Ёрдысьяс 6:25 - Коми Библия 2023

²⁵ Сійӧ войнас Господь шуис Гедеонлы: «Босьт батьыдлӧн пемӧс чукӧрысь сизим арӧса медбур ӧшкӧс. Жугӧд батьыд ордысь Вааллысь висьпуктанінсӧ да керав орччӧн сулалысь юрбитан пусӧ.

Ёрдысьяс 6:25 Referans Kwoze

Ёрдысьяс 3:7

Израиль пиян вӧчисны Господь водзын шогмытӧмсӧ. Найӧ вунӧдісны Господьӧс, ассьыныс Енсӧ, да пондісны юрбитны Ваал да Астарта идолъяслы.

Петӧм 34:13

Налысь висьпуктанінъяссӧ жуглӧй, юрбитан изъяссӧ пасьвартӧй, юрбитан пуяссӧ кералӧй [да бӧлбанъяссӧ биын сотӧй].

Ап. уджъяс 5:29

Петыр да мукӧд апостолъяс вочавидзисны: «Мортыслы ёнджыка колӧ кывзыны Енмӧс, а оз мортӧс.

Матвей 10:37

Кодлы бать-мамыс Ме дорысь мусаджык, Меным сійӧ оз шогмы. Кодлы ныв-пиыс Ме дорысь мусаджык, Меным сійӧ оз шогмы.

Матвей 6:24

Морт оз вермы кесъявны кык ыджыдлы. Ӧтисӧ кӧ радейтӧ, мӧдсӧ мустӧмтӧ. Ӧтисӧ кӧ пыдди пуктӧ, мӧдсӧ увтыртӧ. Ті онӧ вермӧй кесъявны Енлы, кесъяланныд кӧ озырлунлы».

Ӧксыяслӧн 3 небӧг 18:21

Илля матыстчис войтырыс дінӧ да шуис: «Дыр-ӧ на ті кутанныд чотны кыкнан кокнаныд? Господь кӧ эм Ен, кывзысьӧй Сылысь, Ваал кӧ енмыс, сылысь кывзысьӧй». Войтырыс чӧв оліс.

Ап. уджъяс 4:19

Петыр да Иоан воча шуисны налы: «Мӧвпыштлӧй асьныд, бур-ӧ тайӧ Ен водзын, ми кӧ Енмӧс дорысь ёнджыка кутам кывзыны тіянӧс.

Псалтыр 101:2

Господьӧй, кыв менсьым кевмӧмӧс! Менам гораа бӧрдӧмӧй мед воас Тэнад пельӧдз.

Иов 22:23

Бергӧдчан кӧ Ставсӧвермысь дінӧ, вештан кӧ лёксӧ аслад керка дінысь, сэки Сійӧ бара кыпӧдас тэнӧ.

Индӧд 7:5

Со мый колӧ вӧчны: жуглӧй налысь висьпуктанінъяссӧ, пасьвартӧй юрбитан изъяссӧ, кералӧй юрбитан пуяссӧ да биын сотӧй бӧлбанъяссӧ.

Олӧм 35:2

Яков шуис гортсаыслы да аслас йӧзлы: «Эновтчӧй мукӧд енъясысь! Сӧстӧммӧдчӧй да вежӧй паськӧмнытӧ.

Ёрдысьяс 2:11

Израиль пиян кутісны вӧчны Господь водзын шогмытӧмсӧ. Найӧ пондісны юрбитны Ваал идолъяслы.

Ёрдысьяс 6:26

Вӧч тайӧ керӧс вылас висьпуктанін Господьлы, аслад Енлы [коді петкӧдчис тэныд]. Ставсӧ вӧч колана ногӧн. Кералӧм юрбитан пусӧ сот пес пыдди висьпуктанін вылас, а ӧшсӧ вай сотан вись пыдди».