Еремей 1:12 - Коми Библия 2023

¹² Господь шуис меным: «Тэ збыльысь сійӧс аддзан, ӧд Ме видзӧда Аслам кыв бӧрся, медым сійӧ иніс».

Еремей 1:12 Referans Kwoze

Езекиль 12:28

Та вӧсна шу налы, мый Господь Ыджыдыс тадзи висьталӧ: талунсянь Менсьым кывйӧс збыльмӧдӧм оз ло ылыстӧма. Мый висьтала, сійӧ збыльмас, – висьталӧ Господь Ыджыдыс».

Езекиль 12:25

Мый Ме, Господь, висьтала, сійӧ збыльмас, и дыр виччысьны оз ков. Асныра войтырӧй, тіян олан лунъясӧ Ме висьтала Ассьым кывйӧс да збыльмӧда сійӧс, – висьталӧ Господь Ыджыдыс».

Лука 10:28

Исус шуис сылы: «Бура вочавидзин. Вӧч тадзи, сэки кутан овны».

Амос 8:2

Господь юаліс: «Мый тэ аддзан, Амос?» Ме вочавидзи: «Кисьмӧм яблӧг-груша тыра куд». Господь шуис меным: «Менам Израиль войтырлы пом воис. Водзӧ найӧс ог прӧстит».

Индӧд 5:28

Господь кыліс тіянлысь кывъястӧ, кор ті сёрнитінныд мекӧд. Сійӧ шуис меным: ”Ме кылі тайӧ войтырыслысь кывъяссӧ. Ставсӧ, мый найӧ тэныд шуисны, бур.

Индӧд 32:35

Ме мынтыся, Ме перъя водзӧссӧ сійӧ лунӧ, кор налӧн кокныс лигышмунас. Ӧд найӧс бырӧдан луныс матын, регыд збыльмас налы дасьтӧмаыс.

Индӧд 18:17

Сэки Господь шуис меным: ”Найӧ веськыда висьталӧны.

Лука 20:39

Индӧдӧ велӧдысьясысь кодсюрӧ шуисны: «Велӧдысь, бура висьталін».

Еремей 31:28

Водзын Ме тӧждыси, медым нетшкыны-пазӧдны, жугӧдны-бырӧдны найӧс да лёксӧ вӧчны налы. Ӧні Ме тадзи жӧ тӧждыся, медым лэптыны да быдтыны найӧс, – висьталӧ Господь.

Еремей 1:13

Меным мӧдысь вӧлі Господьсянь кыв: «Мый тэ аддзан?» Ме вочавидзи: «Войвывладорысь аддза жваркйӧн пуысь пӧрт».

Исай 55:11

Тадзи жӧ Менам кывйӧй, мый петӧ Менам вомысь, оз бергӧдчы Ме дінӧ кушӧн, а вӧчӧ Менам кӧсйӧм серти, вӧчӧ ставсӧ, мый могысь Ме мӧдӧді сійӧс.

Еремей 24:3

Господь шуис меным: «Еремей, мый тэ аддзан?» Ме вочавидзи: «Аддза инжир вотӧс. Бур инжир вотӧсыс – зэв бур, а лёк вотӧсыс – зэв лёк, весиг оз позь сёйнысӧ».