Ёрдысьяс 9:4 - Коми Библия 2023

⁴ Сикемсаяс сетісны Авимелеклы Ваал-Беритлы юрбитанінысь сизимдас сикель эзысь. Тайӧ сьӧм вылас Авимелек медаліс асныра да дыш йӧзӧс, и найӧ мунісны сы бӧрся.

Ёрдысьяс 9:4 Referans Kwoze

Ёрдысьяс 8:33

Гедеонлӧн кувсьӧм бӧрын израильсаяс бара эновтісны Господьӧс да кырсалысь ань моз сетчисны Ваал идолъяслы. Найӧ пуктісны Ваал-Беритӧс аслыныс ен пыдди

Ап. уджъяс 17:5

А иудейяс, кодъяс эз эскыны, тырисны лӧглунӧн. Найӧ босьтісны аскӧдныс изэрд вылын весьшӧрӧ бовъялысь айуловӧс, чукӧртісны уна йӧзӧс да пондісны шызьӧдны карсӧ. Сэсся локтісны Ясон керкаӧ, корсисны сэтысь Павелӧс да Силаӧс, мед петкӧдны найӧс йӧз водзӧ,

2 Каднебӧг 13:7

Еровам дінӧ чукӧртчисны мывкыдтӧм да шогмытӧм йӧз да кыпӧдчисны Соломонлӧн Ровоам пилы паныд. Ровоам вӧлі том на, сійӧ унатор эз куж да эз вермы водзсасьны налы паныд.

Ёрдысьяс 11:3

Еффай пышйис вокъяссьыс да овмӧдчис Тов муӧ. Сы дінӧ чукӧртчисны мывкыдтӧм йӧз да ветлӧдлісны сыкӧд.

Шусьӧгъяс 12:11

Му вӧдитысь оз кут тшыгъявны, абутӧмсӧ кыйӧдысь – вежӧртӧм морт. [Коді кадсӧ коллялӧ вина бӧрся вӧтлысьӧмӧн, янӧдӧ ассьыс керкасӧ.]

Иов 30:8

Налысь нимсӧ вунӧдӧма, найӧ эновтӧм йӧз, асланыс муысь вӧтлӧмаяс.

Ӧксыяслӧн 1 небӧг 22:2

Давид дінӧ чукӧртчисны дзескӧдӧмаяс, уджйӧзаяс да шогас вӧйӧмаяс – ставнас нёльсё гӧгӧр морт. Давид лои налӧн веськӧдлысьӧн.

Ӧксыяслӧн 2 небӧг 6:20

Давид муніс гортас, мед бурсины гортсаяссӧ. Сылы воча петіс Сауллӧн Мелкола нылыс [чолӧмасис сыкӧд] да шуис: «Израильлӧн ӧксы талун янӧдіс асьсӧ. Тэ пасьтӧгыд чеччалін аслад йӧзлӧн кесйӧг аньяс водзын, асьтӧ йӧй туйӧ пуктін».

Софоний 3:4

Сэні олысь пророкъяс – ылӧдчысь да шогмытӧм йӧз. Попъясыс пежалӧны вежаинсӧ, нинӧмӧ пуктӧны Енлысь Индӧдсӧ.

Ёрдысьяс 9:27

Ӧтчыд сикемсаяс петісны чукӧртны виноград вотӧс. Пычкан гуын вотӧссӧ талялӧм бӧрын чукӧртчисны гажӧдчыны. Найӧ мунісны асланыс енлы юрбитанінӧ, сёйисны-юисны да ёрисны Авимелекӧс.