Ёрдысьяс 6:2 - Коми Библия 2023

² Мадиансаяс чорыда дзескӧдісны Израиль войтырӧс. Наысь дзебсясьӧм могысь Израиль пиян вӧчалісны керӧсъяс вылӧ, керӧс потасъясӧ да кырта горсъясӧ сайӧдчанінъяс.

Ёрдысьяс 6:2 Referans Kwoze

Еврейяслы 11:38

Муюгыдыс эз сулав тайӧ йӧзыс дон, кодъяслы ковмис овны овтӧминын да керӧсын, кырта горсйын да му потасын.

Ӧксыяслӧн 1 небӧг 13:6

Кор израильсаяс казялісны, мый филистимсаяс топӧдӧны найӧс, дзебсисны кырта горсъясӧ, сёнъясӧ, изкыртаяс костӧ, важ гуасянінъясӧ да косьмӧм вайӧртӧдъясӧ.

Восьтӧм 6:15

Мувывса ӧксыяс, юралысьяс, озыръяс, тышкайӧзӧн веськӧдлысьяс, ыджыдалысьяс, кесйӧгъяс да мездлуна йӧз, – ставныс дзебсисны кырта горсъясӧ да керӧс потасъясӧ.

Ӧксыяслӧн 1 небӧг 14:11

Кор Ионафан аслас кесйӧгкӧд петкӧдчис филистимса тышкакотырлы, филистимсаяс пондісны шуасьны, видзӧдлӧй пӧ, еврейяс петалӧны сайӧдчанінсьыныс.

Левит 26:17

Ме тіянлы паныд сувта. Вӧрӧгныд вермас тіянӧс, мустӧмтысьныд кутас ыджыдавны тіян вылын. Ті котӧрӧн пышъянныд, кӧть вӧтӧдысьыс оз ло.

Ёрдысьяс 6:3

Израильсаяслӧн сӧмын на кӧдзӧм муяс вылӧ вӧлі локтӧны мадиансаяс, амалик войтыр да накӧд асыввылын олысь войтыръяс,

Еремей 41:9

Ыджыд юкмӧссӧ, кытчӧ Измаил шыбитіс виӧмаяслысь шойяссӧ, кодйыліс Аса ӧксы, кор тышкасис израильса Ваас ӧксыкӧд. Нетанийлӧн Измаил пиыс тыртіс тайӧ юкмӧссӧ виӧмаяслӧн шойясӧн.

Еремей 48:28

Моавын олысьяс, эновтӧй ассьыныд каръяснытӧ, олӧй изкыртаясын, гулюяс моз вӧчӧй познытӧ кырта горсъясӧ.

Ёрдысьяс 10:8

Дас кӧкъямыс во чӧж найӧ дзескӧдісны да нартитісны Израиль пиянӧс, кодъяс олісны Галаадын, аморейяслӧн муын Йӧрдан ю сайын.

Ёрдысьяс 10:9

Аммон войтыр вуджис Йӧрдан ю, медым петны тышӧ Иуда, Венямин да Ефрем чужанкотыръяслы паныд. Израиль войтырлы вӧлі вывті сьӧкыд.

Иов 30:6

Найӧ олӧны ковтысса кырӧмъясын, му гуранъясын да кырта горсъясын.