Ёрдысьяс 3:16 - Коми Библия 2023

¹⁶ Эхуд вӧчис аслыс гырддза кузьта кыкнанладорсяньыс лэчтӧм шыпурт, ӧшӧдіс сійӧс веськыдладор бокас да дзебис паськӧм улас.

Ёрдысьяс 3:16 Referans Kwoze

Восьтӧм 2:12

«Пергам вичкоса анделлы тадзи гиж: Со мый висьталӧ тіянлы Сійӧ, кодлӧн эм кыкнанладорсяньыс лэчтӧм ёсь шыпурт.

Восьтӧм 1:16

Веськыд киас Сійӧ кутіс сизим кодзув, а вомсьыс петіс кыкнанладорсяньыс лэчтӧм ёсь шыпурт. Сылӧн чужӧмыс дзирдаліс яръюгыд шонді моз.

Еврейяслы 4:12

Енлӧн кывйыс ловъя да вына. Сійӧ ёсьджык на кыкнанладорсяньыс лэчтӧм шыпуртысь. Сійӧ пыдӧдз мӧрччӧ, торйӧдӧ мортлысь ловсӧ да олӧмсӧ, лысӧ да вемсӧ, восьтӧ мортлысь сьӧлӧмпытшса мӧвпъяссӧ да кӧсйӧмъяссӧ.

Сьылан 3:8

Найӧ ставныс шыпуртаӧсь, тышкасьны кужысьяс. Быдӧнлӧн ки улас шыпурт, медым дорйысьны весиг войнас.

Псалтыр 149:6

Налӧн вомысь мед кыптас Енлы ошкӧмыс, кианыс мед босьтасны кыкнанладорсяньыс лэчтӧм шыпурт,

Псалтыр 45:3

Та вӧсна ми огӧ полӧй, весиг муыс кӧ кутас вӧрны, керӧсъяс кӧ усясны саридз пыдӧсӧ,

Ёрдысьяс 3:21

Сэки Эхуд шуйга кинас перйис веськыдладор бокас ӧшалысь шыпуртсӧ да сатшкис сылы кынӧмас.

Ёрдысьяс 3:15

Но Израиль пиян шыасисны Господь дінӧ, и Господь сувтӧдіс Израиль пиянлы мездысьӧс, Венямин чужанкотырысь Герлысь Эхуд писӧ. Сійӧ вӧлі шуйгун. Израиль пиян мӧдӧдісны Эхудӧс моавса Эглон ӧксы дінӧ мынтыны вот.

Ёрдысьяс 3:17

Сійӧ локтіс моавса Эглон ӧксы дінӧ да сетіс сылы мынтан вотсӧ. Эглон вӧлі зэв тшӧг.

Ӧксыяслӧн 2 небӧг 20:8

Кор найӧ вӧліны Гаваонын ыджыд из дорын, налы паныдасис Амессай. Йоав вӧлі тышкасян паськӧма. Шыпуртыс ӧшаліс пуртӧсас коссьыс улынджык. Кор сійӧ воськовтіс, шыпуртыс усис пуртӧссьыс.