Ёрдысьяс 2:20 - Коми Библия 2023

²⁰ Господь скӧрмис Израиль войтыр вылӧ да шуис: «Сыысь, мый тайӧ войтырыс торкис Менсьым йитӧдӧс, мый Ме кӧрталі налӧн батьяскӧд, да дугдіс кывзысьны Менсьым,

Gade chapit la Kopi

« Previous

tounen moute ⬆

Ёрдысьяс 2:14

Господь ёна скӧрмис Израиль войтыр вылӧ, сетіс найӧс мырддялысьяс киӧ да на гӧгӧр олысь вӧрӧг киӧ. Израиль войтыр эз нин вермы водзсасьны налы паныд.

Gade chapit la

Ті кӧ торканныд асланыд Господь Енлысь йитӧдсӧ, мый Сійӧ кӧрталіс тіянкӧд, да кутанныд кесъявны-юрбитны мукӧд енъяслы, сэки Господьлӧн скӧрлуныс ӧзъяс тіян вылӧ, и регыдъя кадӧн ті быранныд тайӧ бур му вывсьыс, мый Господь сетіс тіянлы».

Gade chapit la

Езекиль 20:37

Ыж видзысь моз Ме лыддя-торйӧда тіянӧс. Ме кӧртвомала тіянӧс, медым олінныд Менам йитӧд серти.

Gade chapit la

Еремей 31:32

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Ме вӧлі налӧн Ыджыдӧн, но найӧ торкисны йитӧдӧс, мый Ме кӧрталі накӧд, – висьталӧ Господь.

Gade chapit la

Ёрдысьяс 10:7

Господь скӧрмис Израиль войтыр вылӧ да сетіс найӧс филистим да аммон войтыръяс киӧ.

Gade chapit la

Ёрдысьяс 3:8

Господь скӧрмис Израиль войтыр вылӧ. Сійӧ сетіс найӧс Месопотамияысь Кушан-Ришатаим ӧксы киӧ. Израиль пиян кесъялісны Кушан-Ришатаимлы кӧкъямыс во чӧж.

Gade chapit la

Индӧд 32:22

Менам скӧрлунысь ӧзйис би, пыдӧстӧминӧдз сійӧ сотӧ ставсӧ. Мусӧ ньылыштӧ став быдтас-вотӧснас, керӧсъяс чишкалӧ подулӧдзыс.

Gade chapit la

Ёрдысьяс 2:19

Но ёрдысьлӧн кулӧм бӧрын войтырыс бара вӧчис лёксӧ батьяс дорысь унджык на. Найӧ юрбитісны-копрасисны мукӧд енъяслы да кесъялісны налы, эз эновтчыны асланыс лёк уджъясысь да эз дугдыны асныралӧмысь.

Gade chapit la

Псалтыр 78:10

Мыйла лэдзан войтыръяслы шуасьны: «Кӧні налӧн Енмыс?» Тэнад кесйӧгъяслысь вирсӧ кисьтӧмысь сет миянлы аддзыны водзӧс перйӧмтӧ. Та йылысь мед тӧдмаласны войтыръяс!

Gade chapit la