Еремей 11:20 - Коми Библия 2023

²⁰ Но Господь Саваоф веськыда мыждӧ, Сійӧ тӧдӧ мортлысь сьӧлӧмсӧ да мӧвпъяссӧ. Господьӧй, сет меным аддзыны, кыдзи Тэ водзӧс перъян налысь, ӧд ассьым тӧжд-могӧс ме вайи Тэ водзӧ.

Еремей 11:20 Referans Kwoze

Еремей 20:12

Господь Саваоф, Тэ тӧдмалан веськыда олысьӧс, Тэ аддзан сылысь пытшкӧссӧ да сьӧлӧмсӧ. Сет меным аддзыны, кыдзи Тэ водзӧс перъян менӧ мустӧмтысьяслысь, ӧд Тэ водзӧ ме вая ассьым тӧжд-могӧс.

Еремей 17:10

Ме, Господь, видзӧда мортлӧн сьӧлӧмӧ, туяла мортлысь пытшкӧссӧ, Ме мынтыся быдӧнлы сылӧн туйясыс серти, сылӧн уджъяслӧн вотӧсыс серти.

Псалтыр 7:9

Господь мыждӧ войтыръясӧс. Мыжды менӧ, Господьӧй, менам веськыдлун да мыжтӧмлун серти.

Ӧксыяслӧн 1 небӧг 16:7

Но Господь шуис Самуиллы: «Эн видзӧд сылӧн мичлун вылӧ да сылӧн кузь туша вылӧ. Ме сійӧс эг бӧрйы. Ме ог видзӧд морт моз. Ӧд морт видзӧдӧ чужӧм вылӧ, а Господь видзӧдӧ сьӧлӧмӧ».

Восьтӧм 2:23

Езавельлӧн челядьлы Ме мӧдӧда кулӧм. Сэки быд вичко кутас тӧдны, мый Ме эм сьӧлӧм пытшкӧс да мӧвпъяс Тӧдысь, Ме мынтыся тіянлы уджъясныд серти.

Еремей 17:18

Менӧ дзескӧдысьяс мед яналасны, а менӧ эн лэдз янӧдны! Найӧ мед поласны-тіраласны, а менӧ эн лэдз повзьӧдны! Мӧдӧд налы сьӧкыд кад, дзикӧдз пасьварт-бырӧд найӧс!

Еремей 15:15

– Господьӧй, Тэ тӧдан ставсӧ! Эн вунӧд менӧ, отсав меным, водзӧс перйы менӧ дзескӧдысьяслысь. Он кӧ ӧдйӧджык водзӧс перйы, найӧ виасны менӧ. Тэ тӧдан, мый Тэ вӧсна найӧ лёкӧдӧны менӧ.

1 Каднебӧг 29:17

Енмӧй, ме тӧда, мый Тэ тӧдмалан мортлысь сьӧлӧмсӧ. Тэныд мусаӧсь сӧстӧм сьӧлӧмаяс. Став тайӧ сетӧмторсӧ ме вайи сӧстӧм сьӧлӧмсянь. Ме аддза, мый татчӧ чукӧртчӧм Тэнад войтырыд нимкодьпырысь вайӧны Тэныд сетӧмторъяс.

Олӧм 18:25

Оз вермы лоны сідзи, мый Тэ веськыда олысьӧс бырӧдан мыжаяскӧд, и веськыда олыськӧд лоас сійӧ жӧ, мый мыжакӧд. Тайӧ абу Тэсянь! Став мусӧ мыждысь оз ӧмӧй мыжды веськыда?»

Восьтӧм 18:20

– Нимкодясь, енэжыс! Нимкодясьӧй, вежа апостолъяс да пророкъяс! Енмыс мыждіс тайӧ карсӧ тіянлы лёк вӧчӧмысь.

1 Петыр 2:23

Сійӧс лёкӧдігӧн Сійӧ воча эз лёкӧд. Сьӧкыдсӧ нуигӧн эз кӧсйысь мынтысьны лёк вӧчӧмӧн, а ставсӧ сетіс веськыда Мыждысьлы.

