Ёрдысьяс 10:15 - Коми Библия 2023

¹⁵ Израиль пиян шуисны Господьлы: «Ми мыжаӧсь. Вӧч миянкӧд, мый кӧсъян, сӧмын мезды миянӧс талун».

Ёрдысьяс 10:15 Referans Kwoze

Ӧксыяслӧн 1 небӧг 3:18

Самуил висьталіс ставсӧ, нинӧм эз дзеб Илийысь. Сэки Илий шуис: «Сійӧ – Господь. Мед вӧчас, мый кӧсйӧ».

Ӧксыяслӧн 2 небӧг 15:26

А шуас кӧ, тэ пӧ Меным абу шогмана, ме дась – мед вӧчас мекӧд, мый кӧсйӧ.

Шусьӧгъяс 28:13

Коді дзебӧ мыжъяссӧ, сылӧн нинӧм оз артмы, но коді висьтасьӧ да дугдӧ мыж вӧчны, сы дінӧ Енмыс буралӧ.

Ӧксыяслӧн 2 небӧг 24:14

Давид шуис Гад пророклы: «Ыджыд шог суис менӧ. Но морт киӧ веськалӧм дорысь бурджык шедны Господьлӧн мыждӧм улӧ, ӧд Сылӧн буралӧмыс ыджыд». [Давид бӧрйис кулана висьӧм шобді вундан кадӧ.]

Нав Исус 9:25

Ӧні ми тэнад киынӧсь. Вӧч миянкӧд сійӧ, мый чайтан бурӧн да веськыдӧн».

Иона 3:9

Гашкӧ, Енмыс бурсьӧлӧмтчас да вештас Ассьыс ыпъялан скӧрлунсӧ миян вылысь, и ми ловйӧн колям».

Ӧксыяслӧн 2 небӧг 10:12

Эн пов. Кутам зумыда сулавны асланым войтыр вӧсна, миян Енлӧн каръяс вӧсна. А Господь вӧчас, кыдзи Сылы колана».

Иона 2:4

Пыдӧстӧминӧ, саридзлӧн джуджыд ваӧ, Тэ шыбитін менӧ. Визулыс новлӧдліс менӧ, Тэнад гыясыд мунісны ме вывті.

Иов 33:27

Сьылӧмӧн сійӧ кутас юӧртны йӧзыслы: «Ме мыж вӧчи, эг вӧв веськыд, но Енмыс эз мынтысь меным уджъясӧй серти.

Ӧксыяслӧн 2 небӧг 24:10

Войтырсӧ арталӧм бӧрын Давидлы сьӧкыд лои сьӧлӧм вылас. Сійӧ шуис Господьлы: «Ме, Тэнад кесйӧг, мыжа сыысь, мый лыдди войтырӧс. Кора Тэнӧ, Господьӧй, вешты ме вылысь мыжӧс. Ме мывкыдтӧг вӧчи».

Ӧксыяслӧн 2 небӧг 12:13

Давид шуис Нафанлы: «Ме мыжа Господь водзын». Нафан шуис: «Господь ӧні вештіс тэ вылысь мыжтӧ. Тэ он кув.

Ӧксыяслӧн 1 небӧг 12:10

Но батьясныд бӧрдӧмӧн шыасисны Господь дінӧ да шуисны: ”Ми мыж вӧчим – эновтім Господьӧс да кесъялім-юрбитім Ваал да Астарта идолъяслы. Мезды миянӧс вӧрӧг киысь, ми кутам кесъявны Тэныд”.

Ӧксыяслӧн 1 небӧг 7:6

Израильсаяс локтісны Миспаӧ. Сэні найӧ гумлалісны ва да кисьталісны му вылӧ Господь водзын, тайӧн петкӧдлісны мыжсьыныс бергӧдчӧмнысӧ. Сійӧ лунӧ найӧ видзалісны да висьтасисны, ми пӧ мыж вӧчим Господьлы паныд. Тадзи Миспа карын Израиль войтыр чукӧртчис Самуил ёрдысь водзӧ.

Исай 26:16

Господьӧй, сьӧкыдсӧ нуигӧн Тэнад войтырыд корсьысисны Тэнӧ. Кор Тэ мыждылін найӧс, найӧ ышлолалӧмӧн кевмысьлісны Тэныд.