Ёрдысьяс 2:17 - Коми Библия 2023

¹⁷ Но и ёрдысьясӧс Израиль войтыр эз кывзы, кырсалысь ань моз сетчис мукӧд енъяслы да юрбитіс налы. [Тадзи скӧрмӧдіс Господьӧс.] Батьяслӧн туй вылысь найӧ ӧдйӧ кежисны. Налӧн батьясныс олісны Господьлӧн тшӧктӧмъяс серти, а тайӧяс – эз.

Ёрдысьяс 2:17 Referans Kwoze

Галатӧ 1:6

Ме шензя: ті сэтшӧм ӧдйӧ кежинныд Сыысь, коді Кристослӧн буралӧмнас корис тіянӧс. Кутшӧм тэрыба ті сибӧданныд мӧдпӧлӧс бур юӧрсӧ.

Индӧд 9:12

Господь шуис меным: ”Лэччы татысь ӧдйӧджык, ӧд тэнад войтырыд, кодӧс тэ петкӧдін Египетысь, сетчис пежас. Найӧ ӧдйӧ кежисны Менам туйысь, вунӧдісны Менсьым тшӧктӧмъясӧс. Найӧ вӧчисны аслыныс бӧлбанӧс”.

Ёрдысьяс 2:7

Войтырыс кесъяліс Господьлы Нав Исус дырйи да сы бӧрын олысь юрнуӧдысьяс дырйи, кодъяс аддзылісны Господьлысь Израильлы вӧчӧм ыджыд уджъяссӧ.

Осий 2:2

– Мыжалӧй ассьыныд мамнытӧ, мыжалӧй, ӧд сійӧ Меным абу гӧтыр, и Ме сылы абу верӧс. Мед сійӧ пӧрччас чужӧм вывсьыс кырсалысь аньлысь вевттьӧдсӧ, мед шыбитас морӧс бердсьыс гозъякост олӧм пежалысьлысь мичмӧдчанторъяссӧ.

Псалтыр 106:43

Мывкыд морт казялӧ тайӧс, гӧгӧрвоӧ Господьлысь буралӧмсӧ. Ошкӧм.

Псалтыр 106:39

Но дзескӧдысь вӧсна налӧн лыдыс чинӧ, найӧ сьӧкыдалӧны да шогсьӧны.

Ӧксыяслӧн 1 небӧг 12:19

Йӧзыс шуисны Самуиллы: «Кевмысь миян вӧсна Господьлы, аслад Енлы, медым ми, тэнад кесйӧгъяс, эгӧ кулӧй. Ми корим ӧксыӧс, тадзи асланым мыжъяс дінӧ содтім нӧшта ӧти мыж».

Ӧксыяслӧн 1 небӧг 12:17

Ӧні шобді вундан кад. Но ме кӧ шыася Господь дінӧ, Сійӧ ыстас гым да зэр. Тадзи ті аддзанныд да тӧдмаланныд, кутшӧм ыджыд мыж ті вӧчинныд Господьлӧн син водзын, кор ті коринныд аслыныд ӧксыӧс».

Ӧксыяслӧн 1 небӧг 12:12

Ӧксынас тіян вӧлі Господь, тіян Енныд. Но кор ті аддзинныд, мый аммон войтырлӧн Нахаш ӧксы уськӧдчӧ тіян вылӧ, ті шуинныд меным: ”Миянлы колӧ ӧксы, сійӧ мед ыджыдалас миян вылын”.

Нав Исус 24:31

Израиль войтыр кесъяліс Господьлы Нав Исус дырйи да сы бӧрын олысь юрнуӧдысьяс дырйи, кодъяс аддзылісны Господьлысь Израильлы вӧчӧм уджъяссӧ.

Нав Исус 24:24

Войтырыс шуис Исуслы: «Кутам кесъявны Господьлы, асланым Енлы, да кывзысьны Сылысь».

Индӧд 9:16

Ме аддзи тіянлысь сывдӧм бӧлбан-ӧшкӧс. Сійӧс вӧчӧмнаныд ті асланыд Господь Енлы паныд мыж вӧчинныд. Ті ӧдйӧ кежинныд Господьлӧн туйысь, вунӧдінныд Сылысь тшӧктӧмъяссӧ.

Левит 17:7

Израильсаяс мед дугдасны вайны висьнысӧ овтӧминса мутияслы, кодъяслы сетчисны кырсалысь ань моз. Тайӧ тшӧктӧмыс лоӧ налы нэмъяс кежлӧ чужысьяссянь чужысьясӧдз.

Петӧм 32:8

Найӧ ӧдйӧ кежисны Менам туйысь, вунӧдісны Менсьым тшӧктӧмъясӧс. Найӧ вӧчисны аслыныс ӧшкӧс да копыртчисны сылы, вайисны сылы висьяс да шуисны: ”Израиль, тайӧ тэнад ен, сійӧ петкӧдіс тэнӧ Египет муысь!”»

Амос 2:4

Господь тадзи висьталӧ: – Иуда войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд эновтісны Менсьым Индӧдӧс, Менам тшӧктӧмъяс серти эз овны. Батьясныс моз найӧ юрбитісны ылӧг енъяслы, кодъяс кежӧдісны найӧс туйсьыс.

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.

Индӧд 31:18

Ме тупка наысь Ассьым чужӧмбанӧс налӧн мыж вӧчӧм вӧсна, ӧд найӧ бергӧдчисны мукӧд енъяслань.

Ёрдысьяс 8:33

Гедеонлӧн кувсьӧм бӧрын израильсаяс бара эновтісны Господьӧс да кырсалысь ань моз сетчисны Ваал идолъяслы. Найӧ пуктісны Ваал-Беритӧс аслыныс ен пыдди

Еремей 3:6

Иосей ӧксылӧн веськӧдлан кадӧ Господь шуис меным: «Аддзылін-ӧ тэ, мый вӧчис Израиль войтыр, коді эновтіс Менӧ? Сійӧ ветлывліс быд джуджыд керӧс вылӧ да быд пашкыр пу улӧ, и сэні кырсалысь ань моз сетчис мукӧд енъяслы.

Еремей 6:16

Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.