Ёрдысьяс 13:22 - Коми Библия 2023

²² да шуис гӧтырыслы: «Ӧні ми кулам, ӧд ми Енмӧс аддзылім».

Ёрдысьяс 13:22 Referans Kwoze

Индӧд 5:26

Кывліс-ӧ кодкӧ миян моз би пытшсянь сёрнитысь ловъя Енлысь гӧлӧс шысӧ, и ловйӧн колис?

Олӧм 32:30

Яков шуис: «Аслам синмӧн Енмӧс аддзылі и ловйӧн коли». Та вӧсна нимтіс тайӧ местасӧ Пенуэлӧн.

Иоан 1:18

Йӧзыс Енсӧ эз аддзывлыны, сӧмын ӧтка Пиыс, Бать дінас олысьыс, восьтіс Сійӧс миянлы.

Иоан 5:37

Менӧ мӧдӧдысь Батьӧй Ачыс висьталӧ Ме йылысь. Ті Сылысь гӧлӧс шысӧ некор энӧ кывлӧй, Сылысь чужӧмсӧ энӧ аддзылӧй,

Исай 6:5

Сэки ме шуи: «Курыд шог меным, менӧ виччысьӧ кулӧм! Ме ӧд пеж вома морт, ола пеж вома войтыр пӧвстын, но ме аддзылі Ӧксыӧс, Господь Саваофӧс».

Петӧм 33:20

Сэсся Господь шуис: «Тэ он вермы видзӧдны Менам чужӧмбан вылӧ. Ме вылӧ видзӧдлӧм бӧрын мортыс оз вермы ловйӧн кольны».

Ёрдысьяс 6:22

Гедеон гӧгӧрвоис, мый тайӧ вӧлі Господьлӧн андел, да шуис: «Господьӧй Ыджыдӧй! Курыд шог меным! Ме ӧд аслам синмӧн аддзылі Господьлысь анделсӧ».

Индӧд 4:38

Сійӧ вӧтліс тіян водзысь войтыръясӧс, кодъяс вӧліны тіянысь унджыкӧнӧсь да вынаджыкӧсь. Сійӧ пыртіс тіянӧс налӧн муӧ да сетіс налысь мусӧ тіянлы, кыдзи ӧні артмӧ.

Петӧм 3:6

Ен нӧшта шуис: «Ме тэнад батьлӧн Ен, Ӧвраамлӧн Ен, Исааклӧн Ен да Яковлӧн Ен». Мӧисей тупкис чужӧмсӧ, ӧд поліс видзӧдны Ен вылӧ.

Петӧм 24:9

Сэсся Мӧисей да Аарон, Надав да Авиуд Израильлӧн сизимдас юрнуӧдыськӧд кайисны керӧсӧ.

Петӧм 24:10

Сэні найӧ аддзисны Израильлысь Енсӧ. Сылӧн кок улыс вӧлі сапфир кодь, дзик енэжыс кодь югыд.