Ёрдысьяс 2:11 - Коми Библия 2023

¹¹ Израиль пиян кутісны вӧчны Господь водзын шогмытӧмсӧ. Найӧ пондісны юрбитны Ваал идолъяслы.

Ёрдысьяс 2:11 Referans Kwoze

Ёрдысьяс 10:6

Израиль пиян бара вӧчисны Господь водзын шогмытӧмсӧ. Найӧ юрбитісны Ваал да Астарта идолъяслы, тшӧтш арамей, сидон, моав, аммон да филистим войтыръяслӧн енъяслы. Найӧ эновтісны Господьӧс, дугдісны Сылы кесъявны.

Ёрдысьяс 6:1

Израиль пиян бара вӧчисны Господь водзын шогмытӧмсӧ. Таысь Господь сетіс найӧс мадиансаяс киӧ сизим во кежлӧ.

Ёрдысьяс 4:1

Эхудлӧн кулӧм бӧрын Израиль пиян бара кутісны вӧчны Господь водзын шогмытӧмсӧ.

Ёрдысьяс 3:7

Израиль пиян вӧчисны Господь водзын шогмытӧмсӧ. Найӧ вунӧдісны Господьӧс, ассьыныс Енсӧ, да пондісны юрбитны Ваал да Астарта идолъяслы.

Ёрдысьяс 8:33

Гедеонлӧн кувсьӧм бӧрын израильсаяс бара эновтісны Господьӧс да кырсалысь ань моз сетчисны Ваал идолъяслы. Найӧ пуктісны Ваал-Беритӧс аслыныс ен пыдди

Ӧксыяслӧн 3 небӧг 18:18

Илля вочавидзис: «Ог ме вай шогсӧ Израильлы, а тэ да тэнад батьыдлӧн рӧдыс. Ті эновтінныд Господьлысь тшӧктӧмъяссӧ да кутінныд юрбитны Ваал идолъяслы.

Ёрдысьяс 13:1

Израиль войтыр бара кутіс вӧчны Господь водзын шогмытӧмсӧ. Таысь Господь сетіс найӧс филистимсаяс киӧ нелямын во кежлӧ.

Еремей 9:14

Найӧ олісны асланыс чорыд сьӧлӧмныс серти да юрбитісны Ваал идолъяслы, кыдзи велӧдісны налӧн батьясныс».

Еремей 2:23

Тэ ӧмӧй верман шуны: «Ме сӧстӧм, ме эг юрбит Ваал идолъяслы». Видзӧдлы аслад уджъяс вылӧ, мӧвпыштлы, мый тэ вӧчин ковтысын! Тэ вӧлін том энь верблюд кодь, коді рӧдйӧн котралӧ ӧтарӧ-мӧдарӧ.

Ездра 8:12

Азгад рӧдысь Хаккатанлӧн Иоханан пиыс да сыкӧд сё дас айлов,

2 Каднебӧг 33:6

Бен-Хинном ковтысын Манассей сотліс биын ассьыс пиянсӧ. Сійӧ кимӧститчис, тунасис, тшыкӧдчис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

2 Каднебӧг 28:2

Сійӧ ветліс израильса ӧксыяслӧн туйӧд, весиг сывдӧмӧн вӧчис Ваал бӧлбанъяс.

Ӧксыяслӧн 1 небӧг 7:4

Израиль войтыр бырӧдаліс Ваал да Астарта бӧлбанъясӧс, кутіс кесъявны-юрбитны сӧмын Господьлы.

Ёрдысьяс 10:10

Израиль пиян шыасисны Господь дінӧ: «Тэныд паныд ми мыжсӧ вӧчим! Ми эновтім ассьыным Енмӧс да юрбитім Ваал идолъяслы!»

Ёрдысьяс 3:12

Израиль пиян бара кутісны вӧчны Господь водзын шогмытӧмсӧ. Та вӧсна Господь кыпӧдіс моавса Эглон ӧксыӧс Израиль войтырлы паныд.

Олӧм 38:7

Ир эз вӧв шогмана Господьлы, и Господь бырӧдіс сійӧс.

Олӧм 13:13

Содомын олысьяс вӧліны зэв лёкӧсь, найӧ уна мыж вӧчисны Господьлы паныд.

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.

