Еремей 11:16 - Коми Библия 2023

¹⁶ Господь нимтіс Ассьыс войтырсӧ дзоридзалысь олив пуӧн, чӧскыд вотӧса пуӧн. Но ёна чардалӧм дырйи Господь ыстас сы вылӧ би, и сылӧн увъясыс сотчасны.

Еремей 11:16 Referans Kwoze

Исай 27:11

Пуяс косьмасны, локтасны аньяс, чегъяласны увъяссӧ да сотасны найӧс. Тайӧ войтырыс мывкыдтӧм, та вӧсна найӧс Вӧчысь оз бурсьӧлӧмтчы на дінӧ, Сійӧ оз бурав на дінӧ.

Псалтыр 80:16

Менӧ мустӧмтысьяс эськӧ леститчисны Ме водзын, и тайӧ вӧлі эськӧ налӧн пайыс нэмъяс чӧж.

Иоан 15:6

Коді оз ло Ме пытшкын, увйӧс моз сійӧс шыбитасны ортсӧ, кӧні сійӧ косьмас. А косьмӧм увъястӧ чукӧртӧны да шыбитӧны биӧ.

Матвей 3:10

Черыс пу вужйыс дорын нин куйлӧ. Пуыс кӧ оз вай бур вотӧс, сійӧс кералӧны да шыбитӧны биӧ.

Еремей 21:14

Ме мыжда тіянӧс уджъясныдлӧн вотӧсыс серти, – висьталӧ Господь. – Тіян вӧрын Ме песта би, и сійӧ ставсӧ гӧгӧр ньылыштас.

Псалтыр 83:2

Кутшӧм мичаӧсь Тэнад оланінъясыд, Господь Саваоф!

Восьтӧм 11:4

Тайӧ висьталысьясыс – кык олив пу да кык бикок, кодъяс сулалӧны став муыслӧн Ен водзын.

Индӧд 28:40

Став му пасьтала олив пуясныд кутасны быдмыны, но выйнас ті онӧ мавтчӧй, ӧд вотӧсыс гылалас.

Иов 8:16

Сійӧ вежӧдӧ шонді улын, вожъясыс шевкнитчӧмаӧсь сад йӧрын,

Еремей 7:20

Та вӧсна Господь Ыджыдыс тадзи висьталӧ: Менам скӧрлунӧй да ярлунӧй киссяс тайӧ местаыс вылӧ, йӧз и ыж-мӧс вылӧ, пуяс и быдтас-вотӧс вылӧ. Менам скӧрлунӧй ыпнитас и оз кус.

Осий 14:6

Ме лоа Израильлы лысваӧн, сійӧ пондас дзоридзавны лилия моз, ливанса пуяс моз пыдӧ лэдзас вужъяссӧ

Псалтыр 80:17

А Ассьым войтырӧс Ме эськӧ верді медбур шобді няньӧн, пӧткӧді найӧс изкыртаысь босьтӧм маӧн». Ошкӧм.

Еремей 2:21

Ме пукті да быдті тэнӧ, тэ вӧлін бур вотӧс вайысь виноград пу кодь, артмин медся бур кӧйдысысь, но лоин мӧд виноград пулӧн вожйӧн.