Еремей 14:10 - Коми Библия 2023

¹⁰ Тайӧ войтырыс йылысь Господь тадзи висьталӧ: «Найӧ ветлӧдлӧны, кытчӧ кӧсйӧны, ассьыныс кокнысӧ оз видзны. Но Ме, Господь, мустӧмта тайӧс. Ме ог вунӧд налысь лёк вӧчӧмнысӧ, а мыжда найӧс мыжъяссьыныс».

Еремей 14:10 Referans Kwoze

Осий 9:9

Израиль дзикӧдз вӧйис пежас, кыдзи коркӧ Гиваын олысьяс. Енмыс казьтыштас налысь лёк вӧчӧмсӧ, мыждас найӧс мыжъяссьыныс.

Осий 8:13

Сійӧ висьяс вайӧ, сэсся яйсӧ сёйӧ, но Господьлы тайӧ висьясыс абу шогманаӧсь. Господь казьтыштас Ефремлысь лёк вӧчӧмсӧ да мыждас сійӧс мыжъяссьыс, сэки сылы бӧр ковмас мунны Египетӧ.

Амос 5:22

Ваянныд кӧ Меным сотан да нянь висьяс, Ме ог сибӧд найӧс. Бурасян вись пыдди кӧ ваянныд тшӧгӧдӧм куканьясӧс, Ме ог видзӧдлы на вылӧ.

Еремей 6:20

Меным оз ков Саваысь вайӧм ладаныс, оз ков ылі муысь вайӧм чӧскыд дука туруныс. Тіянлысь сотан висьяснытӧ Ме ог кӧсйы, тіян висьясныд Меным абу шогманаӧсь».

Еврейяслы 8:12

Ме прӧстита налысь лёк вӧчӧмсӧ, налысь мыжъяссӧ водзӧ ог нин казьтыв.

Еремей 31:34

Сэки некод оз кут велӧдны матыссасӧ, вокыс оз понды велӧдны воксӧ, оз шу: ”Тӧдмав Господьӧс!” Ӧд ставныс, ичӧтсянь ыджыдӧдз, кутасны тӧдны Менӧ, – висьталӧ Господь. – Ме прӧстита налысь лёк вӧчӧмсӧ, налысь мыжъяссӧ водзӧ ог нин казьтыв».

Осий 11:9

Ме ог лэдз ыпъявны Аслам скӧрлунӧйлы, Ме ог нин бырӧд Ефремӧс, ӧд Ме – Ен, абу морт. Ме, Вежаыс, тэ пӧвстын, скӧрлунӧн тэ дінӧ ог лок.

Осий 11:7

Менам войтыр пыр бергӧдчӧ Меысь. Налы шуӧны: «Шыасьӧй Медвылыссаыс дінӧ», но найӧ оз шыасьны, оз нимӧдны-кыпӧдны Менӧ.

Еремей 8:5

Мыйла тайӧ войтырыс бергӧдчӧма Меысь, мыйла Ерусалимын олысьяс эновтӧмаӧсь Менӧ? Найӧ зумыда кутчысьӧны ылӧгас, оз кӧсйыны бӧр бергӧдчыны.

Еремей 2:36

Мыйла тэ дугдывтӧг шӧйтан, ӧтарӧ-мӧдарӧ вежлалан ассьыд туйтӧ? Ассур моз Египет янӧдас тэнӧ.

Ӧксыяслӧн 3 небӧг 17:18

дӧва шуис Иллялы: «Мый тэныд месянь колӧ, Енлӧн мортӧй? Тэ локтін, медым казьтыштны меным мыжъясӧс да вины пиӧс».

Ӧксыяслӧн 1 небӧг 15:2

Господь Саваоф тадзи висьталӧ: ”Ме эг вунӧд амалик войтырлысь лёк вӧчӧмсӧ. Эг вунӧд, кыдзи найӧ уськӧдчисны Египетысь петӧм Израиль войтыр вылӧ.

Еремей 3:13

Сӧмын гӧгӧрво ассьыд мыжтӧ, мый тэ Господьлы, аслад Енлы, паныд кыпӧдчин, котралін мукӧд енъяс дінӧ быд пашкыр пу улӧ, но Менсьым тэ эн кывзысь, – висьталӧ Господь».

Езекиль 29:16

Израиль войтыр лачасӧ оз нин кут Египет вылӧ. Египеткӧд лоӧмторйыс кутас казьтывны израильсаяслы мыжныс йылысь, мый отсӧгсӧ корисны Египетлысь. Сэки найӧ тӧдмаласны, мый Ме – Господь Ыджыдыс».

Осий 7:2

Найӧ оз вежӧртны, мый налысь лёк уджъяссӧ Ме тӧд вылын кута. Ӧні налӧн уджъясныс кытшалӧмаӧсь найӧс, налӧн лёк вӧчӧмныс Менам чужӧмбан водзын.

Осий 7:13

Курыд шог Израиль войтырлы, ӧд найӧ ылыстчисны Меысь! Найӧ бырасны, ӧд кыпӧдчисны Меным паныд! Ме кӧсйи мездыны найӧс, но найӧ ылӧгсӧ висьтавлісны Ме йылысь.

Амос 3:2

– Сӧмын тіянӧс Ме бӧрйи мувывса войтыръяс пӧвстысь, та вӧсна Ме мыжда тіянӧс мыжъяссьыныд.

Петӧм 32:34

Мун [лэччы] да нуӧд войтыртӧ сэтчӧ, кытчӧ Ме тшӧкті. Менам андел мунас тэ водзын. А мыждан лунӧ Ме мыжда найӧс мыжсьыныс».

Псалтыр 95:10

Висьталӧй войтыръяс пӧвстын: «Господь ӧксыалӧ! Муюгыдыс сулалӧ зумыда, сійӧ оз вӧрзьыв. Господь кутас веськыда мыждыны войтыръясӧс».