Еремей 11:23 - Коми Библия 2023

²³ Анатот карын олысьяс пиысь некод ловйӧн оз коль, ӧд найӧс мыждан воӧ Ме мӧдӧда на вылӧ шог».

Еремей 11:23 Referans Kwoze

Еремей 23:12

Та вӧсна налӧн туйыс лоӧ пемыдінын вильыд туй кодь. Найӧс йӧткыштасны, и найӧ усясны тайӧ вильыд туй вылас. Найӧс мыждан воӧ Ме мӧдӧда налы шог, – висьталӧ Господь.

Лука 19:44

Тэнӧ жугӧдасны дзоньнас, олысьястӧ виаласны – из вылӧ из оз кольны, ӧд тэ эн кӧсйы тӧдны тэ дінӧ Енлысь волӧмсӧ».

Микей 7:4

На пӧвстысь медбурыс лежнӧг кодь, веськыд мортыс йӧн кодь. Тэ мыждан найӧс, и найӧ шӧйӧвошасны, кор воас сійӧ луныс, мый йылысь видзысьясныд висьтавлісны.

Осий 9:7

Воис мыждан лун, матысмис мынтысян лун – Израиль мед тӧдӧ тайӧс. Ме, пророк, лои вежӧртӧм, ӧд ті уна лёк вӧчанныд, ме, Ловсянь сёрнитысь, лои йӧй, ӧд ті пыр меным паныд сувтанныд.

Еремей 50:27

Виӧй вавилонса тышкайӧзӧс, ӧшъясӧс моз начкӧй найӧс. Курыд шог вавилонсаяслы, ӧд воис налӧн луныс, найӧс мыждан кадыс.

Еремей 48:44

Коді пышъяс повзьӧдлӧмысь, сійӧ гуӧ усяс, коді петас гусьыс, сійӧ налькйӧ веськалас. Ме мӧдӧда Моавлы сійӧс мыждан во, – висьталӧ Господь.

Еремей 46:21

Египетлӧн медалӧм тышкайӧзыс тшӧгӧдӧм ӧшпиян кодьӧсь, но весиг найӧ уськӧдчисны пышйыны. Найӧ котӧртӧны, оз сувтлыны, ӧд воис найӧс бырӧдан луныс, воис найӧс мыждан кадыс.

Еремей 44:27

Ме кута сюся видзӧдны тіян бӧрся, но тайӧ лоӧ тіянлы лёк вылӧ, а оз бур вылӧ. Египетын олысь Иуда войтыр кулас шыпуртысь да тшыглунысь, кытчӧдз ставнысӧ оз ло бырӧдӧма.

Еремей 11:19

Рам ыж моз, кодӧс нуӧдӧны начкыны, ме эг тӧд, мый найӧ вӧлі мӧвпыштӧмаӧсь вӧчны меным паныд. Найӧ шуисны, пусӧ пӧ вотӧснас кералам, бырӧдам пӧ сійӧс ловъяяс пӧвстысь, медым сылысь нимсӧ дзикӧдз вунӧдасны.

Еремей 8:12

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Еремей 6:9

Господь Саваоф тадзи висьталӧ: – Кыдзи кушӧдз нетшкӧны-чукӧртӧны виноград вотӧс, тадзи чукӧртасны Израильлысь коляс войтырсӧ. Виноград чукӧртысь моз нюжӧд китӧ пу вожъяслань.

Еремей 5:29

Таысь ӧмӧй Ме ог мыжды найӧс? – висьталӧ Господь. – Ог ӧмӧй водзӧс перйы тадзи вӧчысь войтырлысь?

Еремей 5:9

Таысь ӧмӧй Ме ог мыжды найӧс? – висьталӧ Господь. – Ог ӧмӧй водзӧс перйы тадзи вӧчысь войтырлысь?

Авдий 1:18

Яковлӧн рӧдыс лоӧ биӧн, Ӧсиплӧн рӧдыс – ыпъялан биӧн, а Исавлӧн рӧдыс – идзасӧн. Исавлысь рӧдсӧ сотасны-бырӧдасны, сылӧн рӧдысь некод оз коль. Тадзи висьталӧ Господь.