Ёрдысьяс 9:27 - Коми Библия 2023

²⁷ Ӧтчыд сикемсаяс петісны чукӧртны виноград вотӧс. Пычкан гуын вотӧссӧ талялӧм бӧрын чукӧртчисны гажӧдчыны. Найӧ мунісны асланыс енлы юрбитанінӧ, сёйисны-юисны да ёрисны Авимелекӧс.

Ёрдысьяс 9:27 Referans Kwoze

Ёрдысьяс 9:4

Сикемсаяс сетісны Авимелеклы Ваал-Беритлы юрбитанінысь сизимдас сикель эзысь. Тайӧ сьӧм вылас Авимелек медаліс асныра да дыш йӧзӧс, и найӧ мунісны сы бӧрся.

Даниил 5:23

Тэ кыпӧдчин енэжвывса Господьлы паныд. Тэныд вайисны Господьлӧн крамысь босьтӧм дозмукъяс, и тэ да тэнад чина йӧзыд, гӧтыръясыд да кесйӧг-гӧтыръясыд юинныд сэтысь вина. Тэ ошкин эзысьысь да зарниысь, ыргӧнысь да кӧртысь, пуысь да изйысь вӧчӧм енъясӧс, кодъяс оз аддзыны, оз кывны да оз гӧгӧрвоны. А Енсӧ, кодлӧн киын тэнад олӧмыд да тэнад туйясыд, тэ эн ошкы.

Еремей 25:30

Юӧрт налы став тайӧ кывъяссӧ: Господь грымӧбтас выліинсянь, Сійӧ гораа горӧдас Аслас вежа оланінсянь, равӧстас Аслас муын олысьяс вылӧ. Виноград талялысь моз Сійӧ гораа горӧдас мувывса став йӧзыс вылӧ.

Ӧксыяслӧн 1 небӧг 17:43

Сійӧ шуис: «Ме вылӧ беддьӧн [да изйӧн] петін? Ме ӧмӧй пон?» [Давид вочавидзис: «Абу, но тэ понйысь на лёк».] Сэки филистимса ёрис Давидӧс аслас енъясӧн.

Ёрдысьяс 16:23

Филистимса юралысьяс чукӧртчисны, медым гажӧдчыны да вайны уна вись асланыс Дагон енлы. Найӧ шуалісны, миян енным пӧ сетіс миян киӧ Самсонӧс, вӧрӧгнымӧс.

Ёрдысьяс 9:46

Та йылысь кылӧм бӧрын Сикем изкарса олысьяс пышйисны. Найӧ дзебсисны Ваал-Беритлы юрбитанінӧ.

Ёрдысьяс 8:33

Гедеонлӧн кувсьӧм бӧрын израильсаяс бара эновтісны Господьӧс да кырсалысь ань моз сетчисны Ваал идолъяслы. Найӧ пуктісны Ваал-Беритӧс аслыныс ен пыдди

Петӧм 32:19

Чомъяс дорӧ матыстчигӧн Мӧисей аддзис зарни ӧшкӧс. Йӧзыс вӧлі сьылӧны-йӧктӧны. Мӧисей ёна скӧрмис, шыбитіс кисьыс изпӧвъяссӧ, и керӧс горулын найӧ пасьмунісны-жугалісны.

Петӧм 32:6

Мӧд луннас найӧ чеччисны водз да вайисны сотан да бурасян висьяс. Войтырыс сёйис-юис, сэсся чеччис гажӧдчыны-ворсны.

Ёрдысьяс 9:26

Гаал, Эведлӧн пиыс, вокъясыскӧд локтісны Сикемӧ да овмӧдчисны сэтчӧ. Сикемсаяс пондісны лача кутны Гаал вылӧ.

Осий 7:14

Ме дінӧ став сьӧлӧмнас шыасьӧм пыдди найӧ бӧрдісны асланыс вольпась вылын, нянь да вина понда найӧ вундалісны асьнысӧ, но Меысь ылыстчисны.