Ёрдысьяс 3:27 - Коми Библия 2023

²⁷ [Израиль муӧ] Ефрем керӧсвыв муӧ локтӧм бӧрас Эхуд букӧстіс буксанӧн. Израиль пиян сыкӧд ӧтвылысь лэччисны сэтысь, и сійӧ муніс на водзвылын.

Ёрдысьяс 3:27 Referans Kwoze

Ӧксыяслӧн 1 небӧг 13:3

Геваын Ионафан пасьвартіс филистимсаяслысь тышкакотырсӧ. Та йылысь кывсис мукӧд филистимса тышкайӧзлы. Сэки Саул тшӧктіс буксыны буксанӧн Израиль му пасьтала, медым еврейяс тӧдмалісны,

Ёрдысьяс 6:34

Сэки Господьлӧн Лолыс лэччис Гедеон вылӧ. Гедеон букӧстіс буксанӧн да чукӧртіс Авиэзерлысь рӧдсӧ ас дінас.

Ӧксыяслӧн 4 небӧг 9:13

Веськӧдлысьяс дзик пыр пӧрччисны вылыс паськӧмнысӧ да вольсалісны сод тшупӧдъяс вылӧ Ехулы кок улас. Сэсся букӧстісны буксанӧн да горӧдісны: «Еху – миян ӧксы!»

Ӧксыяслӧн 2 небӧг 20:22

Ань муніс карса олысьяс дінӧ. Сійӧ аслас мывкыдлунӧн кужис ышӧдны найӧс, и найӧ керыштісны Шевейлысь юрсӧ да шыбитісны Йоавлы. Сэки Йоав букӧстіс буксанӧн, и тышкайӧз вешйисны кар дорсьыс. Ставныс мунісны бӧр гортаныс, а Йоав локтіс Ерусалимӧ ӧксы дінӧ.

Ёрдысьяс 19:1

Сійӧ кадас Израильын эз вӧв ӧксыыс. Ефрем керӧсвыв му пельӧсын оліс ӧти левит. Сійӧ босьтіс аслыс кесйӧг-гӧтырӧс Виплиемысь, Иуда муысь.

Ёрдысьяс 17:1

Ефрем керӧсвыв муын оліс Микей нима морт.

Ёрдысьяс 7:24

Гедеон мӧдӧдіс юӧртысьясӧс Ефрем керӧсвыв муӧ. Найӧ шуисны: «Лэччӧй керӧсъяс вылысь, медым тупкыны Йӧрдан ю дорӧ мунан туйсӧ Бет-Бара карӧдз. Энӧ лэдзӧй мадиансаяслы вуджны юсӧ». Ефрем чужанкотырысь вӧлі чукӧстӧма ставнысӧ, и найӧ тупкисны туйсӧ Бет-Бара карӧдз да Йӧрдан ю вомӧн вуджанінсӧ.

Ёрдысьяс 5:14

Ефрем чужанкотырысь локтісны амалик войтырлӧн муӧ овмӧдчӧмаяс, на бӧрся локтіс Веняминлӧн тышкакотырыс. Макир рӧдысь локтісны веськӧдлысьяс, Завулон чужанкотырысь локтісны юралан бедь кианыс кутысьяс.

Нав Исус 17:18

вичмас тшӧтш керӧсвыв муыс. Ті пӧрӧданныд сэтысь вӧрсӧ, и муыс помсянь помӧдзыс тіян лоӧ. Ті вӧтланныд [да верманныд] ханаансаясӧс, мед кӧ найӧ ёнӧсь, и налӧн эмӧсь тышӧ ветлан тарантасъяс».

Нав Исус 17:15

Исус вочавидзис налы: «Ті кӧ уна лыдаӧсь, мунӧй да кералӧй вӧрсӧ перезейяслӧн да рефаяслӧн муысь. Овмӧдчӧй сэтчӧ, тіянлы кӧ Ефрем керӧсвыв муын дзескыд».

Ёрдысьяс 3:26

Кесйӧгъяслӧн ньӧжмасьӧм вӧсна Эхуд вермис пышйыны [ӧд сы йылысь эз мӧвпыштны]. Эхуд муніс бӧлбанъяс дорті да пышйис Сейра карӧ.

Ёрдысьяс 10:1

Авимелек кулӧм бӧрын Израильӧс мездыны сувтіс Иссакар чужанкотырысь Тол, Додо Пуахлӧн пиыс. Тол оліс Ефрем керӧсвыв муын, Шамир карын.

Неемий 4:14

Ставсӧ видзӧдалӧм бӧрын ме шуи нималана йӧзлы, веськӧдлысьяслы да войтырлы: «Энӧ полӧй вӧрӧгысь! Тӧдӧй, мый Господьыс ыджыд да повзьӧдана! Тышкасьӧй вокъясныд, ныв-пиныд, гӧтыръясныд да керкаясныд вӧсна!»