Ёрдысьяс 15:14 - Коми Библия 2023

¹⁴ Кор Самсон воис Лехи карӧ, филистимсаяс горзӧмӧн паныдалісны сійӧс. Господьлӧн Лолыс лэччис Самсон вылӧ. Сэки кисӧ кӧрталӧм гезъясыс сотчӧм шабді моз гылалісны.

Ёрдысьяс 15:14 Referans Kwoze

Ёрдысьяс 14:19

Господьлӧн Лолыс лэччис Самсон вылӧ. Самсон муніс Аскалонӧ да виис сэні комын мортӧс, пӧрччӧдіс на вылысь паськӧмсӧ да сетіс налы, кодъяс тӧдмалісны сылысь нӧдкывсӧ. Скӧрйывсьыс сійӧ бӧр муніс бать керкаас.

Псалтыр 118:11

Аслам сьӧлӧмын ме видза Тэнсьыд кывтӧ, медым эг вӧч Тэныд паныд мыж.

Ӧксыяслӧн 1 небӧг 17:35

сэки ме вӧтча сы бӧрся, уськӧдча да мырддя вомсьыс. А сійӧ кӧ уськӧдчӧ ме вылӧ, ме босьта сійӧс бурысьӧдыс, личка да виа.

Ӧксыяслӧн 1 небӧг 11:6

Тайӧс кылӧм бӧрын Енлӧн Лов лэччис Саул вылӧ, сы пытшкын кыптіс скӧрлун.

Ёрдысьяс 14:6

Господьлӧн Лолыс лэччис Самсон вылӧ, и Самсон куш кинас косявліс левӧс кӧзапиӧс моз. Но тайӧ лоӧмтор йывсьыс бать-мамыслы эз висьтав.

Ёрдысьяс 3:10

Господьлӧн Лолыс вӧлі Отниэл вылын. Сійӧ вӧлі ёрдысь и Израиль войтырӧн веськӧдлысь. Отниэл петіс тышӧ, и Господь сетіс сылӧн киӧ Месопотамияысь Кушан-Ришатаим ӧксыӧс. Тадзи Кушан-Ришатаим шедіс Отниэллӧн кипод улӧ.

Филипӧ 4:3

Кора тэнӧ, эскана уджъёртӧй, отсав тайӧ аньясыслы. Кор ме висьтавлі Бур Юӧрсӧ, найӧ пыр вӧліны мекӧд, кыдзи и Климент да мукӧд уджалысьяс, кодъяслысь нимъяссӧ гижӧма Олӧмыслӧн небӧгӧ.

Закар 4:6

Андел шуис меным: – Тайӧ Господьлӧн кывйыс Зоровавельлы: он тышкайӧзӧн, он аслад вынӧн тэ вермы, а Менам Лолӧн, – висьталӧ Господь Саваоф. –

Микей 7:8

Менӧ мустӧмтысь, эн серав ме вылын! Ме усьӧма, но ме чечча. Ме ола пемыдын, но Господь – менам югыдыс.

Иов 20:5

лёк вӧчысьлӧн гажӧдчӧмыс дженьыд, Ентӧг олысьлӧн нимкодясьӧмыс здук мында?

Ӧксыяслӧн 1 небӧг 4:5

Кор Господьлысь Йитӧд кудсӧ вайисны тышкайӧзлӧн чукӧртчанінӧ, израильсаяс нимкодясьӧмӧн гораа горзісны, мый весиг муыс вӧрис.

Ёрдысьяс 16:24

Самсон вылӧ видзӧдігӧн филистим войтыр ошкис ассьыс енсӧ. Найӧ шуалісны, миян енным пӧ сетіс миян киӧ вӧрӧгнымӧс, коді куштіс мунымӧс да миян пӧвстысь унаӧс виис.

Ёрдысьяс 16:12

Далида босьтіс выль гез, кӧрталіс Самсонӧс да шуис: «Самсон, филистимсаяс локтӧны!» Самсон сунисӧс моз орйӧдліс гезсӧ кисьыс. Та дырйи ӧти жырйын пукалісны филистимса кыйӧдчысьяс.

Ёрдысьяс 16:9

Далидалӧн ӧти жырйын пукалісны филистимса кыйӧдчысьяс. Далида шуис: «Самсон, филистимсаяс локтӧны!» Самсон орйӧдліс гартӧм сӧнъяссӧ биӧн сотӧм шӧртӧс моз. Сылысь вынсӧ эз ло тӧдмалӧма.

Ёрдысьяс 5:30

«Гашкӧ, тышын шедӧдӧмасӧ юклӧ, быд тышкамортлы ӧти ли кык нылӧс сетӧ. Сисар босьтӧ аслыс уна рӧма паськӧм, серлӧдлӧмӧн кыӧм чышъян пӧрччӧдӧ пленӧ босьтӧмалысь».

Петӧм 14:5

Египетса ӧксылы висьталісны, Израиль войтыр пӧ пышйис. Сэки фараон да сылӧн йӧзыс ыззисны вӧтӧдны израильсаясӧс. Найӧ шуисны: «Мый нӧ ми вӧчим? Мыйла нӧ лэдзим Израиль войтырӧс? Коді ӧні кутас уджавны миянлы?»

Петӧм 14:3

Фараон [аслас войтырлы] шуас, мый Израиль пиян шӧйтӧны-ветлӧны овтӧминӧд, и туйсӧ оз аддзыны.

Ёрдысьяс 15:13

Самсонлы вочавидзисны: «Ми огӧ виӧй тэнӧ, сӧмын кӧртавлам да сетам филистимсаяслы». Самсонӧс кӧртавлісны кык выль гезйӧн да петкӧдісны изкыртаысь.

Ёрдысьяс 15:9

Филистимса тышкайӧз петісны тышӧ, сувтісны Иуда муӧ да паськӧдчисны Лехи карӧдз.

Ӧксыяслӧн 1 небӧг 10:6

Господьлӧн Лолыс лэччас тэ вылӧ, и накӧд тшӧтш тэ кутан пророкавны да лоан мӧдпӧлӧс мортӧн.

Ӧксыяслӧн 1 небӧг 10:10

Вись ваян мыльк дорӧ воигӧн Саул да кесйӧгыс паныдасисны пророкъяскӧд. Сэки Енлӧн Лов лэччис Саул вылӧ, и сійӧ накӧд тшӧтш кутіс пророкавны.