Ёрдысьяс 12:6 - Коми Библия 2023

⁶ тшӧктісны шуны ”шибболет”, а сійӧ шуис ”сибболет”, ӧд Ефремсянь чужысьяс эз вермыны шуны тайӧ кывсӧ колана ногӧн. Сэки татшӧм мортсӧ кутісны да виисны Йӧрдан ю вуджанін дорын. Сійӧ кадас Ефрем чужанкотырысь вӧлі виӧма нелямын кык сюрс мортӧс.

Ёрдысьяс 12:6 Referans Kwoze

Галатӧ 5:15

Ті кӧ йиранныд-пуранныд ӧта-мӧднытӧ, видзчысьӧй, мед ӧта-мӧдтӧ дзикӧдз энӧ бырӧдӧй.

Марк 14:70

Петыр бара соссис. Бӧрынджык сэні сулалысьяс шуисны Петырлы: «Тэ дзик на пиысь. Тэ Галилеяысь, сёрниыд налӧн кодь».

Матвей 26:73

Бӧрынджык сэні сулалысьяс матыстчисны да шуисны Петырлы: «Тэ дзик на пиысь, сёрниыд налӧн кодь».

Матвей 12:25

Налысь мӧвпъяссӧ тӧдӧмӧн Исус шуис: «Ас муын олысьяс кӧ ас костаныс тышкасьӧны, тайӧ муыс кушмас. Зыксьӧмӧн олысь карыд да керкаыд дыр оз сулав.

Исай 27:12

Но сійӧ лунӧ ыджыд юсянь Египет мудорса шорӧдз Господь пыркӧдас шепъяссӧ. Сэки тіянӧс, Израиль войтырӧс, лоӧ чукӧртӧма.

Еклесиаст 10:12

Мывкыдалӧн сёрниыс сьӧлӧм вылад воӧ, вежӧртӧмлӧн вомыс асьсӧ виӧ.

Шусьӧгъяс 18:19

Пудъясьӧмыд лӧньӧдӧ вензьӧмтӧ, вына йӧз костын бӧръя кывсӧ шуӧ.

Шусьӧгъяс 17:14

Пинь-зык панӧмыд ва ызӧбтӧм кодь, пансьытӧдзыс сувтӧд сійӧс.

Псалтыр 69:2

Енмӧй, мезды менӧ, Господьӧй, тэрмась отсавны меным!

Ёрдысьяс 12:5

Галаадсаяс тупкалісны Ефремсянь чужысьяслысь Йӧрдан ю вуджанінъяссӧ. Кор Ефрем чужанкотырысь ловйӧн кольысь корліс вуджны, сэки галаадсаяс юавлісны, абу-ӧ тэ Ефрем чужанкотырысь. Мортлы, коді вочавидзис, абу пӧ,

Ёрдысьяс 12:7

Галаадса Еффай вӧлі Израиль войтырлы ёрдысьӧн квайт во. Кулӧм бӧрас сійӧс дзебисны Галаадын аслас карӧ.