Еремей 14:12 - Коми Библия 2023

¹² Весиг кӧ найӧ кутасны видзавны, Ме ог кыв налысь кевмӧмсӧ. Весиг кӧ найӧ ваясны сотан вись да нянь вись, Ме ог сибӧд найӧс. Ме бырӧда найӧс шыпуртӧн, тшыгъялӧмӧн да пӧрӧс висьӧмӧн».

Еремей 14:12 Referans Kwoze

Езекиль 8:18

Та вӧсна Ме кисьта на вылӧ Ассьым скӧрлунӧс, ог жалит найӧс да ог бурсьӧлӧмтчы на дінӧ. Мед гораа горзӧны Меным, но Ме ог кыв найӧс».

Еремей 11:11

Та вӧсна Господь тадзи висьталӧ: «Ме мӧдӧда на вылӧ шог, и найӧ оз вермыны сыысь пышйынысӧ. Найӧ шыасясны Ме дінӧ, но Ме ог кыв найӧс.

Еремей 6:20

Меным оз ков Саваысь вайӧм ладаныс, оз ков ылі муысь вайӧм чӧскыд дука туруныс. Тіянлысь сотан висьяснытӧ Ме ог кӧсйы, тіян висьясныд Меным абу шогманаӧсь».

Шусьӧгъяс 1:28

Сэки ті кутанныд чуксавны менӧ, а ме ог кыв, кутанныд корсьысьны менӧ, но онӧ аддзӧй.

Закар 7:13

Ме шыасьлі на дінӧ, но найӧ эз кывзыны Менӧ. Тадзи жӧ Ме найӧс эг кывзы, кор найӧ шыасьлісны Ме дінӧ, – висьталӧ Господь Саваоф. –

Микей 3:4

Сэсся ті шыасянныд Господь дінӧ, но Сійӧ оз кыв тіянӧс, Сійӧ тупкас чужӧмсӧ тіян лёк вӧчӧмныд понда.

Езекиль 14:21

Господь Ыджыдыс тадзи висьталӧ: Ме ыста нёль чорыд мыждӧм Ерусалим вылӧ. Мӧдӧда сэтчӧ шыпурт, тшыгъялӧм, зверъясӧс да пӧрӧс висьӧм, медым бырӧдны йӧзӧс да ыж-мӧскӧс.

Еремей 24:10

Ме мӧдӧда на вылӧ шыпурт, тшыглун да пӧрӧс висьӧм, кытчӧдз найӧ оз бырны тайӧ му вывсьыс, кодӧс сеті налы да налӧн батьяслы».

Еремей 16:4

Тайӧ муас олысьяс куласны сьӧкыд висьӧмъясысь, на вӧсна некод оз кут бӧрдны, найӧс некод оз гуав, куйӧд моз найӧ кутасны куйлыны му вылас. Найӧ куласны тшӧтш шыпурт да тшыгъялӧм помысь, налӧн шойясӧн пондасны пӧткӧдчыны кырныш-варыш да зверъяс.

Еремей 9:16

Ме разӧда найӧс войтыръяс пӧвстӧ, кодъясӧс эз тӧдлыны ни найӧ, ни батьясныс. Ме мӧдӧда шыпурт виавны найӧс, кытчӧдз ставнысӧ ог бырӧд».

Исай 58:3

Найӧ шуӧны: «Ми видзалам, но Тэ он аддзы тайӧс, ми раммӧдам асьнымӧс, но Тэ он тӧд та йылысь!» Асланыд видзалігӧн ті вӧчанныд, мый кӧсъянныд, сьӧкыд уджӧн ті дзескӧданныд тіянлы уджалысьясӧс.

Шусьӧгъяс 28:9

Коді оз кӧсйы кывзыны Индӧдсӧ, сылӧн кевмысьӧмыс – зывӧк.

Шусьӧгъяс 21:27

Лёк вӧчысьлӧн висьыс – зывӧктана, торйӧн нин, наянпырысь кӧ висьсӧ вайӧ.

