Ёрдысьяс 13:7 - Коми Библия 2023

⁷ Сійӧ шуис меным, мый ме сьӧкта да чужта пиӧс. Сійӧ ӧлӧдіс менӧ вина-сур юӧмысь да пеж сёян сёйӧмысь, ӧд менам кынӧмсянь кагаӧс лоӧ торйӧдӧма Енлы. Кувтӧдзыс сійӧ лоӧ назорейӧн».

Ёрдысьяс 13:7 Referans Kwoze

Ёрдысьяс 13:4

Сідзкӧ, вина-сур эн ю, пеж сёян эн сёй,

Лыд 6:2

«Висьтав Израиль пиянлы: айлов либӧ ань кӧ кыв сетас, мый сиас асьсӧ Господьлы – лоас назорейӧн,

Ёрдысьяс 13:6

Ань локтіс верӧсыс дінӧ да висьталіс сылы: «Ме дінӧ воліс Енлӧн морт. Сійӧ вӧлі Енлӧн андел кодь, вежавидзана да повзьӧдана. Ме эг юав, кытысь сійӧ локтіс, и ассьыс нимсӧ сійӧ эз висьтав.

Ёрдысьяс 13:8

Маной кевмысис Господьлы. Сійӧ шуис: «Господьӧй! Мед бара на волас миян дінӧ Енлӧн мортыс, кодӧс Тэ мӧдӧдлін. Сійӧ мед велӧдас миянӧс, мый вӧчны кагаыскӧд, коді миян чужас».

Еремей 35:6

Но найӧ вочавидзисны: «Винатӧ ми огӧ юӧй, ӧд Рекавлӧн Ионадав пиыс, миян батьным, ӧлӧдіс миянӧс: ”Некор энӧ юӧй винатӧ ни ті, ни тіян челядьныд.

Амос 2:11

Пиян пӧвстсьыныд Ме бӧрйи пророкъясӧс, том зонъяс пӧвстысь – назорейясӧс. Абу-ӧ тайӧ тадзи, Израиль войтыр? – висьталӧ Господь. –