Ёрдысьяс 9:5 - Коми Библия 2023

⁵ Авимелек локтіс медалӧм йӧзкӧд батьыс керкаӧ Офра карӧ да виис ӧти из вылын ассьыс вокъяссӧ, Еровааллысь сизимдас писӧ. Сӧмын Еровааллӧн медічӧт Иотам пиыс дзебсис да ловйӧн колис.

Ёрдысьяс 9:5 Referans Kwoze

2 Каднебӧг 21:4

Кор батьыс бӧрти Иорам пуксис ӧксыӧ да зумыдмӧдіс ассьыс юралӧмсӧ, сійӧ виис шыпуртӧн став ассьыс воксӧ да ӧткымын израильса юралысьӧс.

Ёрдысьяс 6:24

Гедеон вӧчис сэні Господьлы висьпуктанін да нимтіс сійӧс ”Яхве-шалом”. Висьпуктаніныс ӧнӧдз сулалӧ Офраын, Авиэзер рӧдлӧн му вылас.

Матвей 2:20

да шуис: «Чеччы, босьт кагатӧ мамыскӧд да бӧр мун Израиль муӧ. Кагатӧ вины кӧсйысьяс абу нин ловъяӧсь».

Матвей 2:16

Ирӧд кор тӧдмаліс, мый тӧдысьяс ылӧдлісны сійӧс, ёна скӧрмис. Сійӧ мӧдӧдіс шыпуртаясӧс, медым виавны Виплием карысь да сы гӧгӧрысь кык арӧса да ичӧтджык пи кагаясӧс, кодъяс чужисны сійӧ кадӧ, мый йылысь тӧдысьяс юӧртісны Ирӧдлы.

Ӧксыяслӧн 4 небӧг 10:17

Самарияӧ воӧм бӧрын Еху виис сэні Ахав рӧдысь ставнысӧ. Тадзи иніс Господьлӧн шуӧмыс, мый Сійӧ висьталіс Илля пыр.

Ёрдысьяс 9:2

«Юалӧй Сикем карса олысьяслысь, бурджык-ӧ лоӧ налы, Еровааллӧн сизимдаснан пияныс кӧ юраласны либӧ ӧти морт юралас. Энӧ вунӧдӧй, мый ме тіян рӧдвуж, и миян пытшкын визувтӧ ӧти вир».

Ёрдысьяс 8:30

Гедеонлӧн чужис сизимдас пи, ӧд сійӧ вӧлі уна гӧтыра.

Ёрдысьяс 9:6

Сикем да Бет-Милло каръясысь йӧз чукӧртчисны да мунісны Сикем кардорса тупу дорӧ. Сэні найӧ пуктісны Авимелекӧс ӧксыӧ.

Ёрдысьяс 9:18

А ӧні ті батьӧйлӧн рӧдыслы паныд кыпӧдчинныд: сылысь сизимдас писӧ виинныд ӧти из вылын да Сикем карса олысьяслы ӧксыӧ пуктінныд Авимелекӧс, батьӧйлӧн кесйӧг аньлысь писӧ, сӧмын сы вӧсна, мый сійӧ тіян рӧдвуж.

Ӧксыяслӧн 4 небӧг 10:7

Гижӧдсӧ лыддьӧм бӧрын карса веськӧдлысьяс виисны ӧксылысь сизимдаснан писӧ. Налысь юрсӧ пуктісны чуманъясӧ да ыстісны Ехулы Изреельӧ.

Ёрдысьяс 6:11

Господьлӧн андел локтіс Офраӧ да пуксис Авиэзер рӧдысь Йоаслӧн тупу улӧ. Тайӧ кадас Гедеон, Йоаслӧн пиыс, виноград пычкан гуын вартіс шобді. Сэтчӧ сайӧдчис мадиансаясысь, медым найӧ эз тӧдмавны нянь йылысь.

Ӧксыяслӧн 3 небӧг 1:12

Видз ассьыд олӧмтӧ да Соломон пиыдлысь олӧмсӧ. Со мый ме вӧзъя тэныд.

Ӧксыяслӧн 3 небӧг 1:21

Он кӧ ӧні вӧч тайӧс, ӧксыӧй-ыджыдӧй, тэнад кулӧм бӧрын, кор тэ вуджан батьясыд дінӧ, мыжаласны менӧ да менсьым Соломон пиӧс».

Ӧксыяслӧн 4 небӧг 11:3

Квайт во чӧж Йоасӧс дзеблалісны Ехошева дінын Господьлӧн крамын. Тайӧ кадас Иуда муын ӧксыаліс Аталия.