7 Та вӧсна нимкодясьӧмӧн сёй няньтӧ, долыд сьӧлӧмӧн ю винатӧ, ӧд тайӧс Енмыс сетӧма тэныд.
Гажтӧ вӧчӧны нимкодясьӧм могысь, и винаыд олӧмтӧ гажӧдӧ, но ставсьыс мынтысьӧ сьӧм.
Сэні ас котырныдкӧд сёйӧй висьнытӧ Господь Енныд водзын. Нимкодясьӧй сыысь, мый удж помысь перйинныд аслыныд, ӧд Господь, тіян Енныд, бурсиис тіянӧс.
Ме ошки нимкодясьӧм, ӧд мортлы сёйӧм-юӧмысь да нимкодясьӧмысь бурджыкыс шонді улас абу. Нимкодясьӧмыс лоӧ сыкӧд став олан лунъяс чӧжыс, мыйтӧм Енмыс сетӧ сылы мырсьыны-пессьыны шонді улас.
Енмыс кӧ сетӧ мортлы озырлун да овмӧс-эмбур, лэдзӧ сы помысь овны-вывны, босьтны ассьыс пайсӧ да нимкодясьны мырсян-пессян олӧмас, тайӧ сылы – Енсянь козин.
Быд войтыр пӧвстысь Сійӧ сибӧдӧ найӧс, кодъяс олӧны веськыда да Сыысь полӧмӧн.
Гажӧдчан лунъяс помасьӧм бӧрын Соломон лэдзис войтырсӧ. Найӧ бурсиисны ӧксыӧс да мунісны гортаныс долыд сьӧлӧмӧн, нимкодясисны став бурсьыс, мый Господь вӧчис Аслас Давид кесйӧглы да Аслас Израиль войтырлы.
Гажӧдчӧй Господь Енныд водзын ныв-пиныдкӧд, кесйӧгъясныдкӧд, а сідзжӧ левитъяскӧд, кодъяс олӧны тіян карын, ӧд налӧн абу му юкӧныс тіян пӧвстын.
Исус шуис сылы: «Мун, тэнад пиыд бурдіс». Ӧксылӧн отсасьысь эскис Исуслӧн кывъясӧ да муніс гортас.
Сетӧй корысьяслы, мый дозмук пытшкас. Сэки ставыс тіян лоӧ сӧстӧм.
Исус шуис сылы: «Тадз кӧ мӧвпалан, мун, пеж лов петіс тэнад ныв пытшкысь».
Мыйла шуин сійӧс аслад чойӧн? Ме сійӧс аслым гӧтырӧ босьті. Ӧні бӧр босьт ассьыд гӧтыртӧ да мун».
Ставсӧ тайӧс поп мед ваяс Господь водзын пыркӧдан вись пыдди. Тайӧ вежаторйыс вичмас поплы задвыв яйкӧд да пыркӧдӧмӧн вайӧм морӧсвыв яйкӧд. Та бӧрти назорейлы позьӧ юны вина.
Бур кадӧ нимкодясь, а сьӧкыд кадӧ эн вунӧд, мый ӧтиыс и мӧдыс – Енсянь. Енмыс тадзи лӧсьӧдӧма, медым мортыс нинӧм эз вермы шуны Сылы паныд.
Весиг кӧ тэ олан уна во, нимкодясь став олӧм чӧжыд, но эн вунӧд, мый уна пемыд лун на воас. Ставыс, мый тэныд паныдасяс олӧмад, весьшӧрӧ.
Вооз сёйис-юис да долыдпырысь водіс узьны нянь тэчас бокӧ. Руфа гусьӧникӧн матыстчис, лэптыштіс Воозлӧн кок увсьыс шебрассӧ да водіс.