Ёрдысьяс 15:11 - Коми Библия 2023

¹¹ Иуда муысь куим сюрс морт локтіс Этам изкыртаӧ. Найӧ шуисны Самсонлы: «Тэ ӧмӧй он тӧд, мый филистимсаяс ыджыдалӧны миян вылын? Мый тэ вӧчин миянкӧд?» Самсон вочавидзис налы: «Кыдзи найӧ вӧчисны меным, сідзи ме вӧчи налы».

Ёрдысьяс 15:11 Referans Kwoze

Ёрдысьяс 14:4

Бать-мамыс эз тӧдны, мый тайӧ вӧлі Господьсянь, ӧд Господь кӧсйис филистимсаяслысь водзӧс перйыны. Сійӧ кадас филистимсаяс ыджыдалісны Израиль вылын.

Ёрдысьяс 13:1

Израиль войтыр бара кутіс вӧчны Господь водзын шогмытӧмсӧ. Таысь Господь сетіс найӧс филистимсаяс киӧ нелямын во кежлӧ.

Индӧд 28:13

Господь [тіян Енныд] вӧчас тіянӧс юрӧн, а оз бӧжӧн. Тіянӧс вылӧ кыпӧдасны, а оз увтыртны, кутанныд кӧ кывзысьны Господьлысь, асланыд Енлысь, да овны Сылӧн тшӧктӧмъяс серти, мый талун висьтала тіянлы,

Левит 26:25

Йитӧд торкӧмысь Ме вайӧда тіян вылӧ вӧрӧгӧс. Татшӧм ногӧн тіянлысь водзӧс перъя. Дзебсянныд кӧ асланыд каръясӧ, Ме мӧдӧда тіян вылӧ пӧрӧс висьӧм, сета тіянӧс вӧрӧг киӧ.

Индӧд 28:43

Йӧз муысь локтысьяс пондасны ыджыдавны тіян вылын, а ті пыр улӧджык и улӧджык усянныд.

Ёрдысьяс 15:10

Иудаын олысьяс юалісны: «Мыйла ті кӧсъянныд уськӧдчыны миян вылӧ?» Найӧ вочавидзисны: «Ми локтім Самсонла, медым вӧчны сылы, кыдзи сійӧ вӧчис миянлы».

Ёрдысьяс 15:12

Иуда муысь локтысьяс шуисны: «Ми локтім тэла, медым кӧртавны тэнӧ да сетны филистимсаяслы». Самсон шуис налы: «Кыв сетӧй меным, мый онӧ виӧй менӧ».

1 Каднебӧг 4:3

Этам карын олысьяс петісны Изреельсянь, Ишмасянь да Идбашсянь. Налӧн вӧлі Гацлелпони нима чой.