Ёрдысьяс 8:33 - Коми Библия 2023

³³ Гедеонлӧн кувсьӧм бӧрын израильсаяс бара эновтісны Господьӧс да кырсалысь ань моз сетчисны Ваал идолъяслы. Найӧ пуктісны Ваал-Беритӧс аслыныс ен пыдди

Ёрдысьяс 8:33 Referans Kwoze

Ёрдысьяс 9:46

Та йылысь кылӧм бӧрын Сикем изкарса олысьяс пышйисны. Найӧ дзебсисны Ваал-Беритлы юрбитанінӧ.

Ёрдысьяс 9:4

Сикемсаяс сетісны Авимелеклы Ваал-Беритлы юрбитанінысь сизимдас сикель эзысь. Тайӧ сьӧм вылас Авимелек медаліс асныра да дыш йӧзӧс, и найӧ мунісны сы бӧрся.

Ёрдысьяс 2:19

Но ёрдысьлӧн кулӧм бӧрын войтырыс бара вӧчис лёксӧ батьяс дорысь унджык на. Найӧ юрбитісны-копрасисны мукӧд енъяслы да кесъялісны налы, эз эновтчыны асланыс лёк уджъясысь да эз дугдыны асныралӧмысь.

Ёрдысьяс 8:27

Тайӧ зарнисьыс Гедеон вӧчис ефод да пуктіс сійӧс аслас Офра карӧ. Израиль войтыр пондіс юрбитны ефодлы да эновтіс Господьӧс. Гедеонлы да сылӧн рӧдыслы ефодыс лои налькйӧн.

Ёрдысьяс 2:17

Но и ёрдысьясӧс Израиль войтыр эз кывзы, кырсалысь ань моз сетчис мукӧд енъяслы да юрбитіс налы. [Тадзи скӧрмӧдіс Господьӧс.] Батьяслӧн туй вылысь найӧ ӧдйӧ кежисны. Налӧн батьясныс олісны Господьлӧн тшӧктӧмъяс серти, а тайӧяс – эз.

Еремей 3:9

Яндысьтӧм кырсалӧмнас Иуда пежаліс мусӧ. Изъяслы да пуяслы юрбитӧмнас сійӧ пежаліс йитӧдӧс, мый Ме кӧрталі сыкӧд.

Ӧксыяслӧн 4 небӧг 12:2

Аслас олан лунъяс чӧж Йоас вӧчис Господь водзын шогманасӧ, кытчӧдз Иодай поп туйдӧдіс-велӧдіс сійӧс.

Ёрдысьяс 9:27

Ӧтчыд сикемсаяс петісны чукӧртны виноград вотӧс. Пычкан гуын вотӧссӧ талялӧм бӧрын чукӧртчисны гажӧдчыны. Найӧ мунісны асланыс енлы юрбитанінӧ, сёйисны-юисны да ёрисны Авимелекӧс.

Нав Исус 24:31

Израиль войтыр кесъяліс Господьлы Нав Исус дырйи да сы бӧрын олысь юрнуӧдысьяс дырйи, кодъяс аддзылісны Господьлысь Израильлы вӧчӧм уджъяссӧ.

Ёрдысьяс 2:12

Найӧ эновтісны Господьӧс, батьясныслысь Енсӧ, коді петкӧдіс найӧс Египетысь. Найӧ пондісны юрбитны на гӧгӧр олысь войтыръяслӧн енъяслы. Тадзи скӧрмӧдісны Господьӧс.

Ёрдысьяс 8:32

Гедеон, Йоаслӧн пи, кувсис вель ыджыд арлыдаӧн. Сійӧс дзебисны Йоас батьыслӧн дзебанінас, Авиэзер рӧдлӧн Офра карӧ.

Еремей 23:27

Найӧ висьтавлӧны вӧтъяснысӧ ӧта-мӧдныслы да кӧсйӧны, медым налӧн вӧтъяс вӧсна Менам войтырӧй вунӧдіс Менсьым нимӧс, кыдзи налӧн батьясныс Ваал идол вӧсна вунӧдісны Менсьым нимӧс.

Ёрдысьяс 3:7

Израиль пиян вӧчисны Господь водзын шогмытӧмсӧ. Найӧ вунӧдісны Господьӧс, ассьыныс Енсӧ, да пондісны юрбитны Ваал да Астарта идолъяслы.

Ёрдысьяс 10:6

Израиль пиян бара вӧчисны Господь водзын шогмытӧмсӧ. Найӧ юрбитісны Ваал да Астарта идолъяслы, тшӧтш арамей, сидон, моав, аммон да филистим войтыръяслӧн енъяслы. Найӧ эновтісны Господьӧс, дугдісны Сылы кесъявны.