Ёрдысьяс 6:25

Сійӧ войнас Господь шуис Гедеонлы: «Босьт батьыдлӧн пемӧс чукӧрысь сизим арӧса медбур ӧшкӧс. Жугӧд батьыд ордысь Вааллысь висьпуктанінсӧ да керав орччӧн сулалысь юрбитан пусӧ.

Ӧксыяслӧн 3 небӧг 22:53

Ахазий юрбитіс-копрасис Вааллы. Батьыс моз тайӧн скӧрмӧдіс Господьӧс, Израильлысь Енсӧ.

Неемий 9:26

Но найӧ кутісны пыксьыны Тэныд, кыпӧдчисны Тэныд паныд, ӧтдортісны Тэнсьыд Индӧдтӧ, виалісны Тэнсьыд пророкъястӧ, кодъяс ӧлӧдісны найӧс, медым веськӧдны Тэлань. Найӧ вӧчисны уна пеж,

Еремей 11:10

Найӧ бергӧдчисны Меысь да батьясныс моз мыж вӧчисны. Налӧн батьясныс эз кӧсйыны кывзыны Менсьым кывъясӧс, а юрбитісны да кесъялісны мукӧд енъяслы. Израиль войтыр да Иуда войтыр торкисны Менсьым йитӧдӧс, мый Ме кӧрталі налӧн батьяскӧд».

Лыд 25:3

Израиль войтыр сьӧлӧмнас сирасис Ваал-Пеор идол дінӧ, и Господь скӧрмис таысь на вылӧ.

Индӧд 4:25

Сійӧ муас олігӧн, кор тіян чужасны ныв-пи, и налӧн чужасны челядь, видзчысьӧй, медым энӧ сетчӧй пежас да энӧ вӧчӧй некутшӧм бӧлбанӧс либӧ серпасалӧм идолӧс. Татшӧм шогмытӧмсӧ кӧ вӧчанныд Господь Енныд водзын, ті дӧзмӧданныд Сійӧс.

Ӧксыяслӧн 1 небӧг 7:3

Самуил шуис налы: «Ті кӧ став сьӧлӧмнад кӧсъянныд бергӧдчыны Господьлань, сідзкӧ, эновтчӧй мукӧд войтырлӧн енъясысь, тшӧтш Астарта идолысь. Веськӧдӧй сьӧлӧмнытӧ Господьлань да сӧмын Сылы кесъялӧй-юрбитӧй. Сэки Сійӧ мездас тіянӧс филистимсаясысь».

Ӧксыяслӧн 1 небӧг 12:10

Но батьясныд бӧрдӧмӧн шыасисны Господь дінӧ да шуисны: ”Ми мыж вӧчим – эновтім Господьӧс да кесъялім-юрбитім Ваал да Астарта идолъяслы. Мезды миянӧс вӧрӧг киысь, ми кутам кесъявны Тэныд”.

Ӧксыяслӧн 3 небӧг 11:5

Соломон кутіс юрбитны сидонсаяслӧн Астарта енлы да аммон войтырлӧн зывӧк Милком идоллы.

2 Каднебӧг 28:3

Бен-Хинном ковтысын сійӧ сотліс висьяс ылӧг енъяслы, сотліс биын ассьыс пиянсӧ, тадзи вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Еремей 2:20

Ме важӧн нин жугӧді тэнсьыд сийӧстӧ, орйӧдлі тэнсьыд кӧртӧдъястӧ. Тэ шулін, мый он кут юрбитны идолъяслы, но став джуджыд керӧс вылын, быд пашкыр пу улын тэ куйлін кырсалысь ань моз.

Еремей 16:11

Сэки тэ шу налы: тайӧ лои сы понда, мый тіян батьясныд эновтісны Менӧ, – висьталӧ Господь. – Найӧ юрбитісны-копрасисны мукӧд енъяслы да кесъялісны налы, а Менӧ эновтісны да эз овны Менам Индӧд серти.

Еремей 32:23

Найӧ локтісны да босьтісны тайӧ мусӧ, но найӧ эз кывзысьны Тэнсьыд, эз овны Тэнад Индӧдыд серти. Найӧ эз вӧчны сійӧ, мый Тэ тшӧктін вӧчны налы, та вӧсна Тэ мӧдӧдін налы став тайӧ шогсӧ.