Ёрдысьяс 7:9 - Коми Библия 2023

⁹ Сійӧ войнас Господь шуис Гедеонлы: «Лэччы да уськӧдчы мадиансаяс вылӧ, ӧд Ме сета найӧс тэнад киӧ.

Ёрдысьяс 7:9 Referans Kwoze

Ёрдысьяс 3:28

Эхуд шуис налы: «Локтӧй ме бӧрся, ӧд Господь [Ен] сетіс тіян киӧ моавсаясӧс, тіянлысь вӧрӧгнытӧ». Найӧ мунісны сы бӧрся да босьтісны Йӧрдан ю вомӧн Моавӧ вуджанін, и некодлы эз лэдзны сэті вуджнысӧ.

Ап. уджъяс 27:23

Тайӧ войнас петкӧдчыліс меным андел, сійӧс мӧдӧдіс Ен, кодлы ме сеті ачымӧс да кодлы ме кесъяла.

Матвей 2:13

Тӧдысьяслӧн мунӧм бӧрын Господьлӧн андел петкӧдчис Ӧсиплы вӧтас да шуис: «Чеччы, босьт кагатӧ мамыскӧд да пышйы Египет муӧ. Ов сэні менам шутӧдз. Ирӧд кутас корсьны кагатӧ, мед вины Сійӧс».

Матвей 1:20

Кор Ӧсип мӧвпаліс тадзи, Господьлӧн андел петкӧдчис сылы вӧтас да шуис: «Ӧсип, Давид пи, эн пов босьтны Мариятӧ гӧтырӧ. Сьӧлӧм улас сылӧн кагаыс Вежа Ловсянь.

Иов 4:13

Кывйыс локтіс, кор ме мӧвпалі войся аддзылӧм йылысь йӧзыслӧн чорыда узигӧн.

2 Каднебӧг 20:17

Энӧ тышкасьӧй накӧд, сӧмын сулалӧй да видзӧдӧй, кыдзи Господь мездас тіянӧс. Иудаын да Ерусалимын олысьяс, энӧ полӧй да энӧ тіралӧй! Петӧй аски налы паныд. Господь лоӧ тіянкӧд».

Ёрдысьяс 3:10

Господьлӧн Лолыс вӧлі Отниэл вылын. Сійӧ вӧлі ёрдысь и Израиль войтырӧн веськӧдлысь. Отниэл петіс тышӧ, и Господь сетіс сылӧн киӧ Месопотамияысь Кушан-Ришатаим ӧксыӧс. Тадзи Кушан-Ришатаим шедіс Отниэллӧн кипод улӧ.

Нав Исус 10:8

Господь шуис Исуслы: «Эн пов аморейясысь, Ме сета найӧс тэнад киӧ. На пӧвстысь некод оз вермы водзсасьны тэкӧд».

Нав Исус 2:24

«Господь [миян Енным] сетіс миян киӧ сійӧ мусӧ, – шуисны найӧ Исуслы. – Сэтчӧс олысьяс ставныс ёна полӧны миянысь».

Нав Исус 11:6

Господь шуис Исуслы: «Эн пов наысь. Аски тайӧ кадас Ме сета израильса тышкайӧзлы пасьвартны найӧс. Вӧвъясныслысь кок сӧнсӧ вундав, а тарантасъяссӧ сот».

Ёрдысьяс 7:8

Гедеон колис аскӧдыс куимсё тышкамортӧс, а мукӧдсӧ лэдзис гортаныс. Налӧн заптӧм сёяныс да буксанъясыс колины тайӧ куимсёыслы. Мадиансаяс сулалісны улынджык, ковтысын.

Ёрдысьяс 7:10

Полан кӧ уськӧдчынысӧ, ветлы Пурай кесйӧгыдкӧд налӧн чомъяс дорӧ.

Ӧксыяслӧн 1 небӧг 14:8

Ионафан шуис: «Ми мунам филистимсаяс дінӧ да петкӧдчам налы.

Ӧксыяслӧн 1 небӧг 23:4

Давид бара шыасис Господь дінӧ. Господь шуис сылы: «Чеччы да мун Кейлаӧ. Ме сета филистимсаясӧс тэнад киӧ».