Еремей 13:23 - Коми Библия 2023

²³ – Вермас-ӧ эфиопияса морт вежны аслас кучиклысь рӧмсӧ, леопард – ассьыс чутъяссӧ? Ті, кодъяс велалінныд вӧчны лёксӧ, верманныд-ӧ вӧчны бурсӧ?

Еремей 13:23 Referans Kwoze

Еремей 2:22

Дерт, тэ верман мыссьыны кунваӧн, ёна ниртны асьтӧ майтӧгӧн, но тэнад мыжъясыд кольӧны Ме водзын, – висьталӧ Господь Ыджыдыс.

Еремей 9:5

Быдӧн пӧрйӧдлӧ ассьыс ёртсӧ, оз висьтав збыльсӧ. Найӧ кывнас пӧръясьӧны, мудзтӧдзныс лёксӧ вӧчӧны.

Еремей 17:9

Мортлӧн сьӧлӧмыс наян, сійӧс он вермы вежнысӧ. Коді тӧдӧ мортлысь сьӧлӧмсӧ?

Еремей 5:3

Господьӧй, Тэнад синмыд кӧсйӧ аддзыны збыльсӧ. Тэ нӧйтан найӧс, но налы веськодь. Тэ бырӧдан найӧс, но найӧ оз кӧсйыны вежӧрсявны. Найӧ чорзьӧдісны асьнысӧ, лоины изйысь чорыдджыкӧсь на, оз кӧсйыны бергӧдчыны Тэ дінӧ.

Еремей 2:30

Весьшӧрӧ Ме нӧйтлі тіянлысь челядьнытӧ, найӧ эз сибӧдны Менсьым туйдӧдӧмӧс. Чашйысь лев моз тіян шыпуртныд бырӧдліс пророкъяснытӧ [но тайӧ тіянӧс эз повзьӧд].

Исай 1:5

Гашкӧ, бара нӧйтны тіянӧс, ӧд ті пыр на асныраланныд. Тіян юрныд ставнас доймалӧма, пытшкӧсныд ставнас висьӧ.

Шусьӧгъяс 27:22

Вежӧртӧмӧс кӧть шобді тусьӧс моз гырйын той – йӧйлуныс сыысь оз торъяв.

Еремей 4:22

– Менам войтырӧй мывкыдтӧм, Менӧ найӧ оз тӧдны. Найӧ мывкыдтӧм челядь кодьӧсь, нинӧм оз вежӧртны, лёксӧ вӧчны сюсьӧсь, а бурсӧ вӧчны оз кужны.

Ӧксыяслӧн 1 небӧг 19:21

Та йылысь юӧртісны Сауллы. Сэки сійӧ бара мӧдӧдіс кесйӧгъясӧс, и найӧ тшӧтш кутісны пророкавны. Сэсся нӧшта мӧдӧдіс кесйӧгъясӧс, но и найӧ кутісны пророкавны.

Ӧксыяслӧн 4 небӧг 17:40

Но Самарияын олысьяс эз кывзысьны Господьлысь, а важ мозыс кутчысисны асланыс оласногӧ.

Еклесиаст 1:15

Чуклятӧ он веськӧд, абутӧмтӧ он артав.