Ёрдысьяс 11:21 - Коми Библия 2023

²¹ Господь, Израильлӧн Ен, сетіс Сигонӧс да сылысь тышкайӧзсӧ израильсаяслӧн киӧ. Тадзи израильсаяс пасьвартісны сэні олысь аморейясӧс да босьтісны аслыныс став налысь мусӧ.

Ёрдысьяс 11:21 Referans Kwoze

Лыд 21:24

Израиль вермис Сигонӧс, босьтіс сылысь мусӧ Арнон юсянь Явок юӧдз, кысянь заводитчис аммон войтырлӧн муыс. Аммон войтыр бура видзис ассьыс мудорсӧ.

Индӧд 2:32

Яхацӧ воӧм бӧрын Сигон ӧксы став аслас тышкайӧзыскӧд петіс тышӧ миянлы паныд.

Ёрдысьяс 11:20

Но Сигон эз лэдз мунны Израиль войтырлы аслас муӧд. Мӧдарӧ, сійӧ чукӧртіс ассьыс йӧзсӧ, сувтӧдіс найӧс Яхац кар дорӧ да петіс израильсаяслы паныд тышӧ.

Петӧм 23:31

Ме сета тіянлы му Гӧрд саридзсянь Филистим саридзӧдз да овтӧминсянь [ыджыд Ефрат] юӧдз. Тайӧ муысь олысьяссӧ Ме сета тіян киӧ, и ті вӧтланныд найӧс.

Нав Исус 6:2

Аслад став тышкайӧзкӧд ӧтчыдысь луннас кытшовтӧй кар гӧгӧрыс. Тадзи вӧчӧй квайт лун чӧж.

2 Каднебӧг 13:5

Ті ӧд тӧданныд, мый Господь, Израильлӧн Ен, пыр кежлӧ сетіс Израильын ӧксыалӧмсӧ Давидлы да сысянь чужысьяслы да пыр кежлӧ кӧрталіс накӧд вежсьывлытӧм йитӧд.

2 Каднебӧг 13:16

Израильса тышкайӧз пышйисны иудаса тышкайӧзысь, но Енмыс сетіс найӧс иудаса тышкайӧзлӧн киӧ.

Амос 2:9

Тіян вӧсна Ме бырӧді аморейясӧс, кодъяс вӧліны сус пу кодь кузьӧсь, тупу кодь ёнӧсь. Ме бырӧді найӧс вужвыйӧдзныс, ӧти вотӧс эг коль.