Ёрдысьяс 4:14 - Коми Библия 2023

¹⁴ Сэки Девора шуис Вараклы: «Пет тышӧ! Талун Господь сетас Сисарӧс тэнад киӧ. Ачыс Господь мунас тэ водзвылын». Варак лэччис Тавор керӧсысь, сы бӧрся лэччис дас сюрс морт.

Ёрдысьяс 4:14 Referans Kwoze

Ӧксыяслӧн 2 небӧг 5:24

Кор тэ кылан шы, быттьӧ пуяс йывті кодкӧ восьлалӧ, сэки уськӧдчы. Тӧд, мый Господь мунӧ тэ водзвылын, медым пасьвартны филистимса тышкайӧзӧс».

Индӧд 9:3

Талун ті тӧдмаланныд, мый Господь, тіян Енныд, мунӧ тіян водзвылын, кыдзи ставсӧ сотысь би. Сійӧ пасьвартас енак войтырӧс да сетас тіян киӧ. Ті босьтанныд налысь мусӧ да регыдъя кадӧн бырӧданныд найӧс. Тадзи висьталіс тіянлы Господь.

Исай 52:12

Ті петанныд тэрмасьтӧг, онӧ пышйӧй, ӧд тіян водзвылын мунас Господь, Израильлӧн Ен бӧрвывсяньныд кутас видзны тіянӧс.

Микей 2:13

На водзын мунас туйсӧ писькӧдысьыс, найӧ бырӧдасны мытшӧдъяс и петасны дзиръяӧд. На водзын мунас ӧксыныс, и нуӧдас найӧс Господь.

Ӧксыяслӧн 1 небӧг 9:26

Садьмисны найӧ водз асывнас, шонді петігас на. Самуил горӧдіс керка вевт вылын узьысь Сауллы: «Чеччы. Ме колльӧда тэнӧ». Саул чеччис, и найӧ ӧтлаын мӧдӧдчисны.

Ёрдысьяс 19:28

Сійӧ шуис кесйӧг-гӧтырыслы: «Чеччы! Мунам!» Но гӧтырыс эз вочавидз сылы. [Сійӧ вӧлі кулӧма.] Левит босьтіс шойсӧ да пуктіс осёл вылас, сэсся мӧдӧдчис туйӧ.

Нав Исус 7:13

Чеччы! Вежӧд войтыртӧ да висьтав налы, мед асывводз кежлас вежӧдасны-сӧстӧммӧдасны асьнысӧ, ӧд Господь, Израильлӧн Ен, тадзи висьталӧ: Израиль войтыр, тіян пӧвстын эмӧсь ёрӧм улӧ веськалӧмаяс. Кытчӧдз онӧ бырӧдӧй найӧс ас пӧвстсьыныд, вӧрӧгнытӧ онӧ вермӧй.

Олӧм 44:4

Найӧ петісны карысь. Кор найӧ вӧліны неылын на, Ӧсип шуис керка кутысьлы: «Мун суӧд тайӧ йӧзсӧ да шу налы: ”Мыйла ті бурсьыс мынтысинныд лёкӧн? [Мыйла гусялінныд эзысь дозмуксӧ?]

Олӧм 19:14

Лот петіс да шуис аслас зятьпуяслы: «Петӧй тайӧ карсьыс, ӧд Господь бырӧдас сійӧс». Но найӧ эз эскыны сылы.

Ёрдысьяс 4:10

Варак чукӧртіс Кедешӧ Завулон да Неффалим чужанкотыръясӧс. Сы бӧрся муніс дас сюрс морт, Девора тшӧтш муніс сыкӧд.

Нав Исус 10:8

Господь шуис Исуслы: «Эн пов аморейясысь, Ме сета найӧс тэнад киӧ. На пӧвстысь некод оз вермы водзсасьны тэкӧд».

Ёрдысьяс 7:9

Сійӧ войнас Господь шуис Гедеонлы: «Лэччы да уськӧдчы мадиансаяс вылӧ, ӧд Ме сета найӧс тэнад киӧ.