Ёрдысьяс 3:15 - Коми Библия 2023

¹⁵ Но Израиль пиян шыасисны Господь дінӧ, и Господь сувтӧдіс Израиль пиянлы мездысьӧс, Венямин чужанкотырысь Герлысь Эхуд писӧ. Сійӧ вӧлі шуйгун. Израиль пиян мӧдӧдісны Эхудӧс моавса Эглон ӧксы дінӧ мынтыны вот.

Ёрдысьяс 3:15 Referans Kwoze

Ёрдысьяс 3:9

Но Израиль пиян шыасисны Господь дінӧ, и Господь сувтӧдіс Израиль пиянлы мездысьӧс, Кеназлысь Отниэл писӧ. Кеназ вӧлі Калевлӧн ичӧт вокыс.

Исай 36:16

Энӧ кывзӧй Езекейӧс! Ассурса ӧксы тадзи висьталӧ: ”Сетчӧй меным да локтӧй ме дінӧ! Сэки ті кутанныд сёйны виноград да инжир вотӧс асланыд пуясысь, юны ва асланыд юкмӧсысь.

1 Каднебӧг 12:2

Найӧ вермисны лыйсьыны изйӧн да ньӧвйӧн веськыд кинас и шуйга кинас. Найӧ вӧліны Венямин чужанкотырысь, Сауллӧн рӧдысь:

Ёрдысьяс 20:16

Венямин чужанкотырлӧн тышкайӧз пӧвстын вӧлі сизимсё шуйгун, кодъяс кужисны вывті бура изйӧн лыйсьыны, вермисны весиг мортлӧн юрси сіӧ веськавны.

Еремей 33:3

Шыась Ме дінӧ, и Ме вочавидза тэныд, юӧрта тэныд ыджыдторъяс йылысь, мый тэ он на тӧд да он гӧгӧрво.

Шусьӧгъяс 21:14

Гусьӧн сетӧм козин кусӧдӧ лӧглун, питшӧгысь сетӧмтор лӧньӧдӧ ыджыд скӧрлун.

Шусьӧгъяс 19:6

Унаӧн леститчӧны нималана йӧз водзын, козин сетысьыдлы быдӧн ёрт.

Шусьӧгъяс 18:16

Вежӧра мортлӧн сьӧлӧмыс тӧдӧмлунсӧ аддзӧ, мывкыд мортлӧн пельыс тӧдӧмлунсӧ корсьӧ.

Псалтыр 90:15

Сійӧ шыасяс Ме дінӧ, и Ме вочавидза сылы. Ме лоа сыкӧд сьӧкыд нуигас, мезда сійӧс да нимӧда сійӧс.

Псалтыр 50:15

Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.

Ӧксыяслӧн 1 небӧг 10:27

А шогмытӧм йӧз шуасисны, кутшӧм пӧ сійӧ мездысь миянлы. Найӧ нинӧмӧ пуктісны Саулӧс, эз вайны сылы козинъяс. Но Саул быттьӧ эз казяв тайӧс.

Ёрдысьяс 3:14

Израиль пиян кесъялісны моавса Эглон ӧксылы дас кӧкъямыс во чӧж.

Ёрдысьяс 3:16

Эхуд вӧчис аслыс гырддза кузьта кыкнанладорсяньыс лэчтӧм шыпурт, ӧшӧдіс сійӧс веськыдладор бокас да дзебис паськӧм улас.

Ёрдысьяс 2:16

Господь сувтӧдліс Израиль войтырлы ёрдысьясӧс, кодъяс мездылісны найӧс мырддялысьяслӧн киысь.

Ёрдысьяс 4:3

Сылӧн вӧлі ӧкмыссё кӧрт тарантас. Кызь во чӧж Сисар чорыда дзескӧдіс Израиль пиянӧс, та вӧсна найӧ бӧрдӧмӧн шыасисны Господь дінӧ.

Ӧксыяслӧн 2 небӧг 20:9

Йоав юаліс Амессайлысь: «Кыдзи, вокӧй, олан-вылан?» Сэсся босьтіс веськыд кинас Амессайӧс тошкӧдыс, мед окыштны.

Ӧксыяслӧн 2 небӧг 20:10

Амессай эз видзчысь, мый Йоав бытшкас сійӧс лэптӧм шыпуртнас. Шыпуртыс Амессайлы пырис веськыда кынӧмас, и гырк пытшкӧсыс петіс му вылас. Ӧти бытшкӧмысь Амессай дзик пыр куліс. Йоав Авишай вокыскӧд водзӧ мунісны вӧтӧдны Бикрилысь Шевей писӧ.

1 Каднебӧг 8:3

Белайлӧн вӧліны Аддар, Гер, Авихуд,

1 Каднебӧг 8:5

Гер, Шефуфан да Хурам пиян.

2 Каднебӧг 9:24

Соломон дінӧ волысьяс вайлісны аскӧдныс козинъяс: эзысь-зарниысь вӧчӧм дозмук-кӧлуй, паськӧм, шыпуртъяс, чӧскыд ӧвтанторъяс, вӧвъясӧс да мулъясӧс. Тадзи вӧлі быд во.