Ёрдысьяс 3:20 - Коми Библия 2023

²⁰ Эглон пукаліс аслас торъя жырйын, кытчӧ ветлывліс ыркӧдчыны. Эхуд матыстчис сы дінӧ да шуис: «[Ӧксыӧй,] менам эм тэныд Енсянь кыв». Эглон чеччис пуклӧссьыс [да сувтіс Эхуд водзӧ].

Ёрдысьяс 3:20 Referans Kwoze

Амос 3:15

Ме бырӧда тӧвся и гожся керкаяс, слӧн лыӧн мичмӧдӧм керкаяс киссясны. Уна керка жмуткысяс, – висьталӧ Господь.

Еремей 10:7

Тэ – войтыръяслӧн Ӧксы, ставныс полӧны Тэысь, сӧмын Тэысь колӧ вежавидзнысӧ. Войтыръяслӧн мывкыдаяс пӧвстын Тэ кодьыс абу!

Микей 6:9

Мывкыд морт вежавидзӧ Господьысь. Господь шыасьӧ кар дінӧ, кывзӧй Сійӧс, карса олысьяс да веськӧдлысьяс!

Псалтыр 29:1

Давидлӧн псалом. Крам вежӧдігӧн сьылӧм.

Ёрдысьяс 3:19

Галгалын сулалысь бӧлбанъяс дорсянь Эхуд бӧр бергӧдчис Эглон дінӧ да шуис: «Ӧксыӧй, ме кӧсъя тэкӧд гусьӧн сёрнитны». Эглон тшӧктіс кесйӧгъясыслы петны. Ставныс петісны.

Ёрдысьяс 3:21

Сэки Эхуд шуйга кинас перйис веськыдладор бокас ӧшалысь шыпуртсӧ да сатшкис сылы кынӧмас.

Неемий 8:5

Став войтырыс аддзис, кыдзи Ездра восьтіс небӧгсӧ, ӧд сійӧ сулаліс наысь вылынджык. Ставныс сувтісны.

Еремей 36:22

Сэки ӧксы оліс аслас тӧвся керкаын, ӧд вӧлі ӧкмысӧд тӧлысь нин, и вӧлі кӧдзыд. Ӧксы водзын нажӧгын ломтысис би.

Лыд 23:18

Валаам шуис татшӧм кывъяс: – Чеччы, Валак, да кывзы, сюся кывзы менӧ, Сеппорлӧн пи!