 2023

¹⁴ Господь шуис меным: «Тайӧ пророкъясыс ылӧгсӧ висьталӧны Менам нимсянь. Ме найӧс эг мӧдӧдлы, эг пуктывлы пророкъясӧ, эг висьтавлы налы. Найӧ висьталӧны тіянлы ылӧг аддзылӧмъяс, ковтӧм юӧртӧмъяс да ассьыныс мӧвпъяссӧ.

Еремей 14:14 Referans Kwoze

Езекиль 12:24

Израиль войтыр пӧвстын оз нин ло петкӧдчылӧмыс да водзвыв юӧртӧмыс, мый эськӧ оз збыльмы.

Еремей 29:31

«Пленӧ нуӧдӧм став йӧзыслы мӧдӧд гижӧд, мый Нехеламысь Шемай йылысь Господь тадзи висьталӧ: Ме эг мӧдӧдлы Шемайӧс, но сійӧ пророкалӧ тіянлы да ышӧдӧ тіянӧс лача кутны ылӧг вылӧ.

Бӧрданкыв 2:14

Пророкъясыд висьтавлісны тэныд ковтӧм да ылӧг восьтӧмсӧ, а тэнсьыд мыжтӧ эз эрдӧдны, эз видзны тэнӧ пленӧ нуӧдӧмысь. Ковтӧм да пӧрйӧдлан аддзылӧмъяс найӧ юӧртісны тэныд.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Езекиль 21:29

Аммон войтырлы висьталӧны абутӧмсӧ да ылӧгсӧ. Вавилонса шыпурт суас найӧс, лёксӧ да пежсӧ вӧчысьясӧс, ӧд воис найӧс мыждан луныс, налӧн лёк уджъяслы воис пом.

1 Тимофейлы 4:2

Татшӧм велӧдӧмыс петӧ пӧръясьысьяссянь, кык бана шаньгаяссянь, кодъяс воштӧмаӧсь яндзимнысӧ.

Закар 13:3

Пондас кӧ кодкӧ ылӧдлӧмӧн пророкавны, сэки сылӧн бать-мамыс шуасны сылы, тэ пӧ ылӧгсӧ висьталан Господь нимсянь, та вӧсна тэ он кут овны. Аслас бать-мамыс кувмӧныс бытшкасны сійӧс ылӧг пророкалӧмсьыс.

Закар 10:2

Гортса бӧлбанъяс висьталӧны нинӧм абусӧ, туналысьяс аддзӧны ылӧгторъяс, висьталӧны пӧръясяна вӧтъяс, ышӧдӧны нинӧм абунас. Та вӧсна войтырыс шӧйтӧ вошӧм ыж чукӧр моз, сьӧкыдалӧ видзысьтӧгыс.

Езекиль 13:23

Водзӧ ті онӧ нин кутӧй абутӧмсӧ аддзыны да ылӧгсӧ юӧртны. Ме мезда Ассьым войтырӧс тіян киысь, сэки ті тӧдмаланныд, мый Ме – Господь».

Еремей 37:19

Кӧні тіян пророкъясныд, кодъяс юӧртлісны тіянлы, мый вавилонса ӧксы оз пет тышӧ тіянлы да тайӧ муыслы паныд?

Еремей 29:21

Колайлӧн Ахав пи йылысь да Маасейлӧн Седекей пи йылысь, кодъяс ылӧгсӧ юӧртӧны Менам нимсянь, Ме, Господь Саваоф, Израильлӧн Ен, тадзи висьтала: Ме сета найӧс вавилонса Навукодоносор ӧксы киӧ, и сійӧ виас найӧс тіян син водзын.

Еремей 28:15

Еремей пророк шуис Хананей пророклы: «Кывзы, Хананей! Господь тэнӧ эз мӧдӧдлы. Тэ ышӧдан тайӧ войтырсӧ лача кутны ылӧг вылӧ.

Еремей 28:13

«Мун да шу Хананейлы, мый Господь тадзи висьталӧ: тэ жугӧдін пу сийӧс, но та пыдди тэ вӧчан кӧрт сийӧс.

Исай 9:15

Юрыс – тайӧ юрнуӧдысьяс да нималана йӧз, а бӧжыс – тайӧ ылӧгвелӧдысь пророкъяс.

1 Иоан 4:1

Мусаясӧй, энӧ эскӧй быд ловлы, тӧдмалӧй, Енсянь-ӧ сійӧ. Ӧд ӧні муюгыдас уна ылӧгпророкыс.

Индӧд 18:20

Но коді Менам нимсянь висьталас, мый Ме эг тшӧкты висьтавны, либӧ висьталас мукӧд ен нимсянь, татшӧм пророкӧс мед виасны”.

Исай 56:10

Израильӧс видзысьяс синтӧмӧсь, ставныс найӧ мывкыдтӧмӧсь – увтны вермытӧм понъяс, найӧ нюжӧдчӧмаӧсь да вугралӧны, радейтӧны узьны.

Еремей 8:11

Найӧ чайтӧны, мый кокньыда бурдӧдӧны Менам войтырлысь дойяссӧ, шуалӧны: «Лӧнь олӧм, лӧнь олӧм!», а лӧнь олӧмыс абу.

Еремей 20:6

Тшӧтш тэнӧ, Пашхур, и став тэнсьыд гортсатӧ нуӧдас пленӧ. Тэ мунан Вавилонӧ да сэні кулан, и сэні гуаласны тэнӧ. Тадзи лоӧ тшӧтш тэнад ёртъясыдкӧд, кодъяслы тэ ылӧдлӧмӧн пророкалін”».

Еремей 28:11

Став войтырыс дырйи Хананей шуис: «Господь тадзи висьталӧ: кык во мысти тадзи жӧ Ме жугӧда став войтыръяслӧн сьылі вылысь вавилонса Навукодоносор ӧксылысь сийӧссӧ». Сэсся Еремей пророк муніс аслас туйӧд.

Бӧрданкыв 2:9

Карса дзиръяяс муас вӧйисны, иган-тасъяссӧ Сійӧ пасьйис. Ӧксы да юралысьяс олӧны мукӧд войтыр пӧвстын, Енлысь Индӧдсӧ оз велӧдны, Господьсянь петкӧдчылӧмыс пророкъяслы абу.

Еремей 8:10

Та вӧсна налысь гӧтырнысӧ Ме сета мукӧдлы, налысь видз-мунысӧ – выль кӧзяинъяслы, ӧд ичӧтсянь гырысьӧдз ставныс найӧ ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Езекиль 13:2

«Морт пиӧй, шу ассяньныс пророкалысь израильса пророкъяслы: кывзӧй Господьлысь кывсӧ.