Ёрдысьяс 1:19 - Коми Библия 2023

¹⁹ Господь вӧлі Иуда чужанкотыркӧд. Найӧ босьтісны керӧсвыв му, но ковтысын олысьясӧс эз вермыны вӧтлыны, ӧд налӧн вӧліны кӧрт тарантасъяс.

Ёрдысьяс 1:19 Referans Kwoze

Исай 41:10

Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.

Ёрдысьяс 1:2

Господь вочавидзис: «Иуда чужанкотыр петас. Сы киӧ Ме сета мусӧ».

Филипӧ 4:13

Ставсӧ верма менӧ ёнмӧдысь Исус Кристоскӧд!

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Матвей 1:23

– Ныв сьӧктас, сэсся пи чужтас. Эммануил ним Сылы пуктасны. Нимыс висьталӧ: миянкӧд Ен.

Исай 8:10

Мӧвпалӧй да дасьтысьӧй, но тіян мӧвпыштӧманыд оз збыльмы. Сёрнитчӧй ӧта-мӧдныдкӧд, но тіян нинӧм оз артмы. Ӧд миянкӧд Ен!

Исай 7:14

Но Господь Ачыс петкӧдлас тіянлы пас: со, ныв сьӧктас, сэсся пи чужтас, Эммануил ним Сылы пуктас.

Еклесиаст 9:11

Нӧшта ме аддзылі шонді улас, мый панласигӧн тэрыба котӧртысь оз век ло вермысьӧн, медвына тышкасьысь оз век вермы тышын, мывкыдалӧн абу пыр няньыс, вежӧралӧн абу пыр озырлуныс, кужысь морт дінӧ оз век буравны. Быдӧнлӧн аслас кад да аслас олан туй.

Псалтыр 46:9

Енмыс ӧксыалӧ войтыръяс вылын, Сійӧ пукалӧ Аслас вежа пуклӧсын.

Псалтыр 46:7

Сьылӧй Енлы, сьылӧй! Сьылӧй миян Ӧксылы, сьылӧй!

Ӧксыяслӧн 4 небӧг 18:7

Господь вӧлі Езекейкӧд, та вӧсна сылӧн ставыс артмис. Езекей кыпӧдчис ассурса ӧксылы паныд да дугдіс сылы кесъявны.

Ӧксыяслӧн 2 небӧг 5:10

Господь Ен Саваоф вӧлі Давидкӧд, та вӧсна сійӧ лои вына юралысьӧн.

Нав Исус 14:12

Сет меным керӧсвыв мусӧ, мый йылысь сэки висьтавліс Господь. Тэ ачыд кывлін, мый сэні ыджыд да зумыд каръясын олӧ енак войтыр. Господь кӧ лоӧ мекӧд, ме вӧтла найӧс, кыдзи шуис Господь».

Нав Исус 7:12

Израиль пиян мышкӧн бергӧдчисны вӧрӧглы да пышйисны. Найӧ эз вермыны вӧрӧгӧс, ӧд веськалісны ёрӧм улӧ. Ёрӧм улӧ веськалӧмаӧс кӧ онӧ бырӧдӧй ас пӧвстсьыныд, Ме тіянкӧд ог ло.

Нав Исус 1:9

Ме тшӧкта тэныд: ло зумыд да повтӧм! Эн тірав да эн пов, ӧд Господь, тэнад Енмыд, лоӧ тэкӧд быдлаын, кытчӧ тэ мунан».

Нав Исус 1:5

Тэныд паныд сувтны некод оз вермы став тэнад олан лунъяс чӧжыд. Ме лоа тэкӧд, кыдзи вӧлі Мӧисейкӧд. Ог эновт да ог коль тэнӧ.

Олӧм 39:21

но Господь вӧлі сыкӧд. Господь вӧлі бур сьӧлӧма Ӧсип дінӧ, та вӧсна дзескыдінса юралысьлы Ӧсип воис сьӧлӧм вылас.

Олӧм 39:2

Господь вӧлі Ӧсипкӧд, та вӧсна сылӧн ставыс артмис. Ӧсип оліс аслас ыджыдыслӧн керкаын,

Ёрдысьяс 4:3

Сылӧн вӧлі ӧкмыссё кӧрт тарантас. Кызь во чӧж Сисар чорыда дзескӧдіс Израиль пиянӧс, та вӧсна найӧ бӧрдӧмӧн шыасисны Господь дінӧ.

Ёрдысьяс 4:13

Сисар чукӧртіс ассьыс тышкайӧзсӧ да ӧкмыссё кӧрт тарантассӧ. Аслас став тышкайӧзыскӧд сійӧ петіс Харошет-Гоим карысь Кишон ю дорӧ.

Ӧксыяслӧн 1 небӧг 18:5

Давид вермыліс быд тышын, кытчӧ Саул мӧдӧдліс сійӧс. Та вӧсна Саул пуктіс Давидӧс веськӧдлыны тышкайӧзӧн. Став йӧзыслы и Сауллӧн кесйӧгъяслы тайӧ воис сьӧлӧм вылас.

Ӧксыяслӧн 1 небӧг 18:12

Саул кутіс повны Давидысь, ӧд Господь вӧлі Давидкӧд, а Саулкӧд Господь эз нин вӧв.

Ӧксыяслӧн 1 небӧг 18:14

и быдлаын вермыліс, ӧд Господь вӧлі сыкӧд.