Ёрдысьяс 3:10 - Коми Библия 2023

¹⁰ Господьлӧн Лолыс вӧлі Отниэл вылын. Сійӧ вӧлі ёрдысь и Израиль войтырӧн веськӧдлысь. Отниэл петіс тышӧ, и Господь сетіс сылӧн киӧ Месопотамияысь Кушан-Ришатаим ӧксыӧс. Тадзи Кушан-Ришатаим шедіс Отниэллӧн кипод улӧ.

Ёрдысьяс 3:10 Referans Kwoze

Ӧксыяслӧн 1 небӧг 11:6

Тайӧс кылӧм бӧрын Енлӧн Лов лэччис Саул вылӧ, сы пытшкын кыптіс скӧрлун.

Ёрдысьяс 14:19

Господьлӧн Лолыс лэччис Самсон вылӧ. Самсон муніс Аскалонӧ да виис сэні комын мортӧс, пӧрччӧдіс на вылысь паськӧмсӧ да сетіс налы, кодъяс тӧдмалісны сылысь нӧдкывсӧ. Скӧрйывсьыс сійӧ бӧр муніс бать керкаас.

Ёрдысьяс 14:6

Господьлӧн Лолыс лэччис Самсон вылӧ, и Самсон куш кинас косявліс левӧс кӧзапиӧс моз. Но тайӧ лоӧмтор йывсьыс бать-мамыслы эз висьтав.

Ёрдысьяс 13:25

Кор Самсон оліс Махане-Данын, Цора да Эштаол каръяс костын, Господьлӧн Лолыс кутіс ышӧдны сійӧс Израильӧс мездӧм вылӧ.

Ёрдысьяс 11:29

Господьлӧн Лов лэччис Еффай вылӧ. Еффай вуджис Галаад да Манассей муяс. Сэсся бӧр бергӧдчис Галаад муӧ Мицфе карӧ да сэтысянь петіс аммонсаяслы паныд тышӧ.

Ёрдысьяс 6:34

Сэки Господьлӧн Лолыс лэччис Гедеон вылӧ. Гедеон букӧстіс буксанӧн да чукӧртіс Авиэзерлысь рӧдсӧ ас дінас.

2 Каднебӧг 15:1

Енлӧн Лолыс лэччис Одедлӧн Азарий пи вылӧ,

Лыд 24:2

и аддзис Израиль войтырӧс, коді чомъяснас вӧлі паськӧдчӧма чужанкотыръясыс серти. Енлӧн Лов лэччис Валаам вылӧ,

Еврейяслы 6:4

Ен дінӧ он нин вермы бергӧдны найӧс, кодъяс тӧдлісны Бур Юӧрлысь югыдсӧ, босьтісны Енсянь сетӧмторсӧ, сибӧдісны сьӧлӧмас Вежа Лолӧс, тӧдмалісны Ен кывлысь бурсӧ да аддзылісны локтана нэмлысь вынсӧ, а сэсся бӧр кежисны Кристосысь. Найӧ ӧд выльысь тувъялӧны Ен Пиӧс да пуктӧны Сійӧс серамтуйӧ.

Псалтыр 51:11

Енмӧй, кута помтӧг ошкыны Тэнӧ став уджсьыд. Тэнад эскана войтырыдкӧд понда лача кутны бур нимыд вылӧ.

2 Каднебӧг 20:14

Чукӧртчӧм йӧз пӧвстын Господьлӧн Лолыс лэччис Асаф рӧдысь Яхазиэл нима левит вылӧ. Яхазиэл вӧлі Закарлӧн пи, Закар – Бенайлӧн, Бенай – Евэллӧн, Евэл – Маттанайлӧн.

Ӧксыяслӧн 1 небӧг 16:13

Самуил босьтіс вый тыра доз да мавтыштіс Давидӧс сылӧн вокъяс водзын. Сэки Господьлӧн Лов лэччис Давид вылӧ и сійӧ лунсяньыс вӧлі Давидкӧд. Сэсся Самуил бӧр муніс Рама карӧ.

Ӧксыяслӧн 1 небӧг 10:6

Господьлӧн Лолыс лэччас тэ вылӧ, и накӧд тшӧтш тэ кутан пророкавны да лоан мӧдпӧлӧс мортӧн.

Лыд 27:18

Господь шуис Мӧисейлы: «Менам Лолӧй Навлӧн Исус пи пытшкын. Пуктыв сы вылӧ китӧ.

Лыд 11:29

Но Мӧисей шуис сылы: «Ме вӧсна-ӧ тэ тӧждысян? Ме эськӧ кӧсйи, медым Господь став Аслас войтыр вылӧ мӧдӧдіс Ассьыс Ловсӧ, и ставныс вӧліны пророкъясӧн!»

Лыд 11:25

Господь лэччис кымӧр пытшкын да сёрнитіс Мӧисейкӧд, сэсся Мӧисей вылысь Ловсӧ юкис да сетіс сизимдаснан юрнуӧдысьыслы. Кор Лолыс лэччис юрнуӧдысьяс вылӧ, найӧ кутісны пророкавны. Но бӧрынджык найӧ эз нин пророкавны.

Лыд 11:17

Ме лэчча да кута сёрнитны сэні тэкӧд. Тэ вылысь Ловсӧ Ме юкла да пукта тшӧтш на вылӧ. Сэки найӧ тэкӧд ӧтвылысь пондасны нуны войтыр вӧсна сьӧкыдсӧ, а он нин тэ ӧтнад.

Ёрдысьяс 3:8

Господь скӧрмис Израиль войтыр вылӧ. Сійӧ сетіс найӧс Месопотамияысь Кушан-Ришатаим ӧксы киӧ. Израиль пиян кесъялісны Кушан-Ришатаимлы кӧкъямыс во чӧж.

Ёрдысьяс 3:11

Нелямын во чӧж Израиль муын эз вӧвны тышъяс. Сэсся Кеназлӧн Отниэл пиыс куліс.

1 Каднебӧг 12:18

Сэки Енлӧн Лолыс лэччис Амасай вылӧ, комын тышкамортӧн веськӧдлысь вылӧ, и сійӧ шуис: Ми – тэнад йӧз, Давид, ми тэкӧд, Ессейлӧн пи! Лӧнь олӧм тэныд, лӧнь олӧм тэнад отсасьысьяслы! Тэнад Енмыд отсалӧ тэныд. Давид сибӧдіс локтысьясӧс да пуктіс найӧс веськӧдлыны тышкайӧзӧн.

Ёрдысьяс 11:32

Еффай тышкасис аммонсаяскӧд, и Господь сетіс найӧс сылӧн киӧ.

Ёрдысьяс 15:14

Кор Самсон воис Лехи карӧ, филистимсаяс горзӧмӧн паныдалісны сійӧс. Господьлӧн Лолыс лэччис Самсон вылӧ. Сэки кисӧ кӧрталӧм гезъясыс сотчӧм шабді моз гылалісны.

Ӧксыяслӧн 1 небӧг 10:10

Вись ваян мыльк дорӧ воигӧн Саул да кесйӧгыс паныдасисны пророкъяскӧд. Сэки Енлӧн Лов лэччис Саул вылӧ, и сійӧ накӧд тшӧтш кутіс пророкавны.