Ёрдысьяс 17:5 - Коми Библия 2023

⁵ Микейлӧн вӧлі енъяслы юрбитанін. Сійӧ вӧчис нӧшта ефод да гортса бӧлбанъясӧс, и аслас пиянысь ӧтиӧс пуктіс попӧ.

Ёрдысьяс 17:5 Referans Kwoze

Ёрдысьяс 18:14

Вит айловыс, кодъяс волісны Лаис карӧ видзӧдавны мусӧ, шуисны вокъясыслы: «Тані ӧти керкаын эм ефод, сывдӧмӧн вӧчӧм бӧлбан да гортса бӧлбанъяс. Ті тӧданныд, мый вӧчны».

Ёрдысьяс 8:27

Тайӧ зарнисьыс Гедеон вӧчис ефод да пуктіс сійӧс аслас Офра карӧ. Израиль войтыр пондіс юрбитны ефодлы да эновтіс Господьӧс. Гедеонлы да сылӧн рӧдыслы ефодыс лои налькйӧн.

Олӧм 31:19

Кор Лаван вӧлі ыж шыранінын, Ракель гусяліс сылысь гортса бӧлбанъяссӧ.

Ёрдысьяс 18:24

Микей шуис: «Ті босьтінныд менсьым вӧчӧм енъясӧс да менсьым попӧс. Менам нинӧм эз коль! И нӧшта на юаланныд, мый меным колӧ?»

Олӧм 31:30

Тэ мунін, ӧд ёна гажтӧмтчин бать керкасьыд, но мыйла тэ гусялін менсьым енъясӧс?»

Осий 3:4

Израиль войтыр дыр кад чӧж кутас овны ӧксытӧг да юралысьтӧг. Висьяс, юрбитан изъяс, ефод да гортса бӧлбанъяс оз лоны налӧн.

Петӧм 29:9

Сэсся вӧньӧд Ааронӧс да сылысь пиянсӧ, юр выланыс пукты юрвевттьӧд. Аарон да сылӧн пияныс пыр кежлӧ лоӧны попъясӧн. Пукты найӧс кесъявны.

Петӧм 28:15

Вӧч веськыда мыждӧмсӧ петкӧдлан морӧсводз. Серлӧдлӧмӧн кы сійӧс ефодӧс моз зарниысь, гӧрдовлӧз, пемыдгӧрд да югыдгӧрд вурун шӧртъясысь да путшкӧм шабді шӧртысь.

Еврейяслы 5:4

Морт оз вермы ачыс асьсӧ индыны аркирейӧн, тайӧс вермӧ вӧчны сӧмын Ен, коді тшӧтш Ааронӧс индіс аркирейӧн.

Осий 8:14

Израиль вунӧдіс ассьыс Вӧчысьсӧ, кыпӧдаліс юрбитанінъяс. Иуда лэптіс уна зумыд кар, но Ме ыста сылӧн каръяс вылӧ би, и биыс ньылыштас сылысь изкаръяссӧ.

Ездра 1:7

Кир ӧксы тшӧктіс вайны став дозмук-кӧлуйсӧ, мый Навукодоносор вӧлі босьтӧма Господьлӧн крамысь, вайӧма Ерусалимысь да пуктӧма аслас енлӧн керкаӧ.

Ӧксыяслӧн 3 небӧг 12:31

Еровам сувтӧдаліс мылькъяс вылын юрбитанінъяс да индіс войтыр пӧвстысь попъясӧс, кодъяс эз вӧвны Левий чужанкотырысь.

Ӧксыяслӧн 1 небӧг 23:6

Кор Ахимелеклӧн Авиатар пиыс локтіс Давид дінӧ [сэсся муніс сыкӧд] Кейлаӧ, сійӧ аскӧдыс вайис ефод.

Петӧм 28:4

Мед вӧчасны морӧсводз, ефод, риза, серлӧдлӧм кузь дӧрӧм, юркӧртӧд да вӧнь. Мед вӧчасны Аарон вокыдлы да сылӧн пиянлы тайӧ вежа паськӧмсӧ, медым найӧ попъясӧн кесъяласны Меным.

Петӧм 24:5

Израильса том войтырӧс мӧдӧдіс вайны сотан висьяс да начкыны ӧшъясӧс, медым бурасян вись вайны Господьлы.

Лыд 3:10

Ааронлы пияныскӧд тшӧкты [видзӧдны вежа чом бӧрся да] кесъявны попъясӧн. [Найӧ мед видзӧдасны ставыс бӧрся, мый эм висьпуктанін гӧгӧр да Вежаинын ӧшалысь дӧра сайын.] Но бокыса морт кӧ матыстчас вежа чом дорӧ, сійӧс лоӧ виӧма».

Ёрдысьяс 17:4

Бӧр вайӧм эзысьысь мамыс босьтіс кыксё сикель эзысь да сетіс эзысьысь вӧчасьысьлы, коді сывдіс бӧлбанӧс. Сійӧ кадсяньыс бӧлбаныс сулаліс Микей керкаын.

Ёрдысьяс 18:30

Дансянь чужысьяс сувтӧдісны ас орданыс бӧлбанӧс. Мӧисейлӧн Гершом пиыслӧн Ионафан пиыс да сылӧн пияныс кесъялісны Дан чужанкотырлы попъясӧн, кытчӧдз Израиль войтырӧс эз ло нуӧдӧма пленӧ.

Исай 44:13

Пуысь вӧчасьысь [бӧрйӧм] пусӧ мурталӧ кӧвйӧн, вӧчӧ сэтчӧ серпас, ёсь пуртӧн вундалӧ серпас сертиыс, вӧчӧ пусьыс мича мыгӧра морт кодь идолӧс, пуктӧ сійӧс керка пытшкас.

Езекиль 21:21

Со вавилонса ӧксы сулалӧ нин туйвежын, кӧні заводитчӧны тайӧ кык туйыс. Сійӧ юасьӧ гортса бӧлбанъяслысь, тунасьӧ ньӧвъяс пыркӧдӧмӧн да виӧм пемӧслысь муссӧ видзӧдалӧмӧн.

Ӧксыяслӧн 1 небӧг 19:13

Мелкола босьтіс гортса бӧлбанӧс да водтӧдіс сійӧс вольпасяс, юрладорас пуктіс кӧза ку, сэсся бӧлбансӧ вевттис паськӧмӧн.

Ӧксыяслӧн 3 небӧг 12:32

Сійӧ индіс, мый кӧкъямысӧд тӧлысьлӧн дас витӧд лунӧ лоӧ гаж, Иуда муын кодь пасъян гаж. Вефильӧ сувтӧдӧм висьпуктанін вылын Еровам вайис висьяс вӧчӧм ӧшъяслы да индіс попъясӧс, медым найӧ кесъялісны вись ваян мылькъяс вылын.

Езекиль 21:26

Господь Ыджыдыс тадзи висьталӧ: пӧрччы юркӧртӧдтӧ, шыбит юркытштӧ. Ставыс вежсяс: увтыртӧмаӧс лоӧ лэптӧма, вылӧ кыпӧдчысьӧс лоӧ лэдзӧма.