Ёрдысьяс 5:15 - Коми Библия 2023

¹⁵ Иссакар чужанкотырысь веськӧдлысьяс вӧліны Деворакӧд, найӧ уськӧдчисны ковтысӧ Вараккӧд, а Рувим чужанкотыр падъялӧ.

Ёрдысьяс 5:15 Referans Kwoze

Ёрдысьяс 4:14

Сэки Девора шуис Вараклы: «Пет тышӧ! Талун Господь сетас Сисарӧс тэнад киӧ. Ачыс Господь мунас тэ водзвылын». Варак лэччис Тавор керӧсысь, сы бӧрся лэччис дас сюрс морт.

2 Коринфӧ 11:2

ӧд ме тӧждыся тіян вӧсна Енлӧн тӧждысьӧмӧн. Ме кӧсйыси сетны тіянӧс дзик ӧти верӧспулы – Кристослы. Кӧсъя, мед ті сувтінныд Сы водзӧ сӧстӧм нылӧн.

Ап. уджъяс 20:13

Сэсся ми пуксим корабль вылӧ да кывтім Ассӧ, медым босьтны сэтысь Павелӧс. Сійӧ ачыс тадзи тшӧктіс, шуис, мый локтас сэтчӧ подӧн.

Ап. уджъяс 15:39

Павел да Варнава весиг вензьӧмӧдз воисны да тадзикӧн торйӧдчисны. Варнава босьтіс аскӧдыс Маркӧс да кывтіс сыкӧд Кипрӧ.

Шусьӧгъяс 22:13

Дыш мортыд шуӧ: «Ывлаын лев! Изэрд шӧрас менӧ виасны!»

1 Каднебӧг 12:32

Иссакар чужанкотырысь вӧліны кыксё юралысь, мывкыда йӧз, кодъяс тӧдісны, мый бурджык Израильлы. Накӧд вӧлі став налӧн рӧдыс.

Ёрдысьяс 4:10

Варак чукӧртіс Кедешӧ Завулон да Неффалим чужанкотыръясӧс. Сы бӧрся муніс дас сюрс морт, Девора тшӧтш муніс сыкӧд.

Ёрдысьяс 4:6

Девора мӧдӧдіс корны Авиноамлысь Варак писӧ Кедеш карысь, Неффалим чужанкотырлӧн муысь. Сійӧ шуис Вараклы: «Господь, Израильлӧн Ен, тшӧктӧ тэныд: ”Мун кай Тавор керӧс вылӧ. Босьт аскӧдыд Неффалим да Завулон чужанкотыръяс пӧвстысь дас сюрс мортӧс.

Ёрдысьяс 5:16

Рувим чужанкотыр, мыйла тэ пукалан ыж видзысьяс пӧвстын, кывзан ыжъяслысь баксӧмсӧ? Рувим чужанкотыр падъялӧ.

Олӧм 35:23

Лиялӧн пияныс вӧліны Рувим, Симеон, Левий, Иуда, Иссакар да Завулон. Рувим вӧлі Яковлӧн медводдза пиыс.