Шусьӧгъяс 15:8

Лёк вӧчысьлӧн вайӧм висьыс Господьлы зывӧк, веськыда олысьлӧн кевмысьӧмыс Сылы шогмана.

Восьтӧм 6:8

Ме видзӧдлі да аддзи быгалӧм рӧма вӧлӧс да сы вылын пукалысьӧс, кодлӧн нимыс вӧлі Кулӧм. Сы бӧрся вӧтчис ачыс Адыс. Налы вӧлі сетӧма ыджыдавны мулӧн нёльӧд юкӧныс вылын: виавны йӧзсӧ шыпуртӧн да тшыгйӧдӧмӧн, кулана висьӧмъясӧн да зверъяс отсӧгӧн.

Иов 27:9

Сійӧс шогыс суас, но Енмыс оз кыв сылысь бӧрдӧмсӧ.

Еремей 8:13

Виноградӧс моз Ме чукӧрта найӧс, медым мӧдӧдны пленӧ, – висьталӧ Господь, – вожъяс вылас оз коль весиг ӧти тусь, инжир пу вылын оз коль вотӧсыс, коръясыс косьмасны. Ставсӧ, мый Ме сеті налы, лоӧ мырддьӧма.

Еремей 21:6

Ме бырӧда тайӧ карас став олысьсӧ, йӧзӧс и ыж-мӧскӧс, найӧ куласны пӧрӧс висьӧмысь.

Еремей 32:24

Со, кар гӧгӧрыс вӧрӧг кыпӧдӧма тымӧд, медым босьтны сійӧс. Калдеяса тышкайӧз кытшалӧны тайӧ карсӧ, и сійӧс лоӧ сетӧма налӧн киӧ. Карса олысьясӧс лоӧ бырӧдӧма шыпуртӧн, тшыглунӧн да пӧрӧс висьӧмӧн. Инӧ сійӧ, мый Тэ водзвыв висьтавлін, и ӧні Тэ аддзан тайӧс.

Езекиль 14:19

Ме кӧ мӧдӧді сійӧ му вылас пӧрӧс висьӧм да кисьті Ассьым скӧрлунӧс, медым виавны-бырӧдны сэтысь йӧзӧс да ыж-мӧскӧс,

Осий 5:6

Асланыс ыжъясӧн да ӧшъясӧн найӧ мунасны корсьны Господьӧс, но оз аддзыны Сійӧс, ӧд Сійӧ ылыстчис наысь.

Амос 5:21

Ме мустӧмта гажӧдчан лунъяснытӧ, зывӧкта гажӧдчыны чукӧртчӧмнытӧ.

Малакий 1:10

Бурджык, тіян пиысь кӧ кодкӧ йигналас крамлысь ӧдзӧссӧ, медым весьшӧрӧ энӧ сотӧй бисӧ Менам висьпуктанін вылын. Ті Меным абу шогманаӧсь, – висьталӧ Господь Саваоф, – и тіянлысь вайӧмторъяснытӧ Ме ог сибӧд.

Малакий 2:13

Со мый ті нӧшта вӧчанныд: кыз синваӧн бӧрданныд Господьлӧн висьпуктанін дорын, сыркъялӧмӧн бӧрданныд, ӧд Господь бергӧдчис тіян вись дорысь, эз сибӧд вайӧмторнытӧ.

Еремей 11:14

Но тэ, Еремей, эн кевмысь тайӧ войтырыс вӧсна, корӧмӧн эн бӧрд на вӧсна. Кор найӧ шог дырйиныс шыасясны Ме дінӧ, Ме ог кыв найӧс».

Еремей 15:1

Господь шуис меным: «Весиг кӧ Мӧисей да Самуил сувтасны Ме водзӧ да кутасны кевмысьны, Ме ог бурсьӧлӧмтчы тайӧ войтырыс дінӧ. Вӧтлы найӧс Менам син водзысь!