Ёрдысьяс 8:23 - Коми Библия 2023

²³ Гедеон шуис налы: «Ме ог ло тіянлы юралысьнас, и пиӧй оз ло. Тіян юралысьныд – Господь».

Ёрдысьяс 8:23 Referans Kwoze

Исай 33:22

Господь – миян Мыждысьыс, Господь – миян Юралысьыс, Господь – миян Ӧксыыс, Сійӧ мездас миянӧс!

Ӧксыяслӧн 1 небӧг 12:12

Ӧксынас тіян вӧлі Господь, тіян Енныд. Но кор ті аддзинныд, мый аммон войтырлӧн Нахаш ӧксы уськӧдчӧ тіян вылӧ, ті шуинныд меным: ”Миянлы колӧ ӧксы, сійӧ мед ыджыдалас миян вылын”.

Ӧксыяслӧн 1 небӧг 10:19

Но ті ӧтдортінныд ассьыныд Еннытӧ, коді мездӧ тіянӧс быд лёксьыс да сьӧкыдлунсьыс. Ті шуинныд Сылы: ”Пукты миянлы ӧксыӧс”. Сідзкӧ, ӧні сувтӧй Господь водзӧ – быдӧн асланыд чужанкотыр да рӧд сертиныд».

2 Коринфӧ 1:24

Ми огӧ кӧсйӧй веськӧдлыны тіян эскӧмӧн, кӧсъям сӧмын отсавны тіянлы, медым ті верминныд нимкодясьны. Ми тӧдам, мый тіян эскӧмныд зумыд.

1 Петыр 5:3

Энӧ ыджыдалӧй Енлӧн йӧз чукӧр вылын, но асланыд оласногӧн петкӧдлӧй налы, кыдзи колӧ овны.

Ёрдысьяс 10:18

Галаадын олысь войтыр да налӧн веськӧдлысьяс ӧта-мӧдныслы шуалісны: «Коді медводдзаӧн уськӧдчас аммон войтыр вылӧ, сійӧ и лоӧ став галаадса олысьяслӧн юралысьнас».

Ёрдысьяс 2:18

Господь сувтӧдліс налы ёрдысьясӧс, и Ачыс вӧлі быд ёрдыськӧд. Господь мездывліс войтырсӧ вӧрӧг киысь ёрдысьлӧн олан кад чӧжыс. Ӧд Господьлӧн сьӧлӧмыс нормывліс войтырыслысь дзескӧдӧм вӧсна ойзӧмсӧ кылігӧн.

Исай 63:19

Ми лоим сэтшӧм войтырӧн, код вылын Тэ быттьӧ некор эн юравлы, коді быттьӧ некор эз вӧв Тэнад войтырӧн.

Ёрдысьяс 8:22

Израиль войтыр шуисны Гедеонлы: «Тэ ло миянлы юралысьнас, тэ бӧрся лоас пиыд, а пиыд бӧрся – сылӧн пиыс. Тэ ӧд миянӧс мездін мадиансаяслӧн киысь».

Псалтыр 149:2

Гажӧдчы, Израиль, тэнӧ Вӧчысь йылысь! Нимкодясьӧй, сионса олысьяс, асланыд Ӧксы йылысь!