Ёрдысьяс 15:15 - Коми Библия 2023

¹⁵ Самсон аддзис неважӧн на кулӧм осёллысь черлысӧ, босьтіс сійӧс киас да виис сыӧн сюрс филистимсаӧс.

Ёрдысьяс 15:15 Referans Kwoze

Нав Исус 23:10

Тіян ӧти морт вӧтлас сюрс мортӧс, ӧд Ачыс Господь, тіян Енныд, вермасьӧ тіян вӧсна, кыдзи и кӧсйысис тіянлы.

Левит 26:8

Тіян пӧвстысь витыс вӧтлас сёӧс, а сёыс вӧтлас дас сюрсӧс. Вӧрӧгъясныд куласны тіян шыпурт помысь.

Ёрдысьяс 3:31

Эхуд бӧрся ёрдысьӧн вӧлі Шамгар, Анатлӧн пиыс. Ӧшъясӧс вӧтлан ёсь зорйӧн сійӧ виис квайтсё филистимсаӧс. Сійӧ тшӧтш мездіс Израиль войтырӧс.

Ӧксыяслӧн 1 небӧг 14:14

Тайӧ медводдза уськӧдчылӧм дырйи Ионафан да сылӧн кесйӧгыс виисны матӧ кызь мортӧс. Тышыс муніс ичӧтик эрд вылын, кодӧс позис лун джынйӧн гӧрны кык ӧшкӧн.

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».

Ёрдысьяс 7:16

Куимсё мортӧс Гедеон юкис куим пельӧ. Быдӧнлы киас сетіс буксан да гырнич доз, кытчӧ вӧлі дзебӧма ӧзъялысь факел.

Ёрдысьяс 4:21

Сисар вӧлі мудзӧма да унмовсис. Сэккості Яэль, Хеверлӧн гӧтырыс, босьтіс нӧш да чом зэвтан майӧг, сэсся гусьӧникӧн матыстчис Сисар дінӧ да сатшкис-тувъяліс майӧгсӧ кӧсичаас. Майӧгыс муніс юр пырыс да сатшис муас. Тадзи Сисар кувсис.

Еврейяслы 11:34

кусӧдісны яр би, видзисны асьнысӧ шыпуртысь, вынтӧммиганыс найӧ ёнмылісны, тышын вӧліны вынаӧсь, йӧз муысь воысь тышкасьысьясӧс бӧр вӧтлісны асланыс муысь,

Ёрдысьяс 15:16

Самсон шуис: «Осёл черлыӧн лыдтӧм-тшӧттӧм йӧзӧс вии. Осёл черлыӧн сюрс мортӧс вии».

Ёрдысьяс 15:17

Тайӧс шуӧм бӧрын шыбитіс кисьыс черлысӧ. Тайӧ местасӧ нимтіс Рамат-Лехиӧн.

Левит 26:7

Ті кутанныд вӧтлыны вӧрӧгъяснытӧ, найӧ куласны тіян шыпурт помысь.

Ӧксыяслӧн 2 небӧг 23:8

Давидлӧн тышкайӧзысь тӧдчанлунныс серти торъялісны куимӧн. Медтӧдчанаыс на пиысь вӧлі Тахкемонысь Ишбошет. Аслас шыӧн сійӧ ӧтчыдӧн виис вӧрӧглысь кӧкъямыссё мортӧс.