2 Тимофейлы 4:14

Кузнеч Ӧльӧксан вӧчис меным уна лёксӧ. Господь Ачыс мед перъяс сылысь водзӧссӧ ставсьыс.

Филипӧ 4:6

Нинӧм вӧсна энӧ майшасьӧй. Енсӧ аттьӧалӧмӧн да Сылы кевмысьӧмӧн вайӧй Сы водзӧ став ассьыныд корӧм-кӧсйӧмнытӧ.

Ап. уджъяс 17:31

Ӧд Сійӧ индіс лун, кор пондас веськыда мыждыны став муюгыдсӧ водзвыв индӧм Морт пыр. Ассьыс шуӧмсӧ быдӧнлы тӧдмӧн Енмыс вынсьӧдіс, кор ловзьӧдіс Сійӧс кулӧмысь».

Еремей 12:1

– Господьӧй, кор ме вая ассьым могӧс Тэ водзӧ, Тэ веськыда вӧчан. Но ме юала Тэнсьыд веськыда мыждӧм йылысь. Мыйла лёк вӧчысьяслӧн ставыс артмӧ, мыйла Енсӧ эновтысьяс бура олӧны?

Псалтыр 98:9

Ыдждӧдлӧй Господьӧс, миянлысь Енмӧс! Копыртчӧй Сылӧн вежа керӧслань, ӧд Господь, миян Енным, вежа!

Псалтыр 57:1

Сьылысьясӧн веськӧдлысьлы. Сьылӧны ”Эн бырӧд” шылад улӧ. Давидлӧн кывбур.

Псалтыр 43:1

Сьылысьясӧн веськӧдлысьлы. Корей пиянлӧн сьыланкыв.

Псалтыр 35:2

Мыжыс сёрнитӧ лёк вӧчысьлӧн сьӧлӧмас, Енсьыс полӧмыс сылӧн абу.

Иов 5:8

Тэ местаын ме эськӧ корси Енмӧс, шыаси Сы дінӧ,

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

Ӧксыяслӧн 1 небӧг 24:15

Кодлы паныд петін тэ, Израильлӧн ӧксы? Код бӧрся тэ вӧтлысян? Пон шой бӧрся? Кутшӧмкӧ пытш бӧрся?

Псалтыр 7:8

Войтыръяс чукӧртчасны Тэ гӧгӧр, а Тэ пуксьы выліинӧ юралан пуклӧсад.

Псалтыр 58:10

Енмӧй, Тэ – менам выныс! Ме виччыся Тэнӧ, ӧд Тэ – менӧ Дорйысьыс.

Еремей 12:3

Господьӧй, Тэ тӧдан да аддзан менӧ, Тэ видзӧдан менам сьӧлӧмӧ да тӧдан, радейта-ӧ ме Тэнӧ. Торйӧд лёк вӧчысьясӧс начкысян лун кежлӧ, ыжъясӧс моз нуӧд найӧс начкӧм вылӧ.

Езекиль 11:5

Господьлӧн Лолыс лэччис ме вылӧ да тшӧктіс шуны: «Господь тадзи висьталӧ: Израиль войтыр, Ме тӧда тіянлысь сёрнинытӧ, тӧда тіянлысь мӧвпъяснытӧ.

Ӧксыяслӧн 4 небӧг 19:14

Езекей босьтіс юӧр вайысьяслӧн киысь гижӧдсӧ да лыддис сійӧс. Сэсся муніс Господьлӧн крамӧ да восьтіс гижӧдсӧ Господь водзын.

Псалтыр 7:10

Веськыд Енмӧй, лёк вӧчысьяслӧн скӧралӧмлы Тэ пукты пом, а веськыда олысьӧс ёнмӧд, ӧд Тэ пыдӧдз тӧдмалан мортлысь сьӧлӧмсӧ да пытшкӧсса мӧвпъяссӧ.

Бӧрданкыв 3:58

Тэ дорйин менӧ, Господьӧй, мездін менсьым олӧмӧс.

Бӧрданкыв 3:59

Господьӧй, Тэ аддзан меным вӧчӧм лёксӧ, ло веськыда мыждысьӧн.

Бӧрданкыв 3:64

Господьӧй, мынты налы уджъясныс